ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ, វិភាគ​នយោបាយ » មាន​សាលា​ឯកជន​​មួយ​លាក់បាំង​​ព័ត៌មាន​មិន​ប្រាប់​​ទៅ​អាណាព្យាបាល​

មាន​សាលា​ឯកជន​​មួយ​លាក់បាំង​​ព័ត៌មាន​មិន​ប្រាប់​​ទៅ​អាណាព្យាបាល​

មាន​សាលា​ឯកជន​មួយ​នៅ​ម្តុំ​វិទ្យាល័យ​សន្ធរម៉ុក បាននិងកំពុង​លាក់​ព័ត៌មាន​សិស្ស​មិន​ឲ្យ​ឪពុកម្តាយ​គេ​ដឹង ខណៈ​សិស្ស​នោះ​គេច​ពី​ថ្នាក់រៀន​អស់​៣​សប្តាហ៍​។​
ប្រភព​បាន​ឲ្យ​ដឹងថា បើតាម​សំដី​អ្នកគ្រូ លោកគ្រូ​ភាសាបរទេស​នៅ​ទីនោះ និយាយ​ទៅកាន់​ឪពុកម្តាយ​គេ​ថា បើ ក្មេង​ក្រោម​អាយុ​១៧​ឆ្នាំ ទើប​គេ​ប្រាប់​ព័ត៌មាន​ដល់​ឪពុកម្តាយ​ឲ្យ​បានដឹង​ពី​ភាព​អសកម្ម​នានា របស់់​សិស្ស​។ ប៉ុន្តែ បើ​សិស្ស​នោះ​មាន​អាយុ​លើស​១៧​ឆ្នាំ​ហើយ គឺ​សាលា​មិនអាច​ប្រាប់​ព័ត៌មាន​ពី​ការ​គេច​ម៉ោង​រៀន​របស់​សិស្ស នោះ​ដល់​ឪពុកម្តាយ​បានទេ​។​
គេ​ឆ្ងល់​ថា តើ​សាលា​ឯកជន​នោះ លាក់​ព័ត៌មាន​សិស្ស​អំពី​ការ​គេច​ថ្នាក់រៀន មិន​ឲ្យ​ឪពុកម្តាយ​គេ​ដឹង​បែបនេះ​បាន ទទួល​ប្រយោជន៍​អ្វី​ឬមួយ​ក៏​ស៊ុមគ្រលុម​ជាមួយ​សិស្ស ហើយ​បន្ត​ទទួល​ប្រាក់​ថ្លៃ​សាលា​ពី​អាណាព្យាបាល​រហូត អ៊ីចឹងទៅ​ឬ​? បើ​បន្ត​លាក់បាំង​ព័ត៌មាន​នេះ​ទៀត សូម​ក្រសួង​អប់រំ​ចុះ​ពិនិត្យមើល​ផង ព្រោះ​ឃើញ​សិស្ស​ដើរ​ផ្លូវ ខុស
​ហើយ បែរជា​គ្រូ​ខំ​លាក់បាំង​ទៅវិញ តើ​សមជា​កន្លែង​ថ្នាល​បណ្តុះបណ្តាល​ចំណេះដឹង​ដែរ​ឬ​អត់​?
គេ​និយាយថា សាលា​នោះ​មិនគួរ​ធ្វើបែបនេះ​ទេ ព្រោះ​លេខ​ទូរស័ព្ទ​ទាក់ទង​ទៅ​អាណាព្យាបាល​សុទ្ធតែ​មាននៅ ក្នុង​ពាក្យសុំ​ចូលរៀន​។ ចុះបើ​មាន​លេខ​ទូរស័ព្ទ ហើយ​មិន​ប្រាប់​ដំណឹង​ដល់​ឪពុកម្តាយ​គេ តើ​យក​លេខ​ទូរស័ព្ទ​នោះ បានការ​អី​ទៅ​? គេ​បន្ថែមថា «​នេះ​មកពី​គ្មាន​ភាព​ទំនួល​ទទួល​ត្រូវ​របស់​ម្ចាស់​សាលា​នោះ​តែម្តង​» ព្រោះ​ឃើញ
សិស្ស​របស់ខ្លួន​មិន​ចូល​ថ្នាក់ គេច​ពី​ថ្នាក់រៀន មិន​ប្រាប់​ឲ្យ​ឪពុកម្តាយ​គេ​ដឹង​ទៀត គឺ​នៅតែ​សម្ងំ​កើប​លុយ​ប្រចាំខែ លុយ​ត្រីមាស​លុយ​ឆមាស​ឬក៏​លុយ​ប្រចាំឆ្នាំ ដែល​ឪពុកម្តាយ​គេ​បង់​ឲ្យ​យ៉ាង​ត្រជាក់​មេជើង​បំផុត​ទៅវិញ​។​
គេ​និយាយថា បើ​សាលា​រដ្ឋ​វា​មិនជា​បញ្ហា​នោះទេ ព្រោះ​គ្រូ​ប្រាក់ខែ​តិច ហើយ​គ្មាន​សេវា​សំរាប់​ហៅ​ទូរស័ព្ទ​ទៅ

