ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||     ភ្ញាក់ផ្អើល ចៅក្រមស៊ើបសួរឈ្មោះសោម វិរៈ និងព្រះរាជអាជ្ញា ឈ្មោះ អ៊ិត សុធា ដោះលែងជនជាប់ចោទស្ងាត់ៗ ?​  ||   

» Breaking News, ព័ត៌មានជាតិ » លោក ង៉ាន់ ចិន្តា ស្នងការរង​ឡើង​តំណែង​ ​

លោក ង៉ាន់ ចិន្តា ស្នងការរង​ឡើង​តំណែង​ ​

បន្ទាយមានជ័យ ៖ លោក ង៉ាន់ ចិន្តា ជា​ផ្កា​រីក​គ្រប់​រដូវ​មិន​ថា​រដូវវស្សា ឬ​រដូវប្រាំង​នោះ ទេ លោក​ធ្វើ​មន្ត្រីនគរបាល​ថ្នាក់​តូច និង​ជាម​នុស្ស​ជំនិត របស់លោក ហ៊ុន ហ៊ាន អតីត​ស្នងការ ខេត្តបន្ទាយមានជ័យ ។ លោក ង៉ាន់ ចិន្តា ជា​មន្ត្រីនគរបាល នៅ​ផ្នែក​ការពារ និង​អន្តរាគមន៍ តែដោយសារ​គាត់ ពូកែ​អែបអប ត្រូវបាន​លោកស្នងការ ហ៊ុន ហ៊ាន ប្រើ​ឱ្យកាន់ការ​ងារ​សេដ្ឋកិច្ច ប្រមូល​ផលប្រយោជន៍ នៅក្នុង​ខេត្ត​ទាំងមូល ក្នុង​បុព្វហេតុ ផ្គត់ផ្គង់​ឆ្នាំងបាយ​ថ្នាក់លើ រហូត​ទាល់តែ​លោក ហ៊ុន ហ៊ាន ត្រូវ​អង្គភាព ប្រឆាំង​អំពើពុករលួយ ចាប់​ឃាត់ខ្លួន​។​
​ក្រោយមក​ថ្នាក់លើ បានតែងតាំង​លោក ខេង ស៊ុំ ឲ្យ​ធ្វើជា​ស្នងការ ខេត្តបន្ទាយមានជ័យ ក៏​លោក ង៉ាន់ ចិន្តា លូន​ក្រាប លោក ខេង ស៊ុំ រហូត​បាន​ឡើង​តួនាទី ជា​ប្រធានការិយាល័យ សណ្តាប់ធ្នាប់ ហើយ​ក្នុង​តំណែង ជា​នាយការិយាល័យ សណ្តាប់ធ្នាប់ លោក ង៉ាន់ ចិន្តា មិន​ត្រឹមតែ​ធ្វើ​ការងារ សណ្តាប់ធ្នាប់​ប៉ុណ្ណោះ​ទេ គឺ​គាត់​បាន​លូកដៃ ទៅធ្វើ​ការងារ​សេដ្ឋកិច្ច ជំនួស​ប្រធាន ការិយាល័យ​នគរបាល ប្រឆាំង​បទល្មើស​សេដ្ឋកិច្ច និង​ស្នងការរង​ទទួល​ផែន ទៀតផង​។​
​បន្ទាប់ពី​លោក ខេង ស៊ុំ ចូលនិវត្តន៍ លោក អាត់ ខែម ឡើងជា​ស្នងការ មានអំណាច​ពេញដៃ ក៏​លោក ង៉ាន់ ចិន្តា រត់ការ​ចាយលុយ និង​អែបអប​រហូត​បាន​ឡើង ជា​ស្នងការរង ទទួលបន្ទុក​សេនាធិការ ជំនួស​លោក​ស្នងការរង ចាន់ កុសល ដែល​ទទួលមរណភាព ។​
​តាំងពី​នៅ​កាន់តំណែង ជា​ប្រធានការិយាល័យ សណ្តាប់ធ្នាប់ រហូតដល់​ឡើងជា ស្នងការរង លោក ង៉ាន់ ចិន្តា បាន​ក្តាប់​ការងារ​សេដ្ឋកិច្ច នៅក្នុង​ខេត្ត​ឡើង​ណែន​ពេញដៃ ហើយ​ធ្វើការ​តែ​ជាមួយ​ស្នងការ ម្នាក់​ប៉ុណ្ណោះ ។​
​រាល់​បទល្មើស​ទំនិញ​ឆ្លងដែន ជាពិសេស​ទំនិញគេចពន្ធ និង​បទល្មើស​ឈើ​គ្រញូង ដែល​គេ​ថា ទឹកដី​ខេត្តបន្ទាយមានជ័យ គឺជា​កន្លែង​ឈ្មួញ នាំចូល​ពី​ថៃ​យកមក​ស្តុក មុននឹង​នាំ​បន្ត យកទៅលក់ នៅ​ប្រទេស​វៀតណាម គឺ​ឈ្មួញ​រកស៊ី​ទាំងអស់ បើ​ចង់​សុខ​ត្រូវតែ​ទាក់ទង លោក​ស្នងការរង ង៉ាន់ ចិន្តា​។​
​មន្ត្រីនគរបាល​ជាច្រើន​នៅ​ទូទាំង​ខេត្ត ពិសេស​នៅ​ស្នងការ​ខេត្តបន្ទាយមានជ័យ​ប្រាប់ អរិយធម៌​ដឹងថា មន្ត្រីនគរបាល ខេត្តបន្ទាយមានជ័យ បាន​អួត​សរសើរ​ពី​ជោគវាសនា ល្អ​របស់លោក ង៉ាន់ ចិន្តា ដែលមាន​សំណាង​ជាងគេ និង​ឡើង​តំណែង លឿន ដែល​បច្ចុប្បន្ន​បាន​ឡើង​ធ្វើ ស្នងការរង​ទទួល ផែន​សេនាធិការ ដែលជា​តួនាទី​មានអំណាច​គ្រាន់បើ នាំ​ឲ្យ​មន្ត្រីនគរបាល ជាច្រើន​មិន​ពេញចិត្ត​ដោយ ដាក់​ងារ​ឱ្យ​លោក ង៉ាន់ ចិន្តា ជា « មន្ត្រីនគរបាល ផ្កា​រីក​គ្រប់​រដូវ » ។​
​ពាក់ព័ន្ធ​ទៅនឹង​ការលើកឡើង​ពី​សំណាក់​មន្ត្រីនគរបាល​ខាងលើនេះ កាសែត​អរិយធម៌​បាន​ព្យាយាម​សុំ​ការបំភ្លឺ​ពី​លោក​ស្នងការរង ង៉ាន់ ចិន្តា ដែរ តែ​មិនអាច​ទំនាក់ទំនង​បានទេ កាលពី​ម្សិលមិញ​៕​ដោយ​៖ បុរី​
Wat-211115-384x288

Copyright © 2010-2021 · អរិយធម៌ · All Rights Reserved.
Develop by Sek Sathya