ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ពិតជាកក្រើកពេកហើយ រាជរដ្ឋាភិបាល កម្ពុជា ខិតខំប្រឹងប្រែងទប់ស្កាត់ កូវីត ១៩ តែមន្ត្រីថ្នាក់ក្រោមជាតិ ក្នុងខេត្តកំពង់ឆ្នាំង ឆ្លៀតឱកាសឲ្យជនខិលខូចទន្រ្ទានយកដីរដ្ឋ​  ||     អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||   

» ព័ត៌មានជាតិ » ប៉ូលិស​បញ្ជូន​ខ្លួន សាច់ញាតិ​របស់លោក​ថោង សារ៉ាត់ ទៅ​តុលាការ ​

ប៉ូលិស​បញ្ជូន​ខ្លួន សាច់ញាតិ​របស់លោក​ថោង សារ៉ាត់ ទៅ​តុលាការ ​

ភ្នំពេញ​៖ នៅ​ថ្ងៃទី​០៦ ខែធ្នូ ឆ្នាំ​២០១៤ ដើម្បី​សាកសួរ​ជុំវិញ​ការ​លួចលាក់​អាវុធ​ខុសច្បាប់ ៦​ដើម និង​ការព្យាយាម​លាក់បាំង​ជនល្មើស​។ លោក ថោង ចំរើន លោកស្រី កែវ សារី មន្ត្រី​យោធា​ស័ក្តិ​៤​កន្លះ​នៅ​ក្រសួងការពារជាតិ លោក​ថោង បូ​ណា និង​ភរិយា ដែល​ត្រូវជា​ឪពុក​-​ម្តាយ ប្អូនប្រុស បង្កើត និង​ប្អូនស្រី​សាច់ថ្លៃ របស់លោក​ឧកញ៉ា ថោង សារ៉ាត់ នឹងត្រូវ​បញ្ជូន​ទៅកាន់​សាលាដំបូង ដើម្បី​ឲ្យ​មន្ត្រី​តុលាការ​សាកសួរ​លើ​បទ​ល្មើស​លាក់ទុក​អាវុធ​ខុសច្បាប់ និង​ការព្យាយាម​រាំង​ការងារ​សមត្ថកិច្ច លាក់បាំង​ជនល្មើស​។ សូមបញ្ជាក់​ជុំវិញ​ករណី​ឃាតកម្ម​បាញ់សម្លាប់​ឧកញ៉ា អ៊ឹង ម៉េង​ជឺ រហូតដល់​ល្ងាច​ថ្ងៃទី​០៥ ខែធ្នូ ឆ្នាំ​២០១៤​នេះ ចៅក្រម​ស៊ើបសួរ​សាលាដំបូង​រាជធានី​ភ្នំពេញ លោក លី សុខ​ឡេង បានចេញ​ដីកាឃុំខ្លួន​បណ្ដោះអាសន្ន នៅ​ពន្ធនាគារ ព្រៃ​ស លើ​អង្គរក្ស​របស់​ឧកញ៉ា ថោង សារ៉ាត់ ទាំង​៤​រូប ជា​ជនដៃដល់​ហើយ​។ លោក​ចៅក្រម លី សុខ​ឡេង បានសម្រេច ចោទប្រកាន់​ជនដៃដល់​ទាំង​៤​នាក់ ពីបទ​ឃាតកម្ម​គិតទុក​ជាមុន​។ បើតាម​មាត្រា​២០០ នៃ​ក្រមព្រហ្មទណ្ឌ​បទ​ចោទ ប្រកាន់​ឃាតកម្ម​គិត​ជា​ទុក​មុន ជនជាប់ចោទ​ទាំង​៤​នាក់ អាច ជាប់ពន្ធនាគារ​អស់​មួយជីវិត​។​
​អង្គរក្ស​ទាំង​៤​នាក់ ដែល​លោក លី សុខ​ឡេង សម្រេច​ចោទប្រកាន់​នេះ រួមមាន​៖ ឈ្មោះ សៀង វាសនា ជា​អ្នកបាញ់​ប្រហារ​, ទី​២. ឈ្មោះ​លី សៅ ជា​ជនជាតិ​វៀតណាម អ្នក​ឌុប​ជនដៃដល់​, ទី​៣ ឈ្មោះ មាស សម្បត្ដិ ជា​អ្នកជិះ​ម៉ូតូ​បិទគូទ និង​ទី​៤. ឈ្មោះ កុយ ចាន់ថុល ជា​អ្នកជិះ​ពីក្រោយ​ជាមួយ មាស សម្បត្ដិ ដើម្បី​ពិនិត្យ​ជាក់ស្ដែង​ថា តើ​ជនរងគ្រោះ​ស្លាប់​ហើយ​ឬ​នៅ​?
​សូមបញ្ជាក់ថា ឧកញ៉ា អ៊ឹង ម៉េង​ជឺ ថៅ​ស៊ីម៉ង់​តិ៍​ត្បូង​ពេជ្រ និង ម្ចាស់​ហាង​លក់​គ្រឿងអលង្ការ​ហុងកុង ត្រូវបាន ឃាតក បាញ់សម្លាប់​ជាច្រើន​គ្រាប់​កាលពី​យប់​ថ្ងៃទី​២២ ខែវិច្ឆិកា ឆ្នាំ​២០១៤ ពេល​កំពុង​ចុះ​ទិញ​ផ្លែឈើ​នៅក្បែរ ពហុ​កីឡដ្ឋាន​អូរ​ឡាំ​ពិ​ក​៕2

Copyright © 2010-2021 · អរិយធម៌ · All Rights Reserved.
Develop by Sek Sathya