ឪពុកម្តាយ​ចុះ​នេះ សាលា​ឯកជន​គ្រូ​មាន​ប្រាក់ខែ​ច្រើន ហើយក៏​ជា​កន្លែង​រកស៊ី​បង្រៀន​សិស្ស​យកលុយ​ទៀត ហេតុអ្វី​ក៏​ធ្វើ​ផ្តេសផ្តាស​យ៉ាងនេះ​អ៊ីចឹង​? តើ​គោលការណ៍​របស់​ក្រសួង​អប់រំ​អនុញ្ញាត​ឲ្យ​តាម​គ្រឹះស្ថានសិក្សា ឯកជន ទទួលខុស​ត្រូវតែ​លើ​ក្មេង​ក្រោម​អាយុ​១៧​ឆ្នាំ ហើយ​ក្មេង​អាយុ​លើស​១៧​ឆ្នាំ មិន​ទទួលខុសត្រូវ​អ៊ីចឹង​ឬ យ៉ាងម៉េច​?
បើ​និយាយថា «​ព័ត៌មាន​អំពី​ក្មេង​លើស​អាយុ​១៧​ឆ្នាំ សាលា​មិន​បញ្ចេញ​ព័ត៌មាន​បាន​គឺ​ស្មើនឹង​ម្ចាស់ សាលា​នោះ កំពុង​ឃុបឃិត​ជាមួយ​ក្មេង​បោក​លុយ​ពី​ឪពុកម្តាយ​គេ​ហើយ​។ ចុះបើ​ក្មេង​នោះ​យក​ស្រី​ទៅ​ដេក​ក្នុង សាលា តើ​លោកនាយក​អនុញ្ញាត​ដែរ​ឬ​យ៉ាងណា ហើយ​ក្មេង​ទាំងឡាយ​ដទៃទៀត​វា​នាំគ្នា​ចេញទៅ​សេព​គ្រឿង ញៀន តើ​គ្រូ​មិន​ប្រាប់​ឲ្យ​ឪពុកម្តាយ​របស់គេ​ដឹង ស្រួល​មាន​វិធានការ​ទេ​ឬ​? ឬមួយ​យល់ថា ឲ្យ​តែ​សាលា​អញ​បាន លុយ​ចូល​ហោប៉ៅ​គឺ​ចប់ ចង់​សិស្ស​ធ្វើ​ស្អី​ក៏​ធ្វើទៅ​យ៉ាងនេះ​ឬ​? យើង​សុំ​លាក់​ឈ្មោះ​សាលា​នោះ​សិន​ចុះ ដោយ​រង់ចាំ មើលថា តើ​គេ​កែ​មារយាទ​ចាស់​នោះ​ចោល​ឬ​អត់ បើ​មិន​កែ​ទេ​យើង​នឹង​លែង​យល់មុខ​ហើយ​៕
​ដោយ​៖​តា​បណ្ឌិត


Copyright © 2010-2021 · អរិយធម៌ · All Rights Reserved.
Develop by Sek Sathya