ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» ព័ត៌មានជាតិ » រថយន្ត​មួយគ្រឿង​បើក​បុក​២​នាក់​ប្តី​ប្រពន្ធ​ពីក្រោយ​រងរបួស​ធ្ងន់

រថយន្ត​មួយគ្រឿង​បើក​បុក​២​នាក់​ប្តី​ប្រពន្ធ​ពីក្រោយ​រងរបួស​ធ្ងន់

​ខេត្តកណ្តាល  ៖ ២​នាក់​ប្តី​ប្រពន្ធ​កំពុង​ជិះ​ម៉ូតូ​អូស​រទេះ​អេតចាយ​ត្រូវ​រថយន្ត​កូរ៉េ​ចំណុះ​១​តោន​បើក បុក​ពីក្រោយ​ពេញទំហឹង​បណ្តាល​ឲ្យ​រងរបួស​ធ្ងន់​ទាំង​២​នាក់​។ ក្រោយ​កើតហេតុ​អ្នកបើកបរ​រថយន្តរ​ត់​គេចខ្លួនបាត់ ។​

 
​ករណី​គ្រោះថ្នាក់ ចរាចរណ៍​ខាងលើនេះ​បាន​កើតឡើង​កាលពី​វេលា​ម៉ោង​៦​និង​៣០​នាទី​ល្ងាច ថ្ងៃទី​១៩​ណ ខែវិច្ឆិកា ឆ្នាំ​២០១៤ នៅលើ​ផ្លូវជាតិ​លេខ​១ ចន្លោះ​គីឡូម៉ែត្រ​លេខ​២៣-២៤ ស្ថិត​ក្នុងភូមិ​ដីឥដ្ឋ​កោះ​ផុស ឃុំ​ដីឥដ្ឋ ស្រុក​កៀនស្វាយ ខេត្តកណ្តាល ។​

 
​ជនរងគ្រោះ​ទាំង ២​នាក់​ជិះ​ម៉ូតូ​ម៉ាក​ហុងដា​សេ​១២៥ ស៊េរី​ឆ្នាំ​២០១៥ ពាក់​ស្លាក​លេខ​ភ្នំពេញ 1CQ-3251  ដោយ​ប្តី​ជា​អ្នក​ឌុប និង​ប្រពន្ធ​ជិះ​ពីក្រោយ​មាន​អូស​រទេះ​អេតចាយ ។ ប្តី​ឈ្មោះ ចៀម ហុង អាយុ​៣៧​ឆ្នាំ ប្រពន្ធ​ឈ្មោះ ហួត សាវឿន អាយុ​៣០​ឆ្នាំ រងរបួស​ធ្ងន់​ទាំងអស់គ្នា ។ រថយន្ត​បង្កហេតុ​ម៉ាក​ហ៊ីយ៉ាន់ដាយ​ពាក់​ស្លាក​លេខ​កណ្តាល 2A-4921 បន្ទាប់ពី​កើតហេតុ​អ្នកបើកបរ​បាន​រត់គេច​ខ្លួន​បាត់ ។​

 
​មុនពេល​គ្រោះថ្នាក់​ជនរងគ្រោះ​ទាំង​២​នាក់​ប្តី​ប្រពន្ធ​មានមុខ​របរ ទិញ​លក់​អេតចាយ​បាន​ជិះ​ម៉ូតូ​អូស​រទេះ​អេតចាយ​ពីក្រោយ​ក្នុងទិសដៅ ពី​អ្នក​លឿង​មក​ភ្នំពេញ ។ ពេលមកដល់​ចំណុចកើតហេតុ​ជនរងគ្រោះ​បាន​បើក​ជែង​ម៉ូតូ​នៅ​ពីមុខ ពេល​កំពុង​ជែង​ស្រាប់តែ​រថយន្ត​បង្ក​បើក​មកពី​ក្រោយ​ក្នុង​ល្បឿន​លឿន ជាន់​ហ្វាំ​ង​មិនទាន់​ក៏​បុក​ពេញទំហឹង​អូស​ជាង​១០​ម៉ែត្រ ចំណែក​ជនរងគ្រោះ​ទាំង​២​នាក់​បាន​ខ្ទាត​ទៅ​ចិញ្ចើមផ្លូវ​រងរបួស​ធ្ងន់ ទាំងអស់គ្នា ។​

