ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» ព័ត៌មានជាតិ » តាម​ចាប់​ក្រុមចោរប្លន់ អាជីវករ លក់​មាស និង​ប្តូរប្រាក់ នៅ​ផ្សារ​តាំងគោក

តាម​ចាប់​ក្រុមចោរប្លន់ អាជីវករ លក់​មាស និង​ប្តូរប្រាក់ នៅ​ផ្សារ​តាំងគោក

​កំពង់ធំ ៖ កម្លាំង​សមត្ថកិច្ច ខេត្តកំពង់ធំ រួមមាន កម្លាំង​នគរបាល ថ្នាក់​ស្នងការ ថ្នាក់ស្រុក ថ្នាក់​ក្រសួងមហាផ្ទៃ កម្លាំង​អាវុធហត្ថ កម្លាំងយោធា និង​អាជ្ញាធរ ពាក់ព័ន្ធ​ជាច្រើន​នាក់ កំពុង​តាម​ចាប់ខ្លួន ជនសង្ស័យ ២​នាក់ ដែល​ធ្វើ​សកម្មភាព បាញ់​ប្លន់​យក​គ្រឿងអលង្កា និង​លុយ​ពី​អាជីវករ​២​នាក់​ប្តី​ប្រពន្ធ​លក់​មាស និង​ប្តូរប្រាក់​នៅ​ផ្សារ តាំងគោក ស្ថិតនៅ​ភូមិ​តាំងគោក ឃុំ​សូ​យោង ស្រុក​បារាយណ៍ ខេត្តកំពង់ធំ កាលពី​វេលា​ម៉ោង ៥៖២០​នាទី ល្ងាច​ថ្ងៃទី​២១ ខែវិច្ឆិកា ឆ្នាំ​២០១៤​។​

 
​លោក​ឧ​ត្ត​ម​សេនីយ៍ ជូ សំអាន ស្នងការ នគរបាល ខេត្តកំពង់ធំ បាន​ថ្លែង​ឲ្យ​ដឹងថា «​នៅវេលា ម៉ោង​កើតហេតុ នៅ​ចំណុច ភូមិ​តាំងគោក ឃុំ​សូ​យោង មាន​ករណី​លួច មាន​ស្ថាន​ទម្ងន់ បង្កឡើង​ដោយ​ជនសង្ស័យ​២​នាក់ ប្រដាប់​ដោយ អាវុធខ្លី បាន​ភ្ជង់ នឹង​បាញ់​ទៅ លើ​ជនរងគ្រោះ ជា​អាជីវករ លក់​មាស និង​ប្តូរប្រាក់ ពេល​កំពុងធ្វើដំណើរ ដោយ​ម៉ូតូ​ចេញពី​ផ្សារ តាំងគោក ត្រឡប់មកផ្ទះ បាន​ចម្ងាយ​ប្រហែល​ជាង​២០០​ម៉ែត្រ​ពី​ផ្សារ ជិត ដល់ផ្ទះ​របស់ខ្លួន​»​។​

 
​លោក​ឧ​ត្ត​ម​សេនីយ៍​ស្នងការ បាន​បញ្ជាក់ថា ហេតុការណ៍ បាញ់​ប្លន់​នេះ បាន​បណ្តាល​ឲ្យ ស្ត្រី​ជា​ប្រពន្ធ មានឈ្មោះ ហែម សៀ​កន​ន់ អាយុ​៤៧​ឆ្នាំ របួស​ភ្លៅ​ទាំងសងខាង ។​

 
​លោក​ឧ​ត្ត​ម​សេនីយ៍ ជូ សំអាន បាន​បន្តទៀតថា ក្រោយ​ធ្វើ​សកម្មភាព​រួច ជនសង្ស័យ ទាំង​២​នាក់ បាន​គេចខ្លួនបាត់ តាម​ម៉ូតូ​មួយគ្រឿង ។ ដោយឡែក ការបាត់បង់​មាស ប្រាក់​ដែល ជនល្មើស​យកទៅ យើង​ក្តាប់​មិនទាន់បាន​នៅឡើយ​ទេ ដោយសារតែ គ្រួសារ​ជនរងគ្រោះ ជាប់រវល់​បញ្ជូន ជនរងគ្រោះ ទៅ​ព្យាបាល នៅ​មន្ទីរពេទ្យ ក្នុង​រាជធានី​ភ្នំពេញ​។​

 
​ស្នងការ នគរបាល ខេត្តកំពង់ធំ បាន​បញ្ជាក់ថា ក្រោយ​ទទួលបាន​ព័ត៌មាន​ភ្លាមៗ ពី​ករណី​បាញ់​ប្លន់ ខាងលើនេះ លោក​បាន​បញ្ជា​ឲ្យ កម្លាំង​នគរបាល ទាំង​ថ្នាក់​ស្នងការដ្ឋាន​ខេត្ត និង​ថ្នាក់ស្រុក ដោយ​ប្រើប្រាស់ កម្លាំង​សរុប ៩១​នាក់ (​ន​.​ប​ខេត្ត ស្រុក និង​ក្រសួង​) រួមសហការ​ជា មួយ​កងរាជអាវុធហត្ថ យោធា ធ្វើ​សកម្មភាព ក្នុងភូមិ​សាស្ត្រ​៤​ឃុំ (​សូ​យោង​,​ពង្រ​,​ស្រឡៅ និង​ជ្រលង​) តែ​ជា​លទ្ធផល សមត្ថកិច្ច បាន​រកឃើញ ម៉ូតូ​ជនសង្ស័យ ទំលាក់ចោល​១​គ្រឿង ម៉ាក​សេ​១២៥ សេរី​២០១០​។​

 
​យ៉ាងណាក៏ដោយ បើតាម​លោក​ឧ​ត្ត​ម​សេនីយ៍ បច្ចុប្បន្ន​កម្លាំង សមត្ថកិច្ច​របស់លោក បាននិងកំពុង​បន្ត​ប្រតិបត្តិ ចាប់​ស្វែងរក​ចាប់ខ្លួន ជនសង្ស័យ​ទាំង​២​នាក់ យកមក​ផ្តន្ទាទោស តាមផ្លូវ ច្បាប់ ៕s dd

Copyright © 2010-2021 · អរិយធម៌ · All Rights Reserved.
Develop by Sek Sathya