ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||   

» ព័ត៌មានជាតិ » លោក ប៉ា សុជាតិ​វង្ស ៖ ស្នើ​សុំអោយ​ទីក្រុង​ហាណូយ បន្ត​ផ្តល់​បដិភាគ​បន្ថែមទៀត ​

លោក ប៉ា សុជាតិ​វង្ស ៖ ស្នើ​សុំអោយ​ទីក្រុង​ហាណូយ បន្ត​ផ្តល់​បដិភាគ​បន្ថែមទៀត ​

ភ្នំពេញ​៖ កាលពី​ថ្ងៃទី​២៦ ខែវិច្ឆិកា ឆ្នាំ​២០១៤ ក្នុងជំនួប​សម្តែង​ការគួរសម​ជាមួយ​លោក Thach Du ឯ​អគ្គរដ្ឋទូត នៃ​សាធារណរដ្ឋ​សង្គមនិយម​វៀតណាម​។​
​អភិបាល​រាជធានី​ភ្នំពេញ លោក ប៉ា សុជាតិ​វង្ស បានស្នើ​សុំអោយ​ទីក្រុង​ហាណូយ បន្ត​ផ្តល់​បដិភាគ​បន្ថែមទៀត ដើម្បី​យកទៅ​ធ្វើការ​សាងសង់​ផ្លូវ​ណា​ណូយ​បន្ត​។ ក្រោយ​ការសាងសង់​កំណាត់​ផ្លូវ​មួយ​នេះ បញ្ចប់ អាជ្ញាធរ នឹងដាក់​ឈ្មោះ​ជា​ផ្លូវ “​ភ្នំពេញ​-​ហាណូយ​” ដើម្បី​បញ្ជាក់​ពី​ចំណងមិត្តភាព សាមគ្គីភាព​រវាង​កម្ពុ​ជា និង​វៀតណាម អោយ​កាន់តែ​ខ្លាំងក្លា​បន្តទៀត​។ ទីក្រុង​ហាណូយ បាន​ជួយ​មក​រាជធានី​ភ្នំពេញ​ច្រើនណាស់ ចាប់ពី​ឆ្នាំ​២០០៤ មក ជាក់ស្តែង​ទីក្រុង​ហាណូយ បាន​ស្ថាបនា​ផ្លូវ​ហាណូយ ហើយ​ថ្មីៗ​នេះ បាន​សាងសង់​សាលារៀន ២ អគារ​នៅ​សាលាបឋមសិក្សា​ដូនពេញ​។ លោក​ចង់អោយ​ចំណងមិត្តភាព​នេះ បន្ត​រឹងមាំ​ថែមទៀត​។ ដោយឡែក សម្រាប់​ទីក្រុង​ហូជីមិញ​វិញ ក៏មាន​កិច្ចសហប្រតិបត្តិការ​គ្នា​ល្អ​លើ​គ្រប់​វិស័យ​ផងដែរ ដែល​ធ្វើអោយ​កំណើន​អ្នកទេសចរ​វៀតណាម មាន​ចំនួន​ច្រើនជាងគេ មក​ទស្សនា​នៅ​ប្រទេស​កម្ពុជា​។

មន្ទីរពេទ្យ​ជោ​រៃ នៅ​បឹង​ស្នោ សង្កាត់​និរោធ ខណ្ឌ​ច្បារអំពៅ ក៏​សុទ្ធតែ​បានមកពី​ផ្លែផ្កា​នៃ​ចំណងមិត្តភាព​នេះដែរ ទោះបី​មកដល់ពេលនេះ មន្ទីរពេទ្យ​ជោ​រៃ មិនទាន់មាន​សេវាកម្ម​ល្អប្រសើរ​នូវឡើយ​ក្តី​។ ប៉ុន្តែ​ទោះបីជា​យ៉ាងណា កម្ពុជា និង​វៀតណាម នឹង​ជំ​រុញអោយ​មន្ទីរពេទ្យ​នេះ មាន​សេវាកម្ម​ប្រសើរឡើង អោយ​ដូច​មន្ទីរពេទ្យ​នៅ​ប្រទេស​វៀតណាម​ដែរ មិន​ត្រូវអោយ​ប្រជាពលរដ្ឋ​ខ្មែរ អស់ជំនឿ​នោះទេ​។​

លោក Thach Du ឯកអគ្គរដ្ឋទូត​នៃ​សាធារណរដ្ឋ​សង្គមនិយម​វៀតណាម បាន​មានប្រសាសន៍ លើកឡើង​ដែរ​ថា ការ​មកជួប​សម្តែង​ការគួរសម​ជាមួយ​អភិបាល​រាជធានី​ភ្នំពេញ​នេះ គឺ​ក្នុង​គោលបំណង​ដើម្បី​រឹតចំណង​សាមគ្គីភាព​រវាង​កម្ពុជា និង​វៀតណាម អោយ​កាន់តែ​ប្រសើរ​ថែមទៀត និង​បន្ត​ចាប់ដៃគ្នា ធ្វើ​កិច្ចការងារ​ជាមួយគ្នា​អោយបាន​ល្អ​បន្លែ​ម​ទៀត​។ លោក បន្តថា នៅក្នុង​រយៈពេល ១០ ឆ្នាំ​ចុង​ក្រោយនេះ រាជធានី​ភ្នំពេញ​មានការ​អភិវឌ្ឍន៍​លើ​ចំរើន​ខ្លាំងក្លា​ណាស់ មិន​ថា​ភ្នំពេញ​ទេ សូម្បីតែ​នៅតាម​ជនបទ ក៏មាន​ការរីកចំរើន​ខ្លាំងក្លា​ដែរ​។
​ពាក់ព័ន្ធ​នឹង​មន្ទីរពេទ្យ​ជោ​រៃ​វិញ លោក​ឯកអគ្គរដ្ឋទូត សន្យាថា នឹង​ជំរុញ​ការងារ​នេះ អោយ​ប្រសើរ​ផងដែរ ដោយ​មន្ទីរពេទ្យ​នេះ ជា​មន្ទីរពេទ្យ ដែល​បាន​កើតឡើង​ពី​ការខិតខំ​ប្រឹងប្រែង​រវាង​នាយករដ្ឋមន្ត្រី​ទាំង​២ កម្ពុជា និង​វៀតណាម​៕
15

Copyright © 2010-2021 · អរិយធម៌ · All Rights Reserved.
Develop by Sek Sathya