ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » នាយ វីតាមីន​សេ ចូល​មន្ទីរពេទ្យ​សង្គ្រោះបន្ទាន់

នាយ វីតាមីន​សេ ចូល​មន្ទីរពេទ្យ​សង្គ្រោះបន្ទាន់

​ភ្នំពេញ  ៖ តារា​កំប្លែង​ជើងចាស់​លោក ម៉ៅ សាមឿន ហៅ នាយ​វីតាមីន​សេ ត្រូវបាន​ក្រុមគ្រួសារ​បញ្ជូនទៅ​សង្គ្រោះ​នៅ​មន្ទីរពេទ្យ​ជាបន្ទាន់ កាលពី​ល្ងាច​ថ្ងៃទី​១៦ ខែវិច្ឆិកា ឆ្នាំ​២០១៤ បន្ទាប់ពី​តារា​កំប្លែង​រូបនេះ​រាគ​និង​ក្អួតចង្អោរ​ខ្លាំង​ដោយសារ​ពុល ចំណីអាហារ​។ ទោះជា​យ៉ាងណា​ពេលនេះ​ស្ថានភាព​ជំងឺ​របស់​តារា​កំប្លែង​រូបនេះ​បាន​ធូរ ស្បើយ​បន្តិច​ហើយ​ប៉ុន្តែ​នៅតែ​បន្ត​សម្រាក​ព្យា​ល​បាល​នៅ​មន្ទីរពេទ្យ​នៅឡើយ ។​

 
​នាង ប៉េង ប៉ោង ដែលជា​កូនស្រី នាយ​វីតាមីន​សេ ដែល​បានបញ្ជាក់​កាលពី​ល្ងាចម្សិលមិញ​នេះ “​គាត់ អាច​នឹង​បន្ត​សម្រាក​ព្យាបាល​ជំងឺ​បន្ត​នៅ​មន្ទីរពេទ្យ​ដើម្បី​ពិនិត្យ តាមដាន​សុខភាព​ព្រោះ​គាត់​មាន​ជំងឺ​ប្រចាំកាយ​ជាច្រើន​មុខ​ដូចជា​លើ​ល ឈាម​ទឹកនោមផ្អែម និង​ជំងឺ​សន្លាក់​ស្រាប់​ផង​” ។
​តារា​កំប្លែង​ស្រី​រូបនេះ​បន្តទៀតថា មូលហេតុ​ដែល​នាំ​ឲ្យ​បញ្ជូន​ឪពុក មក​មន្ទីរពេទ្យ​មួយ​ជិត​វិទ្យាល័យ​សន្ធរម៉ុក​ភ្លាមៗ គឺ​ដោយសារតែ​ពុល​ចំណីអាហារ​ដែល​នៅ​មិនទាន់​ដឹង​ប្រាកដ​នៅឡើយ​ទេ​ថា តើ​ពុល​ចំណី​ណាមួយ ខណៈដែល​ពី​ល្ងាច​ថ្ងៃអាទិត្យ​នោះ​ឪពុក​នាង​ទទួលទាន​អាហារ​ជាច្រើន​ប្រភេទ​។ នាង​បន្ថែមថា ពេលនេះ​ស្ថានភាព​ជំងឺ​របស់​ឪពុក​នាង​បាន​ធូរស្បើយ​បន្តិច​ហើយ​បន្ទាប់ ពី​សម្រាក​ព្យាបាល ប៉ុន្តែ​គាត់​នៅតែ​គ្មាន​កម្លាំង​ល្ហិតល្ហៃ ។ នាង​បញ្ជាក់ដែរថា​យោងតាម​វេជ្ជបណ្ឌិត​ថា ឪពុក​នាង​នឹងត្រូវ​បន្ត សម្រាក​ពី​បី​ទៅ​៧​ថ្ងៃ​នឹង​ស្ថិតក្រោម​ការតាមដាន​យ៉ាង​ដិតដល់​ហ្មត់ចត់ ព្រោះតែ​ឪពុក​នាង​មាន​ជំងឺ​ច្រើន ។​

