ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » លោកប៉ា សុជាតិ​វង្ស ចុះ​ពិនិត្យ​ប្រឡាយ​លូ​ប្រាំ ខណៈ​អ្នកមាន​លុយ​រំលោភ​យក​ធ្វើ​ផ្ទះល្វែង​ ​

លោកប៉ា សុជាតិ​វង្ស ចុះ​ពិនិត្យ​ប្រឡាយ​លូ​ប្រាំ ខណៈ​អ្នកមាន​លុយ​រំលោភ​យក​ធ្វើ​ផ្ទះល្វែង​ ​

ភ្នំពេញ​:៖ អភិបាល​រាជធានី​ភ្នំពេញ​លោកប៉ា សុជាតិ​វង្ស  បាន​ចុះ​ត្រួត​ពិនិត្យមើល​ប្រឡាយ​លូ​ប្រាំ នៅ​សង្កាត់​ស្ទឹងមានជ័យ ខណ្ឌមានជ័យ ដែលមាន​ឈ្មោះ ហុង ឡាយ បាន​រំលោភ​យក​ប្រឡាយ​លូ​ប្រាំ សង់ផ្ទះ​ល្វែង​។ លូ​ប្រាំ ដែលមាន​ទទឹង​ទំហំ​ទទឹង ២៥ ម៉ែត្រ បែរជា​មន្ទីរ​សាធារណការ បាន​សាង់សង់​លូ​បិទ​ជិត​ទំហំ​ទទឹង ៤ ម៉ែត្រ​ប៉ុណ្ណោះ ហើយ​ចាក់ដី​បិទ​ជិត​ពីលើ​លូ​បេតុង​នោះ ដើម្បី​យក​ចំណី​មាត់​ប្រឡាយ​លូ​ប្រាំ ធ្វើជា​ផ្ទះល្វែង​របស់លោក​ឧកញ៉ា អ្នកមាន​លុយ​ទៅវិញ​។​
​ទាក់ទង​នឹង​បញ្ហា​នេះ លោក ប៉ា សុជាតិ​វង្ស អភិបាល​រាជធានី​ភ្នំពេញ បាន​មានប្រសាសន៍ ដោយ​បទបញ្ជា​ផ្ទាល់មាត់ ថា គឺ​ត្រូវ​ផ្អាក​ជា​បណ្តោះអាសន្ន​ចំពោះ​ការសាងសង់​លូ​បិទ​ជិត នៅ​ប្រឡាយ​លូ​ប្រាំ​នេះ​សិន ចាំ​យក​ប្លង់​មក​មើល​។ លោក​អភិបាល​បាន​បន្តថា មើល​បញ្ហា​សំរាម ដែល​នៅក្នុង​ប្រឡាយ​នេះ ត្រូវ​ដោះស្រាយ និង​ស្តារឡើងវិញ​។​
​លោក​អភិបាល​បន្ថែមទៀតថា  ស្ថានភាព​អាក្រក់​បំផុត​បែបនេះ រឿង​អី​មក​ធ្វើ​អីចឹង យើង​កំពុង​ត្រូវការ​ប្រឡាយ​ធំ ហេតុ​អី​មក​ធ្វើ​អីចឹង​។ រឿងនេះ ត្រូវធ្វើ​ឡើងវិញ មិនត្រូវ​លូ​បិទ​ទេ ត្រូវធ្វើ​ចំហរ និង​ធ្វើ​ច្រាំង​ឲ្យ​បាន​ស្អាត​ត្រឹមត្រូវ​។ ចំណែក​អគារ​ផ្ទះល្វែង​របស់គាត់ ត្រឹមណា ឲ្យ​ធ្វើ​ត្រឹមនោះ​ទៅ ។​
​លោក​បន្តថា  ខ្ញុំ​មិន​អស់ចិត្ត នឹង​ជំនាញ​ដែល​សាងសង់​ប្រឡាយ​លូ​ប្រាំ​នេះ​។ ចេះតែ​ឲ្យ​យោបល់​ធ្វើ​អីចឹង គេ​ជេ​ងាប់​តែម្តង ។​
