ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||     ល្បី! អ្នកមានលុយ អ្នកមានអំណាច ទន្រ្ទានកាន់កាប់ដីចំណីព្រែក ក្នុងស្រុកកំពង់សិលា យ៉ាងរលូន?​  ||   

» ព័ត៌មានជាតិ » យុវជន​​ម្នាក់​លើក​កង់​​ទម្លាក់​ទឹក​និង​លោត​​ពីលើ​​ស្ពាន​ធ្វើអត្តឃាត​ខ្លួនឯង ​

យុវជន​​ម្នាក់​លើក​កង់​​ទម្លាក់​ទឹក​និង​លោត​​ពីលើ​​ស្ពាន​ធ្វើអត្តឃាត​ខ្លួនឯង ​

ភ្នំពេញ ៖ រឿងហេតុ​ដែល​ធ្វើ​ឲ្យ​ប្រជាពលរដ្ឋ​និង​អ្នកដំណើរ​រួមជាមួយ​សមត្ថកិច្ច​មាន​ការហួសចិត្ត​យ៉ាងខ្លាំង ខណៈដែល​យុវជន​ម្នាក់​ជិះ​កង់​១​គ្រឿង ឡើងលើ​ស្ពាន​ព្រះមុនីវង្ស​ថ្មី ហើយ​បាន​លើក​កង់​ទម្លាក់​ចូលក្នុង​ទឹក​រួច​ក៏លោតទឹក​តាម​កង់​ធ្វើអត្តឃាត​ខ្លួនឯង​បានសម្រេច ដោយ​មិនដឹង​ពី​មូលហេតុ ។ ហេតុការណ៍​នេះ​ធ្វើ​ឲ្យ​មានការ
​ភ្ញាក់ផ្អើល​ឡើង​កាលពី​វេលា​ម៉ោង ២០ និង ៣០ នាទី យប់​ថ្ងៃទី ១៤ ខែសីហា ឆ្នាំ​២០១៣ ស្ថិតនៅលើ​ស្ពាន​ព្រះមុនីវង្ស សង្កាត់​ច្បារអំពៅ​ទី ១ ខណ្ឌមានជ័យ  ។
​    ​បើតាម​ប្រភពព័ត៌មាន​ពី​នារី​ម្នាក់​ដែល​បានឃើញ​ហេតុការណ៍​ជាក់ស្តែង​បាន​ឲ្យ​ដឹងថា នៅមុន​ពេល​កើតមានការ​ភ្ញាក់ផ្អើល​ខាងលើ មាន​យុវជន​ម្នាក់​វ័យ​ជាង ២០ ឆ្នាំ​ជិះ​កង់​យ៉ាង​កំសត់​១​គ្រឿង  ទឹកមុខ​ដូច ជា​មនុស្ស​មាន​វិបត្តិ​ផ្លូវចិត្ត និង​មាន​បញ្ហា​ក្នុង​ខ្លួន ធ្វើដំណើរ​តាម​បណ្តោយ​ផ្លូវ​ព្រះមុនីវង្ស​ក្នុងទិសដៅ​កើ​តទៅ​លិច ឡើង​មកលើ
​ស្ពាន​ព្រះមុនីវង្ស​ថ្មី ខណៈ​ជិះ​ដល់​ចំណុច​ពាក់កណ្តាល​ស្ពាន យុវជន​រងគ្រោះ​បាន​ឈប់​កង់ និង​ឈរ សម្លឹង​ទឹកទន្លេ​អស់​រយះពេល​ជាង ១០​នាទី ស្រាប់តែ​យុវជន​នេះ​លើក​កង់​របស់គេ​ទម្លាក់​ចូលទៅក្នុង​ទឹកទន្លេ ហើយ​រូបគេ​បាន​លោត​បន្ត​ទៅតាម​កង់ ធ្វើអត្តឃាត​ខ្លួនឯង​ដោយ​មនុស្ស​ជាច្រើន​បាន​ស្ទុះរ​ត់ទៅ​ឃាត់​និង​ជួយ​ចាប់​ដែរ​ន្តែ​ជា​អកុសល
យុវជន​ខាងលើ​ក៏បាន​សម្រេច​បំណង​របស់ខ្លួន​បាត់ទៅហើយ​។     ​ជុំវិញ​ហេតុការណ៍​ខាងលើនេះ ប្រជាពលរដ្ឋ​និង​នគរបាល​យាម​នៅ​គោលដៅ​ស្ពាន​ព្រះមុនីវង្ស​បាន​ស្រ​វេ​ស្រ​វ៉ា ហៅ​ទូក​អ្នកនេសាទ​ជាច្រើន​មក​អន្តរាគមន៍​រាវរក​យុវជន​ខាងលើ​ផងដែរ ប៉ុន្តែ​រក​មិនឃើញ​ដោយសារ​ទឹកទន្លេ ឡើង​ខ្លាំងពេក ដូច្នេះ​យុវជន​នេះ​ប្រហែលជា​ហូរ​ទៅតាម​ទឹកទន្លេ​ស្លាប់បាត់​បង់ជីវិត​ទៅហើយ​។ សមត្ថកិច្ច​ដែល ចុះ​ទៅដល់​កន្លែងកើតហេតុ
ក្រោយពី​បាន​ស្តាប់​ការរៀបរាប់​របស់​សាក្សី​ដែល​បានឃើញ​ហេតុការណ៍​បាន ស​ន្និដ្ឋា​ន​ថា យុវជន​គិត​ខ្លី​មក​លោតទឹក​សម្លាប់ខ្លួន​ខាងលើ​ប្រហែលជា​រូបគេ​មាន​វិបត្តិ​ស្នេហា ឬក៏​វិបត្តិ​ក្នុង​ក្រុមគ្រួសារ មិនអាច​ដោះស្រាយបាន ទើប​ធ្វើ​ឲ្យ​រូបគេ​ទ្រាំ​មិនបាន​គិត​ខ្លី​មក​ប្រល័យ​ជីវិត​ខ្លួនឯង​នៅក្នុង​ទឹកទន្លេ​ដែល​កំពុង​ជន លិច​ច្រាំង​បែបនេះ​។
​    ​សមត្ថកិច្ច​មូលដ្ឋាន​ក៏បាន​អំពាវ​អំ​នាវ​ដល់​យុវជន យុវតី និង​មនុស្ស​ទាំងអស់ សូមកុំ​ឲ្យ​គិត​ខ្លី​ដូច​យុវជន ខាងលើ ព្រោះ​រាល់​បញ្ហា​ដែល​កើតមាន គឺ​មនុស្ស​គ្រប់ៗ​គ្នា តែងតែ​ដោះស្រាយបាន​ជានិច្ច ។ បើ​ខ្លួន​ដោះស្រាយ មិនកើត អាច​ដើររក​មនុ​ស្សណា​ដែលមាន​ចំណេះ​ឲ្យ​ជួយ​ដោះស្រាយ​សូមកុំ​យក​ទឹកទន្លេ​ជា​លេស​សម្រាប់​បញ្ចប់ជីវិត ឈប់​គិត​បញ្ហា​ដែល​កំពុង​កើតមាន ៕

Copyright © 2010-2021 · អរិយធម៌ · All Rights Reserved.
Develop by Sek Sathya