 
​បន្ទាប់ពី​កើត ហេតុ​អ្នកបើកបរ​រថយន្ត​បាន​គេចខ្លួនបាត់ ហើយ​ជនរងគ្រោះ​ទាំង​២​នាក់​ត្រូវ​រថយន្ត​របស់​មន្ទីរ​ពេទ្យ​បង្អែក​ស្រុក ដឹក​មក​ព្យាបាល​នៅ​មន្ទីរពេទ្យ​ព្រះកុសុមៈ ។​

 
​លោក​វរសេនីយ៍ឯក ប៉ា សំអិត អធិការនគរបាល​ស្រុក​កៀនស្វាយ​បាន​ឲ្យ​ដឹងថា មួយរយៈ​កន្លងទៅនេះ​សភាពការណ៍​បទល្មើស​ផ្នែក​ព្រហ្មទណ្ឌ​មានការ​ថយ ចុះ ដោយឡែក​បទល្មើស​ចរាច​រណ៍​កើត​ឡើងជា​បន្តបន្ទាប់​គ្រាន់តែ​តូច​និង​ធំ ប៉ុណ្ណោះ ហើយ​ភាគច្រើន​កើតឡើង​ដោយសារ​កត្តា​មនុស្ស ពោលគឺ​បើកបរ​មិន​គោរព​ច្បាប់​ចរាចរណ៍ បើកបរ​ខ្វះ​ការប្រុងប្រយ័ត្ន បើក​ជែង​ក្នុងស្ថានភាព​ផ្លូវ​មាន​ឧបសគ្គ បើកបរ​ហួស​ល្បឿន​កំណត់ និង​បើកបរ​ក្នុងស្ថានភាព​ស្រវឹង ដែលជា​ហេតុ​បង្ក​ឲ្យ​មាន​គ្រោះថ្នាក់​ចរាចរណ៍​ដល់​អ្ន​ក​ដទៃ​ដូចជា​ករណី នេះ គឺ​កើតហេតុ​ឡើង​ដោយសារ​ការបើកបរ​មិន​ប្រយ័ត្ន​ទើប​កើត​គ្រោះថ្នាក់ ។

 
​កន្លងមក​សមត្ថ កិច្ច​នគរបាល​ស្រុក​បានធ្វើការ​ផ្សព្វផ្សាយ​ច្បាប់​ចរាចរណ៍ និង​ពន្យល់​ប្រជាពលរដ្ឋ​ឲ្យ​គោរព​ច្បាប់​ចរាចរណ៍ នៅ​វេទិកាសាធារណៈ​ម្តងៗ ប៉ុន្តែ​អ្នក​គោរព​នៅតែ​គោរព អ្នក​បំពាន​នៅតែ​បំពាន ។ ដូច្នេះ​ដើម្បី​បញ្ចៀស​បាន​នូវ​គ្រោះថ្នាក់​ចរាចរណ៍​ត្រូវគោរព​ច្បាប់ ចរាចរណ៍ បើកបរ​ចេះ​អធ្យាស្រ័យ​គ្នា ហើយ​អ្នកជិះ​ម៉ូតូ​ត្រូវ​ពាក់មួក​សុវត្ថិភាព​គ្រប់ៗ​ទើប​ចៀសវាង​បាន គ្រោះថ្នាក់​ដល់​ជិវិត ៕ហហ ថថ ថថថ

Copyright © 2010-2021 · អរិយធម៌ · All Rights Reserved.
Develop by Sek Sathya