ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» Breaking News, ព័ត៌មានជាតិ » ក្រសួង​មហាផ្ទៃ​ត្រូវអូសក លោក​ផ្កាយ១​បញ្ចូលគុក

ក្រសួង​មហាផ្ទៃ​ត្រូវអូសក លោក​ផ្កាយ១​បញ្ចូលគុក

បន្ទាយមានជ័យ៖ សាធារណជនជាច្រើនបាននាំគ្នារិះគន់លោក ចៃ ស៊ុងជាប៉ូលិស ពាក់ផ្កាយ១លើស្មាដែលគួរ ឱ្យគោរព តែបែរជាប្រើអាកប្បកិរិយាចរិត និងមារយាទ មិនថ្លៃថ្នូរ ដោយ​យកកាំភ្លើងដ៏ទំនើបរបស់ខ្លួន​ម៉ាក​ឡុកវាយ ក្បាលប្រជាពល រដ្ឋអោយ រងរបួសកាលពីថ្ងៃទី៦ សីហា ២០១៣ នៅភូមិគោកស្វាយ ឃុំឬស្សីក្រោក ស្រុក មង្គលបុរី ខេត្តបន្ទាយមានជ័យ។ ក្រោយពីវាយមនុស្សដែលមិនដឹងរឿងរួចមក លោកផ្កាយ១មិន សូវថ្លៃថ្នូរ រូបនោះបានបើកឡានឡិចស៊ីសរត់មកដល់មុខប៉េអឹម ស្រុកមង្គលបុរី ក៏ចតឡានចោល ហើយរត់គេចខ្លួន បាត់ទៅ។

ត្រង់ករណីដកកាំភ្លើងវាយក្បាលបុរសឈ្មោះ នាម ចាន់សុភក្រ័ អាយុ៣២ឆ្នាំ ហើយរត់ ដោយ​មិន​ទទួលខុសត្រូវនេះ ត្រូវបានសាធារណជនចង់អោយក្រសួងមហាផ្ទៃ អូសកជនអគតិនេះយកបញ្ចូល​គុកផង ដើម្បីទុកជាការព្រមានដល់ ផ្កាយ១ដទៃទៀត កុំអោយយកគំរូតាម។ គេនិយាយថា បើអគ្គ​ស្នង​ការ​នគរបាលជាតិចង់ចាប់លោកផ្កាយ១ ថៃ ស៊ុង មិនជាលំបាកទេ គឺស្រួលដូចបកចេកទុំអីចឹង ព្រោះគាត់មានអង្គភាពត្រឹមត្រូវ និងឃាត់បានឡាន ឡិចស៊ីស ពាក់ស្លាកលេខ ភ្នំពេញ2L.8565ទុកជាភស្តុតាំងស្រាប់។ ប៉ុន្តែអ្វីដែលលំបាកនោះ គឺក្រសួង មហាផ្ទៃចង់ចាប់មន្ត្រីរបស់ខ្លួន ឬអត់នោះទេ បើចង់គឺលឿន បើមិនចង់ទេ គឺដូចអូសឬស្សីច្រាសចុងអីចឹង ជួនកាលអាចធ្វើជា ភ្លេចក៏មានដែរSic។

ប្រភពបានអោយដឹងថា មុនពេលកើតហេតុជនរងគ្រោះបានទៅផឹកស៊ីនៅក្នុងហាងគោ ដុត អង្រ្កងនៅ ជាប់ផ្លូវរថភ្លើងឆ្ងាយពីផ្ទះរបស់ខ្លួនប្រមាណ១គីឡូម៉ែត្រ។ ពេលផឹកនោះ លោកផ្កាយ១​ និងបក្សពួកក៏ផឹក នៅក្នុងហាងនោះដែរ តែគ្មានទំនាស់អ្វីនឹងគ្នាទេ។ ស្រាប់តែជនរងគ្រោះមកដល់ផ្ទះ លោកផ្កាយ១​បាន​អោយឈ្មោះ អ៊ុល ឌុបមក ហើយវាយលើជនរងគ្រោះតែម្តង។ លុះដល់ឆោឡោក៏ជិះម៉ូតូរត់ទៅយកឡាន រួច ជិះឡានរត់ តែរត់មិនរួចត្រូវប៉េអឹមឃាត់បានឡាន តែម្ចាស់វារត់រួចខ្លួន។

ជនរងគ្រោះបានអះអាងថា «លោក ថៃ ស៊ុងជាប៉ូលិសពាក់ផ្កាយ១នៅក្រសួងមហាផ្ទៃ ហើយគាត់ជា មេឈ្មួញឈើគ្រញូងពីទឹកដីថៃ មកស្រុកខ្មែរ ដ៏ធំម្នាក់ផងដែរ ព្រោះ គេធ្លាប់ធ្វើការអោយលោកផ្កាយ១នោះ»។

ការជិះម៉ូតូកាន់កាំភ្លើងសំញែងចេញពីហាងទៅវាយជនរងគ្រោះដល់ផ្ទះនេះ ត្រូវបាន គេនិយាយ ថា មកពី​លោកផ្កាយ១ចង់សំដែងរិទ្ធអោយគេខ្លបខ្លាចថា​ ខ្លួនខ្លាំងម៉ាខេត្ត បន្ទាយមានជ័យ ចង់វាយ ចង់ បាញ់​នរណាក៏គ្មានរណាហ៊ាន ចាប់គេដែរ Sic។ ដូច្នោះបើសិនមិនចង់ឱ្យ​ខូចពូជប៉ូលិស សូមក្រសួងមហាផ្ទៃ វែកមុខចាប់ខ្លួន អោយបាន លឿន ជៀសវាងគេរិះគន់ថា «ចាប់បានតែគ្នាគេ រីឯគ្នាឯងមិនចាប់នោះSic។

ប៉ុន្តែទោះជាយ៉ាងណាក្តី ក៏នៅមិនទាន់មានព័ត៌មានផ្លូវការណាមួយចេញពីសមត្ថកិច្ចថា «លោក ថៃ ស៊ុង ជាប៉ូលិសផ្កាយ១នៃក្រសួងមហាផ្ទៃនោះទេ» ហើយជុំវិញករណីនេះ កាសែតអរិយធម៌មិន​អាច​ទំនាក់ទំនងសុំ ការពន្យល់ពីអ្នកនាំពាក្យក្រសួងមហា ផ្ទៃបានឡើយ៕

ដោយៈ សម្បត្តិ សីហា

Copyright © 2010-2021 · អរិយធម៌ · All Rights Reserved.
Develop by Sek Sathya