 
​នាង បញ្ជាក់ដែរថា ដើមឡើយ​គឺ​នាង​និង​ក្រុមគ្រួសារ​មានការ​ព្រួយបារម្ភ​ខ្លាំង​ព្រោះតែ ខ្លាច​ជំងឺ​ចាស់​ឪពុក គឺ​ជំងឺ​ប្រព័ន្ធ​ប្រសាទ​រើ​ឡើងវិញ​ដែលមាន​អាកា​រៈ​ដូចគ្នា​បេះបិទ ប៉ុន្តែ​ក្រោយ​បានមក​កាន់​មន្ទីរពេទ្យ​ទើប​ដឹងថា​មិនមែនជា​ជំងឺ​ចាស់ នោះទេ ។

 
​នាង  ប៉េង ប៉ោង បញ្ជាក់ដែរថា ពេលនេះ​ជំងឺ​របស់​ឪពុក​នាង​ហាក់​មិន​ជះឥទ្ធិពល​ធ្ងន់ធ្ងរ​ដល់​ការងារ សិល្បៈ​ឡើយ ខណៈដែល​ការសម្តែង​ជាប្រចាំ​របស់​ឪពុក គឺ​នៅ​រៀងរាល់ថ្ងៃ​អាទិត្យ​នៅ​ទូរទស្សន៍​បាយ័ន ហើយ​នាង​រំពឹងថា ស្ថានភាព​សុខភាព​ឪពុក​អាច​ប្រសើរ​ឡើងវិញ​ក្នុងពេល​ឆាប់ៗ និង​អាច​ចូល​បម្រើ​អារម្មណ៍​របស់​ទស្សនិកជន​ជា​បន្តទៀត ។ ជាមួយគ្នានេះ​នាង​ក៏បាន​ថ្លែង​នូវ​អំណរគុណ​ចំពោះ​បងប្អូន មិត្ត​ភ​ក្កិ​ដែល​បាន​ផ្តល់នូវ​កម្លាំងកាយ​ចិត្ត​ដល់​ក្រុមគ្រួសារ​នាង  ហើយ​នាង​ក៏បាន​ធ្វើការ​ផ្តាំផ្ញើ​ឲ្យ​ប្រជាពលរដ្ឋ​ទាំងអស់​ប្រុង ប្រយ័ត្ន​ចំពោះ​ការទទួល​ទាន​ចំណីអាហារ​ផ្សេង ដើម្បី​ជៀសវាង​ការជះឥទ្ធិពល​មិនល្អ​សម្រាប់​សុខភាព ។

 
​គួរបញ្ជាក់​ផងដែរ​ថា នាយ វីតាមីន​សេ បច្ចុប្បន្ន​មាន​វ័យ​៦៧​ឆ្នាំ ហើយ​លោក​បាន​ចូល ប្រឡូក​ចូលក្នុង​ពិភព​សិល្បៈ  ផ្នែក​សម្ដែង​ល្ខោន សម្ដែង និង​ជាតា​រា​កំប្លែង តាំងពី​អាយុ​ជាង​១០​ឆ្នាំ ។ លោក​មាន​ស្រុកកំណើត​នៅ ភូមិ​កោង​កាង ឃុំ​កោង​កាង ស្រុក​ពញាក្រែក ខេត្ត កំពង់ចាម ។ លោក​រៀប​អាពាហ៍ពិពាហ៍​នៅ​ឆ្នាំ​១៩៧២ ជាមួយ​អ្នកស្រី លីវ ស៊ីថា បច្ចុប្បន្ន​ភរិយា​របស់លោក គឺជា​ស្ត្រី​មេផ្ទះ មាន​អាយុ ៦៥​ឆ្នាំ ។ លោក​មានកូន​ចំនួន ៥ នាក់​ប្រុស​២​នាក់ ស្រី​៣​នាក់ ។ ក្នុងចំណោម​កូន​ទាំង​៥​នាក់ របស់លោក គឺ​លោក​បាន​បណ្ដុះបណ្ដាល​ឲ្យ​ក្លាយជា​អ្នកសិល្បៈ​បាន​ម្នាក់ គឺ​អ្នកស្រី មឿ​ន និមល ហៅ​ប៉េងប៉ោង ៕
d

Copyright © 2010-2021 · អរិយធម៌ · All Rights Reserved.
Develop by Sek Sathya