ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » ក្រសួងសុខា​ភិបាល៖ អំពាវនាវ​ឱ្យប្រជាពល​រដ្ឋកម្ពុជា​ប្រុង​ប្រយ័ត្នពីវីរុសគ្រុនផ្តាសាយបក្សីH5H1 ថ្មី

ក្រសួងសុខា​ភិបាល៖ អំពាវនាវ​ឱ្យប្រជាពល​រដ្ឋកម្ពុជា​ប្រុង​ប្រយ័ត្នពីវីរុសគ្រុនផ្តាសាយបក្សីH5H1 ថ្មី

ក្រសួងសុខាភិបាលនិង​អង្គការ​សុខភាព​​ពិភពលោក បានចេញ​​សេចក្ដីប្រកាស​ព័ត៌មាន​រួមគ្នាមួយនៅថ្ងៃទី ១៣ សីហា នេះ ​ស្ដីអំពី​ការរកឃើញ​ករណី​ជំងឺផ្ដាសាយបក្សី ចំនួន២ ករណី​ថ្មី​ទៀតៗដែល​ត្រូវបាន​ដែល​វីរុស​​ផ្ដាសាយ​បក្សីH5N1 ហើយ​ជា​ករណី​ទី១៥ និង១៦នៅក្នុង​ឆ្នាំ២០១៣ និង​ជា​ករណី​ទី៣៦ និង​ទី៣៧ដែល​បាន​ឆ្លង​វីរុស​នេះ។

 លោក ម៉ម ប៊ុនហេងរដ្ឋមន្ត្រី​ក្រសួងសុខាភិបាល​មានប្រសាសន៍ក្នុងសេចក្តីប្រកាស របស់ខ្លួនថា«ជំងឺផ្ដាសាយបក្សីH5N1នៅតែ​បន្ត​គំរាម​គំហែង​ដល់​សុខភាព​ប្រជាពលរដ្ឋ​កម្ពុជា និង​កើតមាន​ច្រើន​លើ​កុមារ។នេះ​ជា​ករណី​ទី១៥ និង១៦ហើយ​ដែល​បានកើត​លើ​មនុស្ស ក្នុង​ដើម​ឆ្នាំនេះ»។

លោក​បន្តថា៖«ជានិច្ច​ជា​កាលកុមារ​តែ​តែ​ជា​អ្នកមើល​ថែទាំ​និង​ឲ្យ​ចំណី​ប​សុ​បក្សី​ក្នុងស្រុកនិង​ជា​អ្នកប្រមូល​ស៊ុតមាន់​ទា ជាពិសេស​កុមារ​អាច​ប៉ះពាល់ជិតស្និត​ជាមួយ​បក្សីដោយសារតែ​ពួកគេ​ចាត់ទុក​វា​ដូចជា​សត្វ​ដែល​ចិញ្ចឹម​លេងនិង​មាន​មាន​ភាព​ងាយ​រងគ្រោះ​ច្រើននិង​ហានិភ័យ​ខ្ពស់​ព្រោះ​ពួកគេ​ចូលចិត្ត​លេង​កន្លែង​ដែលមាន​បក្សី​នោះ»។

លោក​រដ្ឋមន្ត្រី​ក៏​បានក្រើន​រំឮកដល់ ឪពុកម្ដាយនិង​អ្នក​ថែទាំ​កុមារ​ទាំងអស់ត្រូវដាក់​កុមារ​នៅ​ឲ្យ​ឆ្ងាយ​ពីស​ត្វ​បក្សី​ដែល​ឈឺ​ឬ​ងាប់និង​ព្យាយាម​ឲ្យ​កុមារ​លេង​នៅ​ឆ្ងាយ​ពី​មាន់​ទា។ហើយ​ឪពុកម្ដាយ​ទាំងអស់​ត្រូវ​ប្រាកដថាកុមារ​បាន​លាងដៃ​ជាមួយ​សាប៊ូ​បន្ទាប់ពី​ប៉ះ​ជាមួយ​ប​សុ​បក្សីប្រសិនបើ​ពួកគេ​មាន​ដកដង្ហើម​ញាប់ ឬ​ពិបាក​ដកដង្ហើមត្រូវ​នាំ​កុមារ​ទៅរក​ការព្យាបាល​ជាបន្ទាន់ នៅ​មណ្ឌល​សុខភាព​ដែល​ជិត​បំផុតហើយ​ត្រូវ​រាយការណ៍​ប្រាប់​មន្ត្រី​សុខាភិបាលអំពី​ប្រវត្តិ​ប៉ះពាល់​ជាមួយ​សត្វ​បក្សី​ឈឺ​ឬ​ងាប់។

