ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » ​សន្លប់​ជាង​១០០​នាក់ នៅ​រោងចក្រ ផ្កាឈូក​(GPH)

​សន្លប់​ជាង​១០០​នាក់ នៅ​រោងចក្រ ផ្កាឈូក​(GPH)

​ភ្នំពេញ​៖ នៅ​ព្រឹក​ថ្ងៃ​អង្គារ នេះ កម្មករ​ជាង​១០០​នាក់ បាន​ដួលសន្លប់ ដោយសារ​ការផ្ទុះ​ធ្លាយ​សារធាតុ​គីមី​នៅក្នុង នៅ​រោងចក្រ​ផ្កាឈូក ហៅ​រោងចក្រ GPH ក្នុង​ខណ្ឌ​ពោធិ៍​សែន​ជ័យ​ជាយ​រាជធានី​ភ្នំពេញ ។​
​កម្មករ​ម្នា​ក់នៅ​រោងចក្រ​ផ្កាឈូក សុំ​មិន​បញ្ជាក់​អត្តសញ្ញាណ​ឲ្យ​ដឹងថា នៅ​ម៉ោង​៨​ព្រឹក​ថ្ងៃ​អង្គារ ទី​១៨ ខែវិច្ឆិកា​នេះ មានការ​ផ្ទុះ​សារធាតុ​គីមី នៅក្នុង​អគារ​ទី​៣​នៃ​រោងចក្រ ទើប​បណ្ដាល​ឲ្យ​កម្មករ​ជាង​១០០​នាក់​សន្លប់​។​
​ប្រភព​ដដែល​ឲ្យ​ដឹងថា ភ្លាមៗ​អ្នកគ្រប់គ្រង​រោងចក្រ​បាន​បញ្ជូន​កម្មក​រ​ដួលសន្លប់​ទៅកាន់ មន្ទីរពេទ្យ ចំណែក​កម្មករ​ផ្សេងទៀត ត្រូវបាន​អនុញ្ញាត​ឲ្យ​ឈប់សម្រាក ហើយ​រោងចក្រ​ក៏បាន​បិទទ្វារ​ផងដែរ​។ ទោះយ៉ាងណា​ប្រភព​មិនបាន​បញ្ជាក់ថា តើ​កម្មករ​ដួលសន្លប់​ទាំងនោះ​ត្រូវបាន​បញ្ជូនទៅ​ព្យាបាល​នៅ​មន្ទីរពេទ្យ​ណា ទេ​។​
​ប្រធាន​សហជីព​ចលនា​កម្មករ លោក ប៉ាវ ស៊ីណា បានអោយដឹងថា ក្រោយពេល​ទទួល​ន​ព័ត៌មាន​នេះ លោក​បាន​ចុះ​ទៅដល់​រោងចក្រ​នោះ​។ លោក​ថា ពេល​លោក​ទៅដល់​ទីនោះ​រោងចក្រ​ផ្កាឈូក​បាន​បិទទ្វារ​ទៅហើយ ហើយក៏​មិនឃើញ​មាន​ឡានពេទ្យ​ដឹកជញ្ជូន​កម្មករ​សន្លប់​ដែរ​។ លោក​បន្តថា តាម​ការសាកសួរ​កម្ម​ករ​នៅ​រោងចក្រ​នោះ​ឲ្យ​ដឹងថា ពិតជា​មានការ​ផ្ទុះ​សារធាតុ​គីមី​បណ្ដាល​ឲ្យ​កម្មករ​ដួលសន្លប់​មែន ប៉ុន្តែ​ពួកគេ​មិនដឹងថា តើ​កម្មករ​ទាំងនោះ​ត្រូវបាន​ដឹក​ទៅ​ព្យាបាល​នៅ​មន្ទីរពេទ្យ​ណា​ទេ​។ លោក ប៉ាវ ស៊ីណា បន្ថែមថា នេះ​ជា​រឿង​ដ៏​អាថ៌កំបាំង និង​គួរ​ឲ្យ​ឆ្ងល់​។​
​អភិបាលខណ្ឌ​ពោធិ៍​សែន​ជ័យ លោក​ហែម ដា​រិ​ទ្ធិ មានប្រសាសន៍ថា លោក​បានទទួល​ព័ត៌មាន​នោះដែរ ប៉ុន្តែ​លោក​មិនបាន​ចុះទៅ​ដល់​រោងចក្រ​នោះ​ផ្ទាល់​ទេ​។ លោក​បញ្ជាក់ថា តាម​ព័ត៌មាន​ដែល​លោក​ទទួលបាន មានកម្ម​ករ​ជាង​១០០​នាក់​បាន​ដួលសន្លប់​នៅ​ព្រឹក​មិញ​នេះ​។​
​ទាក់ទង​នឹង​ការដួលសន្លប់​នេះ​អរិយធម៌​មិនអាច​ទាក់ទង​អ្នកគ្រប់គ្រង​រោងចក្រ​ផ្កាឈូក ដើម្បី​សុំ​ការអធិប្បាយ​ជុំវិញ​ករណី​ផ្ទុះ​សារធាតុ​គីមី​នេះ​បាន​នៅឡើយ​ទេ​ ៕

 

Copyright © 2010-2021 · អរិយធម៌ · All Rights Reserved.
Develop by Sek Sathya