ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||     មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||   

» ព័ត៌មានជាតិ » បញ្ជូន​ជនសង្ស័យ​ចំនួន​៩​នាក់ ជា​ក្មេងស្ទាវ​ចាប់រំលោភ​បូក​ទៅលើ​នារី​រង​គ្រោះជា​កម្មការិនី​កាត់ដេរ​ម្នាក់ ទៅ​ស្នងការ នគរបាល​កំពង់ឆ្នាំង ​

បញ្ជូន​ជនសង្ស័យ​ចំនួន​៩​នាក់ ជា​ក្មេងស្ទាវ​ចាប់រំលោភ​បូក​ទៅលើ​នារី​រង​គ្រោះជា​កម្មការិនី​កាត់ដេរ​ម្នាក់ ទៅ​ស្នងការ នគរបាល​កំពង់ឆ្នាំង ​

កំពង់ឆ្នាំង​៖ អធិការដ្ឋាន​នគរបាល​ស្រុក​កំពង់ត្រឡាច កាលពី​ថ្ងៃទី​២០​ខែ​វិ​ចិ្ឆ​កា ២០១៤ បាន​បញ្ជូន​យុវជន​ស្ទាវ​ជនសង្ស័យ​ចំនួន​៩​នាក់​ទៅ​ស្នងការដ្ឋាន​ខេត្តកំពង់ឆ្នាំង ដើម្បី​កសាង​សំណុំរឿង​បញ្ជូនទៅ​តុលាការ បន្ទាប់ពី​យុវជន​ខាងលើ ត្រូវបាន​នារី​រង​គ្រោះជា​កម្មការិនី​កាត់ដេរ​ប្តឹង​ឲ្យ​សមត្ថកិច្ច​ចាប់ខ្លួន ក្រោយពី​បានរួម​គ្នា​ធ្វើ​សកម្មភាព​ចាប់រំលោភ​បូក​នារី​រងគ្រោះ​ម្នាក់ ក្នុងចំណោម​ពួកនាង ៣ នាក់​ដែល​បាន​ប្រព្រឹត្តឡើង​កាលពី​វេ​ល​ម៉ោង ៧​និង​៥០​នាទី​យប់ ថ្ងៃទី​១៩​ខែវិច្ឆិកា ឆ្នាំ​២០១៤ នៅ​ចំណុច​មាត់បឹង​ចាន់​កៀក ស្ថិតក្នុង ភូមិ​ចាន់ កៀក ឃុំ​អូរ​ឬ​ស្សី ស្រុក​កំពង់ត្រឡាច  ខណៈដែល​ជនសង្ស័យ​ខាងលើ​បានរួម​គ្នា​បញ្ឆោត​ពួកនាង​ឌុប​ទៅ​ហូប​បង្អែម ។​
លោក ហ៊ុល វាសនា អធិការ នគរបាល​ស្រុក​កំពង់ត្រឡាច​បាន​និយាយថា ជនសង្ស័យ​ទាំង​៩​នាក់​មាន​១​ឈ្មោះ ម៉ាត់ អែល អាយុ​២៥​ឆ្នាំ ២​ឈ្មោះ លី សូម អាយុ​២៣ ឆ្នាំ ៣​ឈ្មោះ សា អែល អាយុ​១៩​ឆ្នាំ ៤​ឈ្មោះ លី ឃា​ក់ អាយុ​១៨​ឆ្នាំ ៥​ឈ្មោះ ទិ​ត្យ ប៉ូ ហៅ​សា​អាយុ​២០​ឆ្នាំ ៦​ឈ្មោះ​លី វ៉ាន់​នី អាយុ​២០​ឆ្នាំ​៧​ឈ្មោះ ហ៊ឹម ទិ​ត្យ អាយុ ២១​ឆ្នាំ ៨​ឈ្មោះ លី ស៊ីម អាយ​១៩​ឆ្នាំ និង​៩​ឈ្មោះ សុខ អែល អាយុ​២០ ឆ្នាំ​
​ទាំង​៩​នាក់​ជា​ជនជាតិ​ឥស្លាម មាន​ទីលំនៅ​ភូមិ​ចាន់​កៀក ។ ចំណែក​នារី​រងគ្រោះ ម្នាក់​ក្នុងចំណោម​៣​នាក់ ដែលមាន​អាយុ​១៧-១៨ និង​២០​ឆ្នាំ មាន​ទីលំនៅ​ភូមិ​ឧ​ញ៉ា​ប៉ាង ឃុំ​លង្វែក ស្រុក​កំពង់ត្រឡាច​ពួកនាង​ជា​កម្មក​រោងចក្រ នៅ​លង្វែក ។​
