ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » គោះ​ទ្វារ​ហៅ​​ម្ចាស់ផ្ទះ​ទិញ​​ស្រា​បៀរ​​រួច​បាញ់​សម្លាប់ ប៉ូលិស​ចាប់បាន​២​នាក់​ម្នាក់​ជា​កីឡាប្រដាល់​សេរី​ ​

គោះ​ទ្វារ​ហៅ​​ម្ចាស់ផ្ទះ​ទិញ​​ស្រា​បៀរ​​រួច​បាញ់​សម្លាប់ ប៉ូលិស​ចាប់បាន​២​នាក់​ម្នាក់​ជា​កីឡាប្រដាល់​សេរី​ ​

កំពង់ស្ពឺ ៖ បុរស​វ័យ​ចំណាស់​ម្នាក់​ត្រូវ​ឃាតករ​មិន​ស្គាល់មុខ ធ្វើ​សកម្មភាព​បាញ់​មួយ​គ្រាប់​ត្រង់​ក្បាល បណ្តាលឱ្យ​ប្រកាច់​ស្លាប់​ភ្លាមៗ​ក្នុង​ថ្លុកឈាម នៅក្នុង​ផ្ទះ​ខណៈ​កំពុង​លក់​ស្រា​បៀរ ឲ្យ​ជនដៃដល់​ហើយ​ប៉ុន្មាន​ម៉ោង​ក្រោយមក​កម្លាំង​នគរបាល​ខេត្តកំពង់ស្ពឺ​សហការ​ជាមួយ​កម្លាំង​សមត្ថកិច្ច​ខេត្តកំពត​បាន​ឃាត់ខ្លួន​ជនសង្ស័យ​២​នាក់​ក​ម្នាក់​ជា
​កីឡាករ​ប្រដាល់សេរី និង​ជា​ឃាតក​ស៊ីឈ្នួល​សម្លាប់​មនុស្ស​។​
​អំពើ ឃាតកម្ម​យ៉ាង​សាហាវ​នេះ បាន​កើតមានឡើង កាលពី​វេលា​ម៉ោង​២០ និង​៣០​នាទី​យប់​ថ្ងៃទី​១២ ខែសីហា ឆ្នាំ​២០១៣ ស្ថិតក្នុង​ភូមិ​ទី​២ ឃុំ​ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ​។ មន្ត្រី​យោធា​ស៊ើបការណ៍ អគ្គបញ្ជាការ​កងទ័ព​ជើងគោក ប្រចាំ​ស្រុក​នោះ បាន​រាយការណ៍​មក​ថា ជនរងគ្រោះ​ក្នុងករណី​បាញ់សម្លាប់​ដោយ​គ្មាន​ញញើត​ដៃ
​ពី​សំណាក់​ជនដៃដល់​ជា​ឃាតករ​មានឈ្មោះ សាន់ សឿន ភេទ​ប្រុស អាយុ​៦៧​ឆ្នាំមាន​មុខរបរ​ជា​អ្នកលក់ដូរ​បន្តិចបន្តួច​នៅផ្ទះ​របស់គាត់ ផ្ទាល់​។​
​ប្រភព​ដដែល​បាន​បន្តថា មុនពេល​កើតហេតុ មាន​បុរស​ម្នា​ក់បាន​ដើរ​ចូលមក​ដាស់​ជនរ​ង​គ្រោះ​ដើម្បី​រក​ទិញ​ស្រា​បៀរ កន្លះ​កែស​។ បន្ទាប់ពី​បាន​ស្រា​បៀរ​ហើយ​ជនដៃដល់​បានឱ្យ​លុយ​ចំនួន​២០​ដុល្លា និង​ទារ​រក​សាច់​ក្លែប​ដើម្បី​បង្គ្រប់​លុយ​នោះ និង​ប៊ីយែ​២​កំប៉ុង​បានគាស់​គម្រប​តែ​អត់​ទាន់​ផឹក​ទេ គ្រាន់តែ​ជនរងគ្រោះ​បែរខ្នង​ស្រាប់​ជនល្មើស​បាញ់
​មួយ​គ្រាប់​ត្រង់​ក្បាល បណ្តាលឱ្យ​ស្លាប់​ភ្លាមៗ​តែម្តង​។​
​មន្ត្រី យោធា​ស៊ើបការណ៍​បញ្ជាក់ថា នៅ​កន្លែងកើតហេតុ សមត្ថកិច្ច​រើស​បាន​សំបក​គ្រាប់​ម៉ា​កឡុក​មួយ ហើយ​ករណី​ត្រូវបាន​គេ​សង្ស័យ មកពី​រឿង​គំនុំ ព្រោះ​ជនល្មើស​មិនបាន​ប្លន់​យក​ទ្រព្យសម្បត្តិ​អ្វី​ទាំងអស់ ក្រោយពី​បាញ់​រួច​រត់គេចខ្លួន​បាត់ស្រមោល​។​
​ប្រភពព័ត៌មាន​បាន​ឲ្យ​ដឹងថា ក្រោយពេល​កើតហេតុ​កម្លាំង​នគរបាល​ខេត្ដ​កំពង់ស្ពឺ សហការ​ជាមួយ​កម្លាំង នគរបាល​ខេត្ដ​កំពត ដឹកនាំ​ដោយ លោក ឧត្ដមសេនីយ៍ត្រី ម៉ៅ ច័ន្ទ មធុ​រិ​ទ្ធ ស្នងការរង និង​ជា ប្រធានការិយាល័យ​កណ្ដា​ល​យុត្ដិធម៌ បាន​ឈានទៅដល់​ការឃាត់ខ្លួន ជនសង្ស័យ​ពីរ​នាក់ ម្នាក់​ជា​អតីត​កីឡាករ​ប្រដាល់សេរី​ឈ្មោះ ទ្រី គន្ធរ
