ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||     ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||   

» Breaking News, ព័ត៌មានជាតិ » ធ្លាយ​រឿង​អំពើពុករលួយ​ដ៏​ធំ​នៅ​មន្ទីរ​សុខាភិបាល​ខេត្តកំពង់ធំ​

ធ្លាយ​រឿង​អំពើពុករលួយ​ដ៏​ធំ​នៅ​មន្ទីរ​សុខាភិបាល​ខេត្តកំពង់ធំ​

​    ​កំពង់ធំ​៖​      រឿង​អំពើពុករលួយ​ដ៏​ថ្មីស្រឡាង​មួយ​ទើប​និង​ផ្ទុះ​ចេញ​ឡើង​នៅ​មន្ទីរ​សុខាភិបាល   ខេត្តកំពង់ធំ​ដែលមាន​លោក  ស្រី  ស៊ីម  ជា​ប្រធាន​មន្ទីរ និង​លោក  ឡាយ  ខៃ  ជា​ប្រធានការិយាល័យ​​គណនេយ្យ​មន្ទីរ​។
​    ​តាម​ប្រភព​បានអោយដឹងថា​នៅ​ឆ្នាំ​2013 និង​ឆ្នាំ​2014 នៅ​មន្ទីរ​សុខាភិបាល​ខេត្តកំពង់ធំ​បានកើត​​មាន​អំពើពុករលួយ​យ៉ាងធ្ងន់ធ្ងរ      ដែល​ផ្តើមចេញពី​ការឃុបឃិត​គ្នា​យ៉ាង​រលូន​រវាង​លោក​ប្រធាន​មន្ទីរ​​ស្រី     ស៊ីម   និង​លោក​ប្រធានការិយាល័យ​គណនេយ្យ​រូ​ម​និង​បក្ខពួក​មួយចំនួនទៀត​ដែល​ធ្វើអោយ​រដ្ឋ​
​ខាតបង់​ថវិកា​យ៉ាងតិច 700-800​លាន​រៀល​។ ហើយ​មូល​ហេតុដែល​ពួកគេ​មានឱកាស​កិបកេង​ថវិកា​​ជាតិ​ទៅបាន​គឺធ្វើឡើង​តាមរយៈ​ការ​បំប៉ោង​តួរ​លេខ​នៃ​ការចំណាយ​ផ្សេងៗ​រួម​និង​ការ​បំប៉ោង​ចំនួន​បេសកកម្ម​ជាដើម​។​ចំពោះ​ប្រាក់​ដែល​ពួកគេ​ងាយ​ស្រួយ​ក្នុងការ​កិបកេង​គឺ​ប្រាក់​រេច្ច​ទ័យ​និង​ប្រាក់​ទូទាត់​ត្រង់​
​ដែល​ក្រៅពី​ជំពូក​64​។ ក្រៅពី​ការ​កិបកេង​ថវិកាជាតិ​លោក​ប្រធាន  ស្រី  ស៊ីម និង​បក្ខពួក​ក៏បាន​កិបកេង​​ថ្នាំពេទ្យ​រួម    និង​សំភារៈ​មួយចំនួនធំ​ដែល​បំរើអោយ​វិស័យ​សុខាភិបាល​។     មិន​ត្រឹមតែ​ប៉ុណ្ណោះ​លោក​​ប្រធាន    ស្រី    ស៊ីម    និង​បក្ខពួក​ក៏បាន​រួមដៃគ្នា​កិបកេង​ប្រេងឥន្ធនៈ​ដែល​គ្រប់គ្រង​ដោយ​ក្រុមហ៊ុន​តាម​
​រយៈ​គណៈកម្មាធិការលិ​ត​កម្ម​។   ព្រោះ​ការចំណាយ​លើ​ប្រេងឥន្ធនៈ​សំរាប់​ឆ្នាំ  2013 គឺ​បាន​ចំណាយ​​ទឹកប្រាក់​រហូតដល់​391,466,600​រៀល និង​គំរោង​ចំណាយ​លើ​ប្រេងឥន្ធនៈ​សំរាប់​ឆ្នាំ  2014 ដែលមាន​ទឹក​​ប្រាក់   420.0​លាន​រៀល​ធ្វើអោយ​លោក    ស្រី ស៊ីម    និង​បក្ខពួក​ទទួលបាន​ប្រេងឥន្ធនៈ​សំរាប់​បំរើ​ផល​​ប្រយោជន៍​ផ្ទាល់ខ្លួន​ដ៏​សន្ធឹកសន្ធាប់​។