ទន្ទឹមនឹងនោះដែរ មន្ត្រីប្រធាននាយកដ្ឋានប្រយុទ្ធប្រឆាំង នឹងជំងឺឆ្លងនៃក្រសួងសុខាភិ បាល គឺលោកវេជ្ជបណ្ឌិត សុខ ទូច បានថ្លែងឲ្យដឹងថា កុមារ ពីរនាក់ទៀតហើយ បានឆ្លងជំងឺផ្តាសាយបក្សី H5N1។ កុមារីម្នាក់ អាយុ ៥ ឆ្នាំ នៅស្រុកស្អាង ខេត្តកណ្តាល និងកុមារាម្នាក់ទៀត អាយុ ៩ ឆ្នាំ នៅខេត្តបាត់ដំបង។ កុមារទាំងពីរ កំពុងត្រូវបានសង្គ្រោះបន្ទាន់ នៅមន្ទីរពេទ្យគន្ធបុប្ផា នៅភ្នំពេញ និងនៅខេត្តសៀមរាប។

លោកវេជ្ជបណ្ឌិត សុខ ទូច បានបញ្ជាក់ឲ្យដឹងថា កុមារទាំងពីរនាក់ ត្រូវបានគ្រូពេទ្យ ជំនាញ រកឃើញថា មានផ្ទុកជំងឺផ្តាសាយបក្សី H5N1 កាលពីថ្ងៃទី៩ និងថ្ងៃទី១០ ខែសីហា ឆ្នាំ២០១៣ តាមរយៈការបញ្ជាក់ពីវិទ្យាស្ថានប៉ាស្ទ័រ។ មកដល់ព្រឹកថ្ងៃទី១៣ សីហានេះ ស្ថានភាពជំងឺរបស់កុមារទាំងពីរ កំពុងស្ថិតក្នុងគ្រោះថ្នាក់នៅឡើយ។

លោកវេជ្ជបណ្ឌិត បានបន្តថា ក្រុមគ្រូពេទ្យកំពុងតាមដានស្ថានភាពជំងឺកុមារទាំងពីរ ព្រមទាំងចុះទៅកាន់ផ្ទះរបស់កុមាររងគ្រោះ ដើម្បីពិនិត្យ និងយកសំណាកនានាពីមាន់ ទា យកទៅវិភាគ។ មាន់ទា ជាភ្នាក់ងារចម្លងមេរោគជំងឺផ្តាសាយបក្សី H5N1 មកកាន់មនុស្ស។         កាលពីថ្ងៃទី១២ កក្កដា កន្លងទៅនេះ កុមារាម្នាក់អាយុ ៣ ឆ្នាំ ដែលមានទីលំនៅក្នុងភូមិបល្ល័ង្កឃុំកន្សោមអក ស្រុកកំពង់ត្របែក ខេត្តព្រៃវែង កើតជំងឺនេះ។ នោះគឺជាករណីទី១៤ ដែលបានកើតឡើងនៅឆ្នាំនេះ បើគិតនឹងករណីថ្មីនេះ គឺជាករណីទី១៥ ហើយក្នុងឆ្នាំនេះ និងជាករណីទី៣៦ នៃការឆ្លងវីរុសជំងឺផ្តាសាយបក្សីនៅកម្ពុជា និងបានសម្លាប់ជីវិតមនុស្ស ២៨ នាក់។

រាជរដ្ឋាភិបាលកម្ពុជា ក៏ធ្លាប់បានបង្កើតសារជាច្រើនដើម្បីបង្កើនការយល់ដឹងដល់ប្រជា ពលរដ្ឋ និងទប់ស្កាត់ការរីក រាលដាល នៃជំងឺ H5N1  រួមមាន៖ លាងដៃឲ្យបានញឹកញាប់, ដាក់កុមារនៅ ឆ្ងាយពីសត្វបក្សី, ដាក់សត្វបក្សីនៅឲ្យ ឆ្ងាយពីកន្លែងរស់នៅ, កុំបរិភោគ សត្វបក្សីឈឺឬងាប់ និងរាល់សត្វបក្សីដែលធ្វើសម្រាប់បរិភោគ ត្រូវចម្អិនឲ្យឆ្អិនល្អ។

ប្រសិនបើលោកអ្នកមានការសង្ស័យទៅលើកូនឬប្រជាពលរដ្ឋក្នុងសហគមន៍ មាន សង្ស័យថាកើតជំងឺផ្តាសាយ បក្សី លោកអ្នកអាចទាក់ទងទូរស័ព្ទទៅកាន់ ១១៥ ឥតគិតថ្លៃឬទូរស័ព្ទលេខ ០១២ ៤៨៨៩៨១/ ០៨៩ ៦៦៩ ៥៦៧ ដើម្បីទទួលបានការ ប្រឹក្សាបន្ទាន់ពីមន្រ្តីជំនាញ៕

ដោយៈ សេរីមករា

 

Copyright © 2010-2021 · អរិយធម៌ · All Rights Reserved.
Develop by Sek Sathya