ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានអន្តរជាតិ » អូ​បា​ម៉ា ៖ ការសម្លាប់​ចំណាប់ខ្មាំង ជនជាតិ​អាម៉េរិក ដោយ​ឧទ្ទាមIS

អូ​បា​ម៉ា ៖ ការសម្លាប់​ចំណាប់ខ្មាំង ជនជាតិ​អាម៉េរិក ដោយ​ឧទ្ទាមIS

​វ៉ាស៊ីនតោន ៖ កាល​ថ្ងៃអាទិត្យ ទី​១៦ ប្រធានាធិបតី អាម៉េរិក លោក បា​រ៉ា​ក់ អូ​បា​ម៉ា បាន​បញ្ជាក់ថា ចំណាប់ខ្មាំង​ជនជាតិ​អាម៉េរិក ឈ្មោះ ភី​ត​ធ័​រ កាស​ស៊ី​ក ត្រូវ​សម្លាប់ ដោយ​ក្រុម​ឧទ្ទាម​រដ្ឋ​ឥស្លាម (IS) ។​

​ទីភ្នាក់ងារ​ព័ត៌មាន​ចិន ស៊ិន​ហួ ចេញផ្សាយ នៅ​ថ្ងៃ​ចន្ទ ទី​១៧ ខែវិច្ឆិកា ឆ្នាំ​២០១៤ ដោយ​ផ្អែក​តាម​សេចក្តីថ្លែងការណ៍ ដែល​ចេញ​ដោយ​សេត​វិមាន​អាម៉េរិក​ថា « លោក កាស​ស៊ី​ក គឺជា​ក្រុមការងារ ផ្នែក​ផ្តល់ជំនួយ​របស់​អាម៉េរិក គាត់​ត្រូវ បាន​គេ​ចាប់ខ្លួន​ដោយ​ពួក​សភាវៈ​អាក្រក់ គឺ​ក្រុម​ភេរ​វករ ដែល​ពិភពលោក​ទាំងមូល អះអាងថា ជា​ទង្វើ​អមនុស្សធម៌​»​។​

 
​នៅក្នុង​វីដេអូ ដែល​បាន​បង្ហោះ នៅក្នុង​បណ្តាញ​ទំនាក់ទំនង​សង្គម គឺមាន​ឧទ្ទាម​ឈុតខ្មៅ​បិទមុខ​ម្នាក់ ឈរ​នៅ​ជិត ក្បាលមនុស្ស​មួយចំនួន ហើយ​បាន​និយាយថា នេះ​ជា​ក្បាល​របស់ កាស​ស៊ិ​ក​។ នៅក្នុង​វីដេអូ​នោះ ក៏បាន​បង្ហាញ​អំពី សកម្មភាព​កាត់​ក្បាល​ទាហាន​ស៊ី​រី​ជាច្រើន​នាក់​ទៀត ដែល​ពួកគេ​ចាប់បាន​ផងដែរ ។​

​ករណីនេះ លោក អូ​បា​ម៉ា បាន​និយាយថា «​ថ្ងៃនេះ​យើង​សូម​អធិដ្ឋាន និង​សូម​រំលែក​ទុក្ខ​ដល់​ឪពុកម្តាយ និង​ក្រុមគ្រួសារ​របស់លោក អាប់​ឌុល រ៉ា​ម៉ាន់ កាស​ស៊ិ​ក និង​ត្រូវបាន​គេ​ស្គាល់ឈ្មោះ​មួយ​ទៀតថា ភី​ត​ធ័​រ ។ យើង​មិន អាច​ចាប់ផ្តើម​ស្រមៃ អំពី​ការព្រួយបារម្ភ​ទុក្ខសោក​របស់​ពួកគេ សម្រាប់​ពេលវេលា​ដ៏​ឈឺចាប់​នេះ​បានទេ​»​។

​ប្រធានាធិបតី អាម៉េរិក​រូបនេះ ក៏បាន​កោតសរសើរ​ដ​ល់​លោក កាស​ស៊ិ​ក ចំពោះ​ការងារ​មនុស្សធម៌ ដើម្បី​សង្គ្រោះ​អាយុ ជីវិត​ពលរដ្ឋ​ស៊ី​រី ដែល​រងរបួស និង​រត់គេច​ពី​ជម្លោះ​។ ទង្វើ​មនុស្សធម៌​របស់គាត់ គឺជា​ការយកចិត្តទុកដាក់​ខ្លាំង ចំពោះ ស្ថានការណ៍​របស់​ប្រជាជន​ស៊ី​រី ៕ff

Copyright © 2010-2021 · អរិយធម៌ · All Rights Reserved.
Develop by Sek Sathya