​    ​ប្រភពព័ត៌មាន​បានបញ្ជាក់​ថា មន្ទីរ​សុខាភិបាល​ខេត្តកំពង់ធំ​នៅ​ឆ្នាំ​2013 បាន​ចំណាយ​ថវិកាជាតិ​អស់​ចំនួន 8,496,283,620​រៀល ក្នុងនោះ​ជំពូក 60 អស់​ថវិកា​ចំនួន 1,711,900,450​រៀល ជំពូក​61 អស់​ថវិកា​ចំនួន 645,322,000​រៀល ជំពូក​62 អស់​ថវិកា​ចំនួន 637,259,900​រៀល ជំពូក 64 អស់​ថវិកា​ចំនួន         5,028,393,770​រៀល ជំពូក 65 អស់​ថវិកា​ចំនួន   469,307,500​រៀល​។       សំរាប់​ប្រាក់​គំរោង​ចំណាយ​​ថវិកាជាតិ​ឆ្នាំ 2014 មាន​ចំនួន​សរុប 9.876,2​លាន​រៀល ដោយ​ក្នុងនោះ​ជំពូក 60 មាន​ថវិកា​ចំនួន 1.700,0​លាន​រៀល ជំពូក 61 មាន​ថវិកា​ចំនួន 508,7​លាន​រៀល​ជំពូក 62 មាន​ថវិកា​ចំនួន 706,5​លាន​រៀល ជំពូក 64 មាន​ថវិកា​ចំនួន 6.506,0​លាន​រៀល ជំពូក 65 មាន​ថវិកា​ចំនួន 450,0​លាន​រៀល​។ សំរាប់​ថវិកា​ឆ្នាំ 2014​នេះ​ខ្ទង់ចំណាយ​មួយចំនួន​ត្រូវបាន​គេ​ចាយវាយ​ស្ទើរ​អស់ ហើយ​ក្នុងនោះ​ក៏​ពោរពេញ​ទៅដោយ​អំពើពុករលួយ បើទោះបី​ថវិកា​មួយចំនួន​ត្រូវបាន​ចាយវាយ​សល់​
​និង ត្រូវ​បង្វិល​ចូល​ថវិកាជាតិ​វិញ​ក៏ដោយ​ជាពិសេស​គឺ      ប្រាក់​ដ៏​ច្រើនសន្ធឹក​សន្ធាប់​នៅក្នុង​អនុគណ​​នេ​យ្យ​លេខ 6573 ដែល​ឆ្នាំ 2013    មន្ទីរ​បាន​ចំណាយ​អស់​រហូត​ទៅដល់ 257,669,000​រៀល និង​គំរោង​​ចំណាយ​លើ​អនុ​គណនេយ្យ​នេះ​មាន​ចំនួន​រហូតដល់ 290,0​លាន​រៀល ប៉ុន្តែ​នៅពេល​បញ្ចប់  ឆ្នាំ 2014 ថវិកា​នៅក្នុង​អនុ​គណនេយ្យ​មួយ​នេះ​អាច​និង​ត្រូវគេ​ចំណាយ​អស់ពី 75% ទៅ 80% ហើយ     ថវិកា​ដែល​សល់​និង​ត្រូវ​ចូល​ជា​ថវិកាជាតិ​ក៏ដោយ ក៏​ក្នុង​ការចំណាយ​ថវិការ​ទាំងនោះ​នៅតែមាន​ភាព  មិន​ប្រក្រតី​យ៉ាងធ្ងន់ធ្ងរ បើ​មិន​ជឿ​ចុះទៅ​តាមដាន​លើ​ការចំណាយ​ថវិកា​នេះ​នៅតាម​មន្ទីរពេទ្យបង្អែក   ទាំងអស់​នៅ​ទូទាំង​ខេត្តកំពង់ធំ​និង​បានដឹង​ការពិតហើយ​។
​    ​បើ​និយាយ​រឿងអាស្រូវ​លើ​វិស័យ​សុខាភិបាល​ក្រៅពី​ខេត្តកំពង់ធំ​នៅតាម​បណ្តាល​ខេត្ត​ផ្សេងទៀត​​ក៏មាន​អំពើពុករលួយ​ធ្ងន់ធ្ងរ​ដែរ​ដូចជា​នៅ​មន្ទីរ​សុខាភិបាល​ខេត្ត ប៉ៃលិន​ដែល​ដឹកនាំ​ដោយ​លោក​ប្រធាន​​មន្ទីរ  សេង  រ៉​ន ដែលជា​កូនប្រសា​របស់​មេ​ខ្មែរក្រហម អេង  សារី និង​មន្ទីរ​សុខាភិបាល​ខេត្ត​បន្ទាយ​មាន​​ជ័យ និង​ខេត្តសៀមរាប​ផងដែរ​។​
​តាម​ប្រភព​បានអោយដឹងថា​កន្លង​ទៅបាន​សង្កេតឃើញថា    នៅ​មន្ទីរ​សុខាភិបាល​ខេត្តកំពង់ធំ​គឺ​​តែងតែមាន​ក្រុមអធិការកិច្ច និង​ក្រុម​សវនកម្ម​តែងតែ​នាំគ្នា​ចុះ​ត្រួតពិនិត្យ​ការចំណាយ​បន្តកន្ទុយ​គ្នា ប៉ុន្តែ​​ក្រុម​នេះ​គឺ​មិនមាន​លទ្ធផល​លើ​ចំណុច​អវិជ្ជមាន​នៅ​មន្ទីរ​មួយ​នេះ​ទេ​។   ទោះបី​មន្ត្រី​ថ្នាក់​តូច​មួយចំនួន​ខំ​​ចង្អុលបង្ហាញ    និង​ខ្សឹបប្រាប់​ក៏ដោយ​មើលទៅ​ក្រុម​ទាំងនេះ​ហាក់បីដូចជា​ងិ​ត​ភ្នែក​ត្រចៀក​ថ្លង់  និង​ត្រូវ​
​អំពើ​គេ​អញ្ចឹង​៕

Copyright © 2010-2021 · អរិយធម៌ · All Rights Reserved.
Develop by Sek Sathya