ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » សត្វ​​ផ្សោត​​ទឹកសាប​​ដ៏​ធំ​មួយ​​ក្បាលស្លាប់​ដោយសារ​ជាប់មង ​

សត្វ​​ផ្សោត​​ទឹកសាប​​ដ៏​ធំ​មួយ​​ក្បាលស្លាប់​ដោយសារ​ជាប់មង ​

​ក្រចេះ​៖​សត្វ​ផ្សោត​ញី​ទឹកសាប​មួយ​ក្បាល​ទម្ងន់​១០៥​គីឡូក្រាម​ស្លាប់​អណ្តែត​ទឹក​ត្រូវបាន​ប្រជាពលរដ្ឋ​ប្រទះឃើញ​និង​បាន​រាយការណ៍​ជូន​សមត្ថកិច្ច​សង្ស័យថា​ស្លាប់​ដោយសារ​ការជាប់​មង របស់​ក្រុម​ជន​ខិល​ខូ​ប ដែល​ដាក់​រាយ​នៅក្នុង​តំបន់​អភិរក្ស​ដោយ មិនមាន​ការ ហាមឃាត់ ឬ ចំណាត់ការ​របស់​ក្រុម​ជំនាញ ឬ សមត្ថកិច្ច​ឆ្មាំ​ទន្លេរ​មេគង្គ ដែល​ឈរជើង នៅ​ចំនុច​នានា​តាម​តំបន់​អភិរក្ស​សត្វ​ផ្សោត​នៅក្នុង​ខេត្តក្រចេះ​។​
​    ​បើតាម​ការសន្និដ្ឋានរ​បស់​ក្រុម​ឆ្មាំ​ទន្លេរ​មេគង្គ បាន​និយាយ​ឲ្យ​ដឹងថា​៖​សត្វ​ផ្សោត​នេះ ទំនងជា​ស្លាប់​ប្រមាណ​៣ ទៅ ៤​ថ្ងៃ​កន្លង​ទៅហើយ ប្រហែលជា​វា តាម​ចាប់​ចំណីរ​រហូតដល់ កន្លែង​ដាក់​រាយ​មង​ទើប​បណ្តាល​ឲ្យ​វា​ជាប់​មង​ស្លាប់​បែបនេះ​។​
​    ​ការចាប់​បាន​សត្វ​ផ្សោត​ស្លាប់​ខាងលើនេះ ត្រូវបាន​ប្រជាពលរដ្ឋ​ប្រទះឃើញ អណ្តែត ទឹកទន្លេរ​មេគង្គ នៅ​ព្រឹក​ថ្ងៃទី ១៤ ខែ សីហា ឆ្នាំ ២០១៣ ត្រង់ចំណុច​ភូមិ​រកា កណ្តាល​ទី​១ សង្កាត់​រកា​កណ្តាល ក្រុង​ក្រចេះ ខេត្តក្រចេះ បាន​អូស​ចូល​ខាង ហើយ​ក៏បាន​រាយការណ៍ ជូន​សមត្ថកិច្ច​មូលដ្ឋាន ដើម្បី​យក​សាកសព​សត្វ​ផ្សោត​នោះ ទៅ​រក្សាទុក​នៅ​ខ័​ណ្ឌ​រដ្ឋបាល ជលផល​ក្រចេះ​។​
​    ​លោក នុត គឹម​សាន្ត ប្រធាន​ឆ្មាំ​ទន្លេរ​មេគង្គ​ខេត្តក្រចេះ មិនអាច​សុំ​ការបំភ្លឺ​បានឡើយ ពាក់ព័ន្ធ​និង​ករណី​សត្វ​ផ្សោត​ស្លាប់ តែបើ​តាម​ប្រភពព័ត៌មាន​ពី​តំបន់​អភិរក្ស​បាន​ឲ្យ​ដឹងថា សព្វថ្ងៃ​គេ​ដឹងថា​មាន​ឆ្មាំ​ទន្លេរ​ចំនួន​១០​ប៉ុស្តិ៍  ចាប់ពី​ចំនុច​ក្បាល​សង្កាត់​កោះ​ទ្រង់ ក្រុង​ក្រចេះ រហូតដល់​ព្រំប្រទល់​ខេត្តស្ទឹងត្រែង ដែលមាន​អ្នកបំរើ​ការងារ​ជាង ៧០​នាក់ សម្រាប់​ការ យាមកាម តាម​អង្កេត ឃ្លាំមើល​រាល់​បទល្មើស​នានា​តាម​ដង​ទន្លេរ​មេគង្គ ជាពិសេស​តំបន់ អភិរក្ស តែ​អស់លោក​ទាំងនោះ​មិនដឹងថា កំពុង​ធ្វើ​សកម្មភាព​អ្វី​នោះទេ ទំនងជា​ត្រូវបាន​ក្រុម ជន​បំពាន​ច្បាប់​ទាំងនោះ បានផ្តល់​លាភសក្ការៈ​ដ៏​សម្បើម​ហើយ​មើលទៅ​។
​    ​លោក សៀន គិ​ន ប្រធាន​រដ្ឋបាល​ជលផល​ក្រចេះ បាន​ប្រាប់​ភ្នាក់ងារ​ព័ត៌មាន តាម ទូរស័ព្ទ​នៅ​ព្រឹក​ថ្ងៃទី ១៤ ខែ សីហា ឆ្នាំ ២០១៣ ថា​៖ បន្ទាប់​មន្ត្រី​ជំនាញ​ខ័​ណ្ឌ​រដ្ឋបាល​ធ្វើការ ថ្លឹង និង​វាស់វែង​រួច​មាន​ទម្ងន់​១០៥​គីឡូក្រាម ប្រវែង​២០៣​សង់ទីម៉ែត្រ ត្រូវបាន​អង្គការ​WWF ប្រចាំខេត្ត​ក្រចេះ យកទៅ​រក្សាទុក​នៅ​តំបន់​អភិរក្ស​សត្វ​ផ្សោត​កាំ​ពី ដើម្បី​ធ្វើជា​គំរូ ដល់ សាធារណៈជន​និង​មន្ត្រី​ឆ្មាំ​ទន្លេ​កុំ​ឲ្យ​ប្រព្រឹត្ត​អំពើ​ឃុ​ប​ឃឹ​ត​ខុសច្បាប់​ដែលជា​ហេតុ​នាំ​ឲ្យ​សត្វ​ដ៏​កម្រ​នេះ រង​ការវិនាស ផុត​ពូជ ហើយ​ធ្វើ​ឲ្យ​បាត់បង់​អត្តសញ្ញាណ​រប​ស់​ខេត្ត​ទៀតផង​។ លោក​បាន​ឲ្យ​ដឹង​បន្ថែមថា​៖​ចំពោះ​ករណី​ខាងលើ​មិនមាន​ពាក់ព័ន្ធ​ជាមួយនិង​ខ័​ណ្ឌ​រដ្ឋបាល​ជលផល​នោះឡើយ វា​ជា​ដែន សមត្ថកិច្ច​របស់​មន្ត្រី​អភិរក្ស​នៅ​ទីនោះ ហើយ​ការ​រាយ​មង​នៅក្នុង​តំបន់​អភិរក្ស​ក៏​មិនត្រូវ​កើត មាន​បន្ត​ជាដាច់ខាត​៕

ដោយ៖ កែវ រដ្ឋា


Copyright © 2010-2021 · អរិយធម៌ · All Rights Reserved.
Develop by Sek Sathya