ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » មន្ត្រី​មន្ទីរ​ធនធានទឹក ខេត្ត​កំពង់ចាម ចុះ​ជួយ​បូមទឹក សង្គ្រោះ​ស្រូវរបស់​ប្រជាកសិករ

មន្ត្រី​មន្ទីរ​ធនធានទឹក ខេត្ត​កំពង់ចាម ចុះ​ជួយ​បូមទឹក សង្គ្រោះ​ស្រូវរបស់​ប្រជាកសិករ

​កំពង់ចាម ៖ ក្រុមការងារ មន្ទីរ​ធនធានទឹក និង​ឧតុនិយម ខេត្ត​កំពង់ចាម បាន​ចុះ​ទៅ​អន្តរាគមន៍ បូមទឹក​សង្គ្រោះ​ស្រូវ​របស់​ប្រជាកសិករ ស្ថិតនៅ​ឃុំ​ចំនួន​៥ របស់​ស្រុក​ស្រី​សន្ធរ ខេត្ត​កំពង់ចាម ខណៈ​កំពុង​ជួប បញ្ហា​ខ្វះខាត​ទឹក​កាលពី​រសៀល និង​ព្រលប់​ថ្ងៃទី​២២ ខែវិច្ឆិកា ឆ្នាំ​២០១៤​។​
​មន្ត្រី​មន្ទីរ ធនធានទឹក ខេត្ត​កំពង់ចាម បាន​ថ្លែងឲ្យដឹងថា ស្រូវ​ប្រមាណ​១.៦៩៥ ហិកតា ស្ថិតក្នុង ឃុំ​ព្រែក​ពោធិ៍​, ខ្នារស​, ទង​ត្រឡាច​, ស្វាយ​ពោធិ៍ និង​ឃុំ​ជី​បាល ស្រុក​ស្រី​សន្ធរ ខេត្ត​កំពង់ចាម កំពុង​ជួប​កង្វះខាត​ទឹក យ៉ាងខ្លាំង ដូច្នេះ​ប្រសិនបើ​ពុំ​មាន​វិធានការ បូមទឹក​សង្គ្រោះ​ទេ ស្រូវ​ទាំង​នោះ អាច​ប្រឈម​នឹង​ការខូចខាត ប៉ះពាល់​ដល់ ស្ថានភាព​ជីវភាព រស់នៅ​របស់ ប្រជាពលរដ្ឋ ក្នុង​ឃុំ​ទាំង​៥​ខាងលើនេះ ។​
​មន្ត្រី​បាន​ថ្លែង​ទៀត​ថា ដោយសារតែ​មាន​បញ្ហា​នេះ កើតឡើង រដ្ឋមន្ត្រីក្រសួង ធនធានទឹក លោក លឹម គានហោ បាន​បញ្ជា​ឲ្យ​ក្រុមការងារ នៅ​មន្ទីរ​ចុះ​ទៅ​ជួយ អន្តរាគមន៍​ជាបន្ទាន់ ។​
​បើ​តាម​មន្ត្រី ដដែល​នេះ នៅ​ព្រលប់ ថ្ងៃទី​២២ ខែវិច្ឆិកា ឆ្នាំ​២០១៤ ស្រូវ​ប្រមាណ​២៤០​ហិកតា ត្រូវបាន​សង្គ្រោះ​រួចរាល់ ហើយ​ជាង​១​ពាន់​ហិកតា កំពុង​បន្ត​ចុះ​អន្តរាគមន៍​បូមទឹក ដែល​ប្រភព​ទឹក​ទាំងនោះ យក​មក​ពី​ទន្លេមេគង្គ ស្ថានីយ​ហ៊ុន សែន​ទី​៣០, ៣១, ៣២ និង​ទី​៣២ ។​
​មន្ត្រី​ធនធានទឹក បានបញ្ជាក់​ថា ប្រតិបត្តិការ ជួយសង្គ្រោះ​ស្រូវ​របស់ ប្រជាកសិករ ទាំងនេះ នឹង​ត្រូវ​ធ្វើឡើង​ជា​បន្ត​បន្ទាប់ មិន​ធ្វើឲ្យ​ពួកគាត់ មានការ​ព្រួយ បារម្ភ​នោះ​ឡើយ ហើយ​ប្រជាពលរដ្ឋ ជា​ម្ចាស់​ស្រូវ មានការ​សប្បាយចិត្ត យ៉ាងខ្លាំង​ចំពោះ​កិច្ច អន្តរាគមន៍ ទាន់ពេលវេលា របស់​មន្ទីរ​ធនធាន​ទឹក ខេត្ត​កំពង់ចាម​៕ggg

Copyright © 2010-2021 · អរិយធម៌ · All Rights Reserved.
Develop by Sek Sathya