កាលពី​វេលា​ម៉ោង​១២ និង​១០​នាទី​រំលង អធ្រាត្រ​ឈានចូល​ថ្ងៃទី​១៣ ខែសីហា ឆ្នាំ ២០១៣ ស្ថិតនៅ​ផ្ទះសំណាក់​រីករាយ ក្នុង ភូមិ​កំពង់ បាយ​ខាងត្បូង សង្កាត់​កំពង់បាយ ក្រុង​កំពត ខេត្ដ​កំពត ក្រោយពី​ជន សង្ស័យ​ទាំងពីរ​នាក់ បាន​បាញ់ សម្លាប់​បុរស​វ័យ​៦៧​ឆ្នាំ រស់នៅ​ភូមិ​ទី​២ ឃុំ​ត្រែងត្រយឹង ស្រុក​ភ្នំស្រួច ខេត្ដ​កំពង់ស្ពឺ ជា​ម្ចាស់​ហាង លក់
​ស្រា​បៀរ ។​
​នគរបាល​ខេត្តកំពង់ស្ពឺ​បាន​ឲ្យ​ដឹងថា ជនរងគ្រោះ​ឈ្មោះ​សាន់ សឿន អាយុ​៦៧​ឆ្នាំ បាន​ស្លាប់​ភ្លាមៗ​នៅផ្ទះ​របស់ខ្លួន នៅ​ភូមិ​ឃុំ កើតហេតុ​ខាងលើ កាលពី​វេលា ម៉ោង ៨​និង​៣០​នាទី​យប់​ថ្ងៃទី​១២ ខែសីហា ឆ្នាំ​២០១៣ ក្រោយពី​ជនសង្ស័យ​ទាំងពីរ​បាញ់​ចំ​មួយ​គ្រាប់​ត្រូវ​សៀតផ្កា​ដោយសារ​មាន​ជម្លោះ​ពាក្យសំដី​ជាមួយគ្នា ។ ជនរងគ្រោះ​នេះ​មាន
​ប្រពន្ធ​ឈ្មោះ ពេជ្រ អាន អាយុ​ជិត ៦០​ឆ្នាំ មានកូន​ម្នាក់ ។​
​ចំណែក​សមត្ថកិច្ច ខេត្ដ​កំពត​ឯណេះ​វិញ​បានឱ្យដឹងថា ជនដៃដល់​នៃ​អំពើ ឃាតកម្ម​នេះ ឈ្មោះ​ជួង វណ្ណៈ ហៅ​អា​ង៉ោ​ល អាយុ​៣៣​ឆ្នាំ រស់នៅ​ភូមិ​ឈើទាល​ជ្រុំ ឃុំ​ក្រាំង​លាវ ស្រុក បាទី​ខេត្ដ​តាកែវ ហើយ បច្ចុប្បន្ន​រស់នៅ​ម្ដុំ​បឹង ក្រពើ រាជធានី​ភ្នំពេញ ។ ដោយ​ជនសង្ស័យ​ទី​២ ដែលជា​បក្ខពួក​ឈ្មោះ ទ្រី គន្ធរ ហៅ​អេ​ឡុង អាយុ​៣២​ឆ្នាំ អតីត កីឡាប្រដាល់​សេរី រស់នៅ​សង្កាត់​ស្រះចក ខណ្ឌដូនពេញ ។​​បើតាម​សមត្ថកិច្ច ក្រោយ​ការបាញ់សម្លាប់​គេ​បានដឹង​តាម​សមត្ថកិច្ច​ថា​មាន​ករណីនេះ​កើតឡើង​ព្រោះតែ​ជម្លោះ​ពាក្យសំដី​ជនសង្ស័យ​ទាំងពីរ​នាក់​បាន​រត់គេច​ខ្លួន​ទៅ ស្នាក់នៅ​ផ្ទះសំណាក់​រីករាយ ក្នុង​ក្រុង​កំពត ក៏ត្រូវ​សមត្ថកិច្ច​ចាប់ បាន​ទីនោះ តែម្ដង ដោយ​ដកហូត​កាំភ្លើងខ្លី​កា​៥៩​មួយ​ដើម ដែលមាន​១៤​គ្រាប់ ។​​នៅ​ចំពោះមុខ​សមត្ថកិច្ច​ជនសង្ស័យ​ទាំងពីរ​ខាងលើនេះ​បាន​សារភាពថា ពួកខ្លួន​ជា​ឃាតក​ស៊ីឈ្នួល​សម្លាប់​មនុស្ស​ឲ្យ​គេ​យក​កម្រៃ ប៉ុន្តែ​ជន​ទាំងពីរ​នេះ​នៅ​មិនទាន់​ឆ្លើយ​ប្រាប់ថា​អ្នក​ជួល ឬ​នៅ​ពីក្រោយ​ខ្នង​នោះ​ជា​អ្នកណា​នោះទេ​។​
​បច្ចុប្បន្ន​ជនសង្ស័យ​រូបនេះ ត្រូវបាន​សមត្ថកិច្ច​ខេត្ដ​កំពត ប្រគល់ឱ្យ​សមត្ថកិច្ច​ខេត្ដ​កំពង់ស្ពឺ ដែលជា​ម្ចាស់ ករណី យកទៅ​ចាត់ការ​តាមផ្លូវ​ច្បាប់​៕

Copyright © 2010-2021 · អរិយធម៌ · All Rights Reserved.
Develop by Sek Sathya