ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» Breaking News, ព័ត៌មានជាតិ » ជនប្រដាប់អាវុធ បាញ់សម្លាប់ ឧកញ៉ា អ៊ឹង ម៉េង​ជឺ ថៅកែ​ក្រុមហ៊ុន ស៊ីម៉ង់​តិ៍​ពេជ្រ សង្ស័យ​ជា​រឿង​គំនុំ​

ជនប្រដាប់អាវុធ បាញ់សម្លាប់ ឧកញ៉ា អ៊ឹង ម៉េង​ជឺ ថៅកែ​ក្រុមហ៊ុន ស៊ីម៉ង់​តិ៍​ពេជ្រ សង្ស័យ​ជា​រឿង​គំនុំ​

​ភ្នំពេញ ៖ បុរស​ម្នាក់​ត្រូវ​ជនសង្ស័យ​២​នាក់​ជិះ​ម៉ូតូ​ប្រដាប់​ដោយ​អាវុធខ្លី​បាញ់ ប្រហារ​ជាច្រើន​គ្រាប់​បណ្តាល​ឲ្យ​ស្លាប់​ក្នុង​ថ្លុកឈាម​នៅមុខ​ហាង លក់​ផ្លែឈើ​យីហោ​ឡោ តិច​សេង ខណៈ​ជនរងគ្រោះ​ចុះ​ពីលើ​រថយន្ត​បម្រុង​ដើរចូល​ទិញ​ផ្លែឈើ​។​
​ហេតុការណ៍​ភ្ញាក់ផ្អើល​នេះ​បាន កើតឡើង​នៅវេលា​ម៉ោង​៧​និង​២០​នាទី​យប់​ថ្ងៃទី​២២ ខែវិច្ឆិកា ឆ្នាំ​២០១៤ នៅមុខ​ហាង​លក់​ផ្លែឈើ​យីហោ​តិច​សេង ផ្ទះ​លេខ​៤៦៤BE0 ផ្លូវ​លេខ​២៧៤ ក្នុង​សង្កាត់​ទួល​ស្វាយព្រៃ​ទី​២ ខណ្ឌចំការមន ។​
​ជនរងគ្រោះ​ឈ្មោះ ឧកញ៉ា អ៊ឹង ម៉េង​ជឺ ថៅកែ​ក្រុមហ៊ុន ស៊ីម៉ង់​តិ៍​ពេជ្រ  ដោយ​ជិះ​រថយន្ត​ម៉ាក​ឡិច​ស៊ី​ស​៥៧០ ពណ៌​ឈាមជ្រូក ភ្នំពេញ 2M-1683 ។ សមត្ថកិច្ច បាន​បញ្ជាក់ថា ជនរងគ្រោះ​មាន​ភរិយា​ឈ្មោះ តាំង គឹម​ឆេង ជា​ថៅកែ​ហាង​ពេជ្រ​ហុងកុង នៅ​ជិត​ផ្សារ​ថ្មី​។​
​តាម​ប្រភពព័ត៌មាន នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​បាន​បើករថយន្ត​ស៊េរី​ទំនើប​ខាងលើ​តាម បណ្តោយ​ផ្លូវ​លេខ​២៧៤ ពេលមកដល់​មុខ​ហាង​លក់​ផ្លែឈើ​ខាងលើ​ក៏​ឈប់​រថយន្ត​ចុះមក​ទិញ​ផ្លែឈើ ភ្លាមៗ​នោះ​ស្រាប់​តែមាន​ជនសង្ស័យ​២​នាក់​ជិះ​ម៉ូតូ​មួយគ្រឿង​មិន​ចាំ ម៉ាក​មក​ឈប់​អែប​នឹង​ជនរងគ្រោះ ហើយក៏​ដក​កាំភ្លើង​បាញ់​សំដៅទៅ​ជនរងគ្រោះ​ជាច្រើន​គ្រា​ប់ប​ណ្តា​ល​ឲ្យ ជនរងគ្រោះ​ស្លាប់​ភ្លាមៗ​នៅក្នុង​ថ្លុកឈាម​មុខ​ហាង​លក់​ផ្លែឈើ​នោះ​តែ ម្តង ។ ក្រោយពី​បាញ់​ជនរងគ្រោះ​ហើយ​ជនសង្ស័យ​ទាំង​២​នាក់​បាន​ជិះ​ម៉ូតូ​គេច ខ្លួន​បាត់ស្រមោល ។​
​ក្រោយ​កើតហេតុ សមត្ថកិច្ច​ចម្រុះ​បាន​ចុះ​មកដល់​កន្លែងកើតហេតុ​ដើម្បី​ធ្វើ​អន្តរាគមន៍  និង​ធ្វើ​កំណត់ហេតុ​ដើម្បី​ឈានទៅ​កំណត់​មុខសញ្ញា​ជនសង្ស័យ​ខាងលើ ។ ប៉ុន្តែ​ជា​ជំហាន​ដំបូង​សមត្ថកិច្ច​ជំនាញ​សន្និដ្ឋានថា អាចជា​ករណី​គំនុំ​ដោយ​ជនសង្ស័យ​បានគិត​ទុកជាមុន ៕

10429811_745686042134641_8646648804470644100_n10406510_745686132134632_3826159900627339310_n10259989_1498076723802879_1975765494736424777_n1926635_467299906741939_8906681275670593274_n

Copyright © 2010-2021 · អរិយធម៌ · All Rights Reserved.
Develop by Sek Sathya