សត្វក្របី ពពែ និងបក្សី ជាង ១ម៉ឺនក្បាល ត្រូវបានកាត់ក្បាលសម្លាប់ ដើម្បីយកឈាមបូជាយញ្ញ នៅក្នុងពិធីបុណ្យ តាមបែបសាសនានៅវិហារ ហ្គាដហ៊ីមៃ ក្នុងទីប្រជុំជន បារីយ៉ាព័រ ដែលជាពិធី ដើម្បីដឹងគុណដល់ព្រះ តាមសាសនាហិណ្ឌូ ខណៈទង្វើនេះ ត្រូវបានក្រុមអ្នកការពារសិទ្ធិសត្វ អំពាវនាវឲ្យបញ្ចប់សកម្មភាពនេះ។
កាសែត ឌឹហ្គាដឌៀន ចេញផ្សាយកាលពីថ្ងៃសុក្រ ទី២៨ ខែវិច្ឆិកាថា មនុស្សរាប់លាននាក់ បានមកចូលរួម នៅក្នុងពិធីបូជាយញ្ញសត្វដ៏ធំនេះ ដែលបានធ្វើឡើងនៅប្រទេស នេប៉ាល់ កាលពីថ្ងៃសុក្រ បើទោះជាក្រុមការពារសិទ្ធិសត្វហាមឃាត់ក៏ដោយ។
អ្នករៀបចំកម្មវិធីដែលធ្វើឡើងនៅវិហារ ហ្គាដហ៊ីមៃ ស្ថិតនៅទីប្រជុំជន បារីយ៉ាព័រ នៅជិតនឹងព្រំដែន ជាមួយប្រទេស ឥណ្ឌា បានអះអាងថា មានមនុស្សប្រហែល ០៥លាននាក់ បានមកចូលរួមក្នុងពិធី ដែលគេបូជាយញ្ញសត្វ ប្រហែល ១ម៉ឺនក្បាល សត្វទាំងនោះរួមមាន ក្របី ពពែ និងបក្សី ដើម្បីយកឈាមទៅបូជា ដល់ដល់ព្រះ ដែលនេះជាទង្វើដឹងគុណដល់ព្រះ នៃសាសនាហិណ្ឌូ។
ទោះជាយ៉ាងណាក៏ដោយ នេះបង្ហាញឲ្យឃើញថា មានសត្វក្របីចំនួន ៥.០០០ក្បាល ដែលបូជានេះ បានធ្លាក់ចុះពាក់កណ្តាល បើធៀបនឹងសត្វ ដែលគេយកទៅបូជា ក្នុងពិធី កាលពី ០៥ឆ្នាំមុន។
លោក រាំចាន់ដ្រា សា ប្រធានគណៈកម្មាការគ្រប់គ្រងវិហារ ហ្គាដឌីមៃ បាននិយាយថា «តួលេខនេះបានធ្លាក់ចុះ ដោយសារតែតុលាការនៅប្រទេស ឥណ្ឌា បានដាក់បម្រាម មិនឲ្យនាំចូលក្របីពីប្រទេស ឥណ្ឌា ទៅនេប៉ាល់»៕
