ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» ព័ត៌មានជាតិ » ម៉ូតូ​កង់​បី​បុក​រថយន្ត ម្នាក់​បែកក្បាល​ធ្លាយ​ខួរ​ស្លាប់ ម្នាក់ទៀត​រងរបួស​ធ្ងន់ ​

ម៉ូតូ​កង់​បី​បុក​រថយន្ត ម្នាក់​បែកក្បាល​ធ្លាយ​ខួរ​ស្លាប់ ម្នាក់ទៀត​រងរបួស​ធ្ងន់ ​

បន្ទាយមានជ័យ ៖ កាលពី​វេលា​ម៉ោង ១៧​និង​៥០​នាទី​យប់​ទី​១៩ ខែវិច្ឆិកា ឆ្នាំ​២០១៤ លើ​កំណាត់​ផ្លូវជាតិ​លេខ​៥ ត្រង់ចំនុច​ភូមិ​សាលា ដែង ឃុំ​ឫស្សី​ក្រោក ស្រុក​មង្គល​បូរី ខេត្តបន្ទាយមានជ័យ​។​
​ជនរងគ្រោះ​ម្នាក់ បែកក្បាល​ធ្លាយ​ខួរ ស្លាប់​ក្រោម​កង់ រថយន្ត​និង​ជនរងគ្រោះ ម្នាក់ទៀត រងរបួស​ធ្ងន់ ត្រូវបាន​គេ​បញ្ជូន ទៅ​សង្គ្រោះ​នៅ​មន្ទីរពេទ្យ ក្នុង​ហេតុការណ៍ គ្រោះ​ចរាចរណ៍​ដ៏​គួរ ឲ្យ​រន្ធត់ ដោយសារតែ​អ្នកបើកបរ​ម៉ូតូ​កង់​បី ឡើង​ជែង​រថយន្ត ក្នុង​សណ្ឋាន​ភាព គ្រោះថ្នាក់ ខ្វះ​ការប្រុងប្រយ័ត្ន ត្រូវបាន​ម៉ូតូ​ច្រាស់ ទិស​បុក​ចំ​ធុង រឺ​ម៉ក ធ្វើ​ឲ្យ​តៃកុង​ម៉ូតូ​កង់​បី ខ្ទាតចូល​កង់ រថយន្ត​ខាងក្រោយ​កិន​ស្លាប់ ចំណែក​អ្នកបើកបរ​រថយន្ត គេចខ្លួន​បាត់ស្រមោល ។​
​នៅមុន​ពេល កើតហេតុ​គេ​បាន ឃើញ ឈ្មោះ​សារ៉ាត់ ភេទ​ប្រុស អាយុ​៤៩ ឆ្នាំ រស់នៅ ភូមិ ៤ សង្កាត់​ព្រះ​ពន្លា​ក្រុង​សិរីសោភ័ណ ខេត្ត​បន្ទាយ មានជ័យ  បាន​បើកបរ​ម៉ូតូ​កង់​បី ម៉ាក​ហុងដា ធុន​១២៥ ស៊េរី​ឆ្នាំ​២០១០​ពណ៌ ខ្មៅ លេខ​តួ​និង​លេខ​ម៉ា​ស៊ិន 85113ID ពាក់​ស្លាក​លេខ ប​.​មានជ័យ 1E 0779 បើកបរ​ក្នុងទិសដៅ​ពី​កើ​តទៅ​លិច មកដល់​ចំ​ចំណុច កើតហេតុ បាន​បន្ថែម​ល្បឿន​ឡើង ជែងរ​ថយ​ន​ក្នុងស្ថានភាព​គ្រោះ ថ្នាក់​ដោយ​ខ្វះ​ការប្រុងប្រយ័ត្ន បណ្តាល​ឲ្យ​ម៉ូតូ មួយគ្រឿង​ទៀត​ម៉ាក​ហុងដា សេ​១១០​ស៊េរី​ឆ្នាំ​២០១២ ពណ៌​ខ្មៅ លេខ​តួ​និង​លេខ​ម៉ាស៊ីន 8016477 ពាក់​ស្លាក​លេខ 1BQ 2213 បើកបរ​ដោយ ឈ្មោះ​ទុំ​តារា ភេទ​ប្រុស អាយុ​២២​ឆ្នាំ រស់នៅ​ភូមិ ភូមិ​និង​ឃុំ​គយ​ម៉ែង ស្រុក​មង្គល​បូរី ខេត្តបន្ទាយមានជ័យ ក្នុងទិសដៅ​ពី​លិចទៅ​កើត (​ច្រាស់ ទិស​គ្នា​) បណ្តាល​ឲ្យ​ម៉ូតូ​ហុងដា​សេ​១១០ ស៊េរី​ឆ្នាំ​២០១២ បុក​ចំ​ទ្រុង​ម៉ូតូ​កង់​បី​ហើយ ខ្ទាត ឈ្មោះ​សា រ៉ាត់ ជា​អ្នកបើកបរ​ម៉ូតូ​កង់​បី ចូលទៅ​ក្រោម​កង់​ខាងក្រោយ រថយន្ត ស្លាប់​ភ្លាមៗ​នៅ​កន្លែងកើតហេតុ  ចំណែក​ឈ្មោះ ទុំ​តារា អ្នកបើកបរ​ម៉ូតូ​ហុងដា​សេ​១១០ រងរបួស​ធ្ងន់ ត្រូវបាន​គេ​ដឹក​ទៅ​សំរាក​ព្យាបាល នៅ​មន្ទី​ពេទ្យ​បង្អែក មិត្តភាព កម្ពុជា​-​ជប៉ុន ស្រុក​មង្គល​បូរី  ។​ក្រោយ​កើតហេតុ អ្នកបើកបរ​រថយន្ត ចុះ​ពី​រថយន្ត គេចខ្លួន​បាត់ស្រមោល ៕
88 15

Copyright © 2010-2021 · អរិយធម៌ · All Rights Reserved.
Develop by Sek Sathya