លោក អធិការ​បាន​បន្តថា ដំបូង​នារី​រងគ្រោះ​ម្នាក់​ក្នុងចំណោម​ពួកនាង​ទាំងបី​នាក់ ត្រូវបាន​ក្រុម​ជនល្មើស​បាន​ស្គាល់គ្នា​ពី​ពេលណា​មក​ទេ​តែ​នៅវេលា​ម៉ោង ២​និង​៣០​នាទី​រសៀល​ថ្ងៃទី​១៩​ខែវិច្ឆិកា ឆ្នាំ​២០១៤ ខណៈ​ពួកនាង​កំពុងធ្វើការ​នៅក្នុង​រោងចក្រ ក្រុម​ជនសង្ស័យ​បាន​ទូរ​សព្ទ័​ទៅ​បបួល​ពួកនាង​ថា​ទៅ​ហូប​បង្អែម​នៅ​ផ្សារ​ឧ​ត្ត​ង្គ ។​ហើយ​នារី​ម្នាក់​ដែល​បាន​ស្គាល់​យុវជន​នោះ ប្រាប់​តាម​ទូរស័ព្ទ​ថា គ្នា​ខ្ញុំ​មាន​២​នាក់​ទៀត ឲ្យ​ទៅ​ទាំងបី​នាក់​ទៅ លុះ​ម៉ោង​៥​ល្ងាច​ពួកនាង​បាន​ចេញពី​ធ្វើការ​ក្នុង​រោងចក្រ ពួក​ជនសង្ស័យ​៦​នាក់​មាន​ម៉ូតូ​៣​គ្រឿង​បាន​ទៅ​ទទួល​នាង​ទៅ​ហូប​បង្អែម តែ​ពេលចេញ​ដំណើរ​មក​មិនបាន​ឌុប​ពួកនាង​ទៅ​ផ្សារ​ឧ​ត្ត​ង្គ​នោះទេ បែ​ជា​ឌុប​ពួកនាង​ចុះទៅ​ភូមិ​កំពង់ត្រឡាច​ក្រោម ហើយ​បាននាំគ្នា​អង្គុយ​ផឹក​នៅ​មាត់ទន្លេរ​ទៅវិញ ។  ក្នុងពេល​កំពុង ផឹក​នោះ ក្រុម​នារី​រងគ្រោះ​មិនបាន​ទៅ​អង្គុយ​ក្នុង​តូប​ជាមួយ​ទេ គឺ​នាំគ្នា​ឈរ​ចាំ​នៅលើ​ថ្នល់ ក្នុងពេល​ផឹកស៊ី​នោះ ក្រុម​ជនសង្ស័យ​មាន​គ្នា​ដល់​ទៅ​៩​នាក់​ដែលជា​អ្នកភូមិ​ជាមួយគ្នា និង​បាន​រៀប​គម្រោង ចាប់ ពួកនាង​រំលោភ​តាមផ្លូវ​រួច​ជា​ស្រ​ច​ទៅហើយ ។​
លោក​អធិការ​បាន​បន្តថា ក្រោយពី​បាន​ផឹកស៊ី​ហើយ ក្រុម​ជនសង្ស័យ​ខាងលើ​បាន​ឌុប​ពួកនាង​មកវិញ តែ​មក​តាមផ្លូវ​បាន​ចូល​ផឹក​មួយកន្លែង​ទៀត ពេលនោះ​ឃើញ​សភាព​មិន​ស្រួល​ពួក​នារី​រងគ្រោះ​ទាំង​៣​នាក់​បាននាំគ្នា​រត់ តែ​ត្រូវ​ក្រុម​ជនសង្ស័យ​ខាងលើ​លើកគ្នា​ដេញចាប់បាន​ម្នាក់​ក្នុងចំណោម​នារី រងគ្រោះ​ទាង​៣​នាក់ ហើយ​ត្រូវ​ក្រុម​នោះ​ចាប់រំលោភ​ម្តងម្នាក់​យ៉ាង​ព្រៃផ្សៃ​តែម្តង ។​
ដោយឡែក​នារី​រងគ្រោះ​២​នាក់​បាន​ទូរ​សព្ទ័​ទៅ​ក្រុមគ្រួសារ​អំពី​អំពើ ចាប់រំលោភ​នេះ ទើប​នៅវេលា​ម៉ោង​១០​និង​៣០​នាទី​យប់ ខណៈពេល​ពួកគេ​នាំគ្នា​ឌុប​នារី​រងគ្រោះ​ទៅផ្ទះ​វិញ​ត្រូវ​កម្លាំង សមត្ថកិច្ច ចាប់ខ្លួនបាន​មួយចំនួន និង​មួយចំនួនទៀត​បាន​ចាប់​នៅ​ព្រឹក​ថ្ងៃទី ២០ ខែវិច្ឆិកា ។ ជនសង្ស័យ​ទាំង​៩​នាក់​ត្រូវបាន​កម្លាំង​នគរបាល​ស្រុក​កំពង់ត្រឡាច​កសាង សំណុំរឿង​បញ្ជូនមក​ស្នងការដ្ឋាន​នគរបាល​ខេត្ត​ដើម្បី​បំពេញ​សំណុំរឿង​បន្ថែម បញ្ជូន​ទី​កាន់​តុលាការ​ចាត់ការ​តាមផ្លូវ​ច្បាប់​៕​ គិរីពេជ្រIMG-20141120-WA0000-320x180IMG-20141120-WA0003-320x180IMG-20141120-WA0002-320x180

Copyright © 2010-2021 · អរិយធម៌ · All Rights Reserved.
Develop by Sek Sathya