ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! លោក ស៊ីន គង់ អភិបាលស្រុកស្រីសន្ធរ និងលោក សុខ យ៉េន អធិការនគរបាលស្រុក រងការចោទប្រកាន់ពីប្រជាពលរដ្ឋឃុំព្រែកដំបូកថា ជាអ្នកនៅពីក្រោយខ្នងនៃការឈូសឆាយដីព្រៃលិចទឹក របស់រដ្ឋរាប់សិបហិកតាធ្វើកម្មសិទ្ធិ?​  ||     ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||   

» Breaking News, ព័ត៌មានជាតិ » សាលា​រាជធានី​ភ្នំពេញ​ចាត់វិធានការ​បញ្ឈប់​ការ​បូម​ខ្សាច់​​ក្នុងភូមិ​សាស្ត្រ​​រាជធានី​ភ្នំពេញ​

សាលា​រាជធានី​ភ្នំពេញ​ចាត់វិធានការ​បញ្ឈប់​ការ​បូម​ខ្សាច់​​ក្នុងភូមិ​សាស្ត្រ​​រាជធានី​ភ្នំពេញ​

ភ្នំពេញ ៖​ក្នុង​កិច្ចប្រជុំ​គណៈបញ្ជាការ​ឯកភាព​រា​ជ​ធានី​ភ្នំពេញ​នា​ព្រឹក​ថ្ងៃទី​១២ សីហា លោក ប៉ា សុជាតិ​វង្ស​អភិបាល​នៃ​គណៈ​អភិបាល​រាជធានី​ភ្នំពេញ​បានដាក់​វិធានការ​ដល់​ខណ្ឌ​ទាំង​៩​ពិសេស​ខណ្ឌ​ដែលមាន​ភូមិសាស្ត្រ​ជាប់​ដង​ទន្លេមេគង្គ​ត្រូវ​ចាត់វិធានការ​បញ្ឈប់​ការ​បូម​ខ្សាច់​ក្នុង​មូលដ្ឋាន​របស់ខ្លួន​ជាបន្ទាន់​ចាប់ពីពេលនេះ​ទៅ ។​
​លោក អភិបាល​បន្តថា​សាលា​រាជធានី​ភ្នំពេញ​ក៏ត្រូវ​ធ្វើការ​ពិនិត្យ​ពិចារណា​ចំពោះ​ការស្នើរ​សុំ​បូម​ខ្សាច់​ក្នុងភូមិ​សាស្ត្រ​រាជធានី​ភ្នំពេញ​ត្រូវ​ឆ្លងកាត់​សាលា​រាជធានី​ភ្នំពេញ​ជាមុន និង​ត្រូវមាន​ការទទួលខុសត្រូវ​និង​មិនត្រូវ​ឆ្លើយ​ដាក់គ្នា​រវាង​ស្ថាប័ន​ពាក់ព័ន្ធ ។​
​ក្រោយពី​សង្កេតឃើញ​មាន​ចំណុច​អសកម្ម​ជាច្រើន​និង​បង្ក​ការ​ថ្នាំងថ្នាក់​ពី​ប្រជាពលរដ្ឋ​លើ​ផលប៉ះពាល់​បរិស្ថាន​និង​ផលប្រយោជន៍​ប្រជាពលរដ្ឋ ។ លោក ប៉ា សុជាតិ​វង្ស​ក៏បាន​ណែនាំ​ដល់​អាជ្ញាធរ​ដែនដី​និង​សមត្ថកិច្ច​ទាំងអស់​ត្រូវ​បន្ត​យកចិត្តទុកដាក់​ក្នុង​កំរិត​ខ្ពស់ជាង​ពេលណា​ណា​ទាំងអស់ ដើម្បី​រក្សា​ការពារ​សន្តិសុខ​សណ្តាប់ធ្នាប់​ក្នុង​រាជធានី
​ភ្នំពេញ​ឲ្យ​បានល្អ​ប្រសើរ​ពិសេស​ចាប់ពី​ក្រោយ គ​.​ជ​.​ប ប្រកាស​លទ្ធផល​ឆ្នោត​បណ្តោះអាសន្ន​នា​ព្រឹក​ថ្ងៃទី​១២ សីហា​នេះ​តទៅ ។
​លោក​សង្កត់ធ្ងន់ថា ត្រូវ​តាមដាន​ការប្រែប្រួល​សភាព​ការ​ផ្សេងៗ​និង​ទប់ស្កាត់​ឲ្យ​បាន​ទាន់ពេលវេលា​ចំពោះ​អំពើ​ដែល​នាំ​ឲ្យ​មាន​អស្ថិរភាព​សង្គម​បង្ក​ឲ្យ​មាន​អំពើហិង្សា​និង​បង្ក​ការភ័យខ្លាច​ដល់​ប្រជាពលរដ្ឋ ៕

​ដោយ​៖ វិជ្ជា

Copyright © 2010-2021 · អរិយធម៌ · All Rights Reserved.
Develop by Sek Sathya