ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||   

» ព័ត៌មានជាតិ » ជិះ​​ម៉ូតូ​ជ្រុល​បុក​​អ្នកជិះ​កង់​ឆ្លង​ផ្លូវ​បណ្តាល​ឲ្យ​របួស​ធ្ងន់​ពីរ​នាក់​ ​

ជិះ​​ម៉ូតូ​ជ្រុល​បុក​​អ្នកជិះ​កង់​ឆ្លង​ផ្លូវ​បណ្តាល​ឲ្យ​របួស​ធ្ងន់​ពីរ​នាក់​ ​

ភ្នំពេញ ៖ បុរស​ម្នាក់​ត្រូវ​រងរបួស​បែកក្បាល សន្លប់​ស្តូកស្តឹង​នៅលើ​កំណាត់​ផ្លូវ​ម៉ៅ​សេទុង ទល់មុខ​ផ្សារ​ឃ្លាំង​រំសេវ ក្នុង​សង្កាត់​ទឹកល្អក់​៣ ខណ្ឌទួលគោក ខណៈ​រូបគេ​បាន​ជិះ​ម៉ូតូ​មួយគ្រឿង​ក្នុង​ល្បឿន​លឿន​ជ្រុល​ទៅបុក​អ្នកជិះ​កង់​ដែល​កំពុង​ឆ្លងផ្លូវ យ៉ាង​ពេញទំហឹង បណ្តាល​ឲ្យ​អ្នកបើក​ម៉ូតូ​និង​អ្នកជិះ​កង់​រងរបួស​ធ្ងន់​ដូចគ្នា ។​គ្រោះថ្នាក់​នេះ​កើតឡើង​កាលពី​វេលា ម៉ោង ២១ និង ២០ នាទី​យប់​ថ្ងៃទី ១៥ ខែសីហា​ឆ្នាំ ២០១៣ ។
​    ​សាក្សី​ដែល​ឃើញ​ហេតុការណ៍​នៅ​កន្លែងកើតហេតុ បាន​ឲ្យ​ដឹងថា មុនពេល​កើតហេតុ​គេ​បានឃើញ បុរស​ម្នាក់​បើក​ម៉ូតូ ១​គ្រឿង ម៉ាក​XR ពណ៌​ស ពាក់​ស្លាក​លេខ​ភ្នំពេញ​1BD-8866​ធ្វើដំណើរ​តាម បណ្តោយ​ផ្លូវ​ម៉ៅ​សេទុង ក្នុងទិសដៅ​ពី​ជើង​ទៅ​ត្បូង ដោយបាន​ជិះ​ក្នុង​ល្បឿន​យ៉ាង​លឿន ខណៈ​ជិះ មកដល់​ចំណុចកើតហេតុ​ខាងលើ​ស្រាប់​តែមាន​បុរស​ម្នាក់ ជិះ​កង់​មួយ​កំពុង​ឆ្លងផ្លូវ​ពី​កើ​តទៅ​លិច​មិនទាន់​ឆ្ល​ផុត​ផង​ក៏ត្រូវ​ម៉ូតូ​បុក​ចំ​ពីមុខ​យ៉ាង​ពេញទំហឹង បណ្តាល​ឲ្យ​បុរស​ម្នាក់​ជា​ម្ចាស់​ម៉ូតូ​ដួល​បោក​ក្បាល​នឹង​ថ្នល់​របួស​ធ្ងន់ធ្ងរ ចំណែក​ម៉ូតូ​និង​កង់ រង​ការខូចខាត​យ៉ាងដំណំ ។
​    ​បន្ទាប់ពី​កើតហេតុ​អ្នករងរបួស​ត្រូវបាន​រថយន្ត​សាមុយ​មក​ដឹក​យកទៅ​សង្គ្រោះ​នៅ​មន្ទីរ ពេទ្យ​ភ្លាមៗ រីឯ​ម៉ូតូ​និង​កង់​ត្រូវបាន​សមត្ថកិច្ច​ធ្វើការ​វាស់វែង​អូស​យកទៅ​រក្សាទុក នៅ​ខណ្ឌទួលគោក រង់ចាំ​ដោះស្រាយ​តាមផ្លូវ​ច្បាប់​៕

Copyright © 2010-2021 · អរិយធម៌ · All Rights Reserved.
Develop by Sek Sathya