ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» ព័ត៌មានជាតិ » មក​​ធ្វើ​កម្មករ​សំណង់​បាន​​៥​ថ្ងៃ ត្រូវ​ខ្សែភ្លើង​ឆក់​ស្លាប់​ ​

មក​​ធ្វើ​កម្មករ​សំណង់​បាន​​៥​ថ្ងៃ ត្រូវ​ខ្សែភ្លើង​ឆក់​ស្លាប់​ ​

ភ្នំពេញ​៖ ព្រោះតែ​ស្ថានភាព​គ្រួសារ​ជួប​ការលំបាក ទើប​សម្រេចចិត្ត​ចាកចេញ​ពី​ស្រុកកំណើត ឃ្លាតឆ្ងាយ​ពី​ក្រុមគ្រួសារ ដើម្បី​មក​ស្វែងរក​ការធ្វើ​នៅ​ក្រុងភ្នំពេញ តែ​អកុសល​បាន​ជួប​គ្រោះថ្នាក់​ស្លាប់​ដោយ​ខ្សែភ្លើង​ឆក់​យ៉ាង​អាណោចអាធ័ម​នៅក្នុង​ការដ្ឋាន​សំណង់​។​
​កម្មករសំណង់​ដ៏​គួរឱ្យ​អាណិតអាសូរ​ម្នាក់​បាន​ស្លាប់​ភ្លាមៗ​កាលពី​វេលា​ម៉ោង​៨ និង​៣០​នាទី​ព្រឹក​ថ្ងៃទី​១៣ សីហា ២០១៣  ក្នុង​ការដ្ឋាន​សាងសង់​សំណង់​មួយកន្លែង ដែលមាន​ទីតាំង​ស្ថិត​ក្នុងភូមិ​៧ ក្រុម​៣៥ សង្កាត់​ទន្លេបាសាក់​ខណ្ឌចំការមន ខណៈដែល​បុរស​រូបនេះ​កំពុងតែ​បំពេញការងារ ។​
​ជនរងគ្រោះ​ដែល​បាត់​បង់ជីវិត​មានឈ្មោះ អ៊ុត សិទ្ធិ ភេទ​ប្រុស អាយុ​២២​ឆ្នាំ រស់នៅក្នុង​ភូមិ​សំរោង ស្រុក​កំពង់រោខេត្តស្វាយរៀង​។ លោក ប៊ុត យុំ​ាំ​ង អាយុ​៥១​ឆ្នាំ ត្រូវជា​ឱ​ពុក​ជនរងគ្រោះ បាន​រៀបរាប់​ឱ្យដឹងថា កូន​របស់លោក​ទើបតែ​មក​ធ្វើការ​នៅ​កន្លែងកើតហេតុ​ខាងលើ​បាន​ប្រហែល​៥ ថ្ងៃ​ប៉ុណ្ណោះ​ក៏​ជួប​រឿង​អកុសល​បែបនេះ​។​
​បន្ទាប់ពី​បានធ្វើ​កោសល្យវិច័យ​ក្រុម​សន្និដ្ឋានថា ជនរងគ្រោះ​ពិតជា​ស្លាប់​ដោយសារ​ខ្សែភ្លើង​ឆក់​ប្រាកដ​មែន​សមត្ថកិច្ច​បញ្ជាក់ថា មូលហេតុ​ដែល​បង្ក​ឱ្យ​ឆក់​ស្លាប់​នេះ​ដោយសារ​ការធ្វេសប្រហែស​ក្នុងពេល​ធ្វើការ​ងារ​រប​ស់កម្មករ និង​អ្នកគ្រប់គ្រង​ការដ្ឋាន​នេះ​តែម្តង​។ បច្ចុប្បន្ន​សាកសព​ជនរងគ្រោះ​ត្រូវបាន​ប្រគល់​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​ឯ​ស្រុកកំណើត​។ ករណី​ខ្សែភ្លើង​ឆក់​មនុស្ស​ស្លាប់​ខាងលើនេះ គេ​នៅ​មិនទាន់​ដឹងថា អ្នកគ្រប់គ្រង​ការដ្ឋាន​ណាមួយ​ចេញមុខ​មក​ទទួលខុស​ត្រូវ​៕

ដោយៈ សេរី​មករា

Copyright © 2010-2021 · អរិយធម៌ · All Rights Reserved.
Develop by Sek Sathya