​ក្នុងពេល​នោះដែរ មន្ត្រី​ដែល​អមដំណើរ​ជាមួយ​លោក​អភិបាល បាន​រាយការណ៍​ប្រាប់ថា កាល​ពីមុខ​ប្រឡាយ​លូ​ប្រាំ​នេះ ទឹក​ហូរ​ចុះទៅ​ក្រោម ប៉ុន្តែ​ក្រោយពេល​អភិវឌ្ឍន៍​ធ្វើ​លូ​ប្រអប់​បិទ​ជិត​មក ស្រាប់តែ​ទឹកលូ​ប្រាំ បែរជា​ហូរ​បញ្ច្រាសទិស​មកលើ​វិញ ធ្វើ​ឲ្យ​ជន់​លិចលង់ និង​ស្អុយរលួយ ពោរពេញ​ទៅដោយ​សំរាម​។ មន្ត្រី​ជំនាញ បាន​រាយការណ៍​ប្រា​ប់លោក ប៉ា សុជាតិ​វង្ស បន្តទៀតថា ដី​របស់លោក ហុង ឡាយ  ដែល​សាងសង់​ផ្ទះល្វែង​ជាប់​ប្រឡាយ​លូ​ប្រាំ​នេះ គឺមាន​ច្បាប់​ត្រឹមត្រូវ​។ ចំណែក​នៅ​ចុង​ប្រឡាយ គឺ​បូរី​សូ​នី ក៏មាន​ច្បាប់​ដែរ ប៉ុន្តែ​ក្នុង​ច្បាប់​អនុញ្ញាត គឺ​ត្រូវបាន​កាត់​ទុក​តួ​ប្រឡាយ​លូ​ប្រាំ ក្នុង​ទំហំ​ទទឹង ២៥ ម៉ែត្រ​។​
​មន្ត្រី​បាន រាយការណ៍​ប្រាប់​លោក​អភិបាល​ទៀតថា លូ​ប្រាំ​ដែល​ចាក់​បេតុង​បិទ​ជិត​នោះ ក្នុង​បំណង​ធ្វើ​ផ្លូវ​។ ប៉ុន្តែ​ត្រូវបាន​លោក​អភិបាល ឆ្លើយតប​ថា “​ធ្វើបែបនេះ អត់​បានទេ គឺត្រូវធ្វើ​យ៉ាងណា ត្រូវ​រក្សា​តាម​ប្លង់ ដែល​នៅសល់​”​។​
​លោក​អភិបាល​បាន​បញ្ជា​ឲ្យ​ក្រុមមន្ត្រី​ជំនាញ ត្រូវតែ​ដោះស្រាយ​ធ្វើយ៉ាងណា ឲ្យ​ទឹក​វា​ហូរ​តាម​ដំណើរ​ដើរ​វិញ កុំ​ឲ្យ​ហូរ​បញ្ច្រាស​ដូច​ពេលនេះ​ទៀត​។ យើង​ត្រូវ​រក្សា​ប្រឡាយ​នេះ ២៥ ម៉ែត្រ​ដដែល ហើយ​នៅ​កន្លែង​ណា ដែលមាន​ទឹក​ហូរ​យឺត ត្រូវធ្វើ​ទ្វារ​ទឹក​មួយ ហើយ​ដាក់​ម៉ូ​ទ័​រ ជួយ​បូម​ឲ្យ​ទឹក​ហូរ​លឿន​។​
​មន្ត្រី​បាន រាយការណ៍​ថា ប្រឡាយ​លូ​ប្រាំ ដែលមាន​បញ្ហា​នេះ គឺ​គិត​ចាប់ពី​ចំណុច​លូ​ប្រាំ​ផ្លូវ​វេ​ង​ស្រេង រហូតដល់​បូរី​សូ​នី មាន​ចំងាយ​ប្រហែល​ជាង ៥០០ ម៉ែត្រ ហើយ​អ្នកមាន​លុយ​ជា​ម្ចាស់ផ្ទះ​ល្វែង​បាន​សុំច្បាប់ ហើយ​បានធ្វើ​លូ​បិទ​ជិត រួច​ចាក់ដី​ពីលើ​លូ​បេតុង ធ្វើជា​បូរី​តែម្តង​។ ម្ចាស់​បូរី បាន​សុំច្បាប់ គឺ​ធ្វើ​ពី​អ័ក្ស​លូ (​ផ្លូវ​វេ​ង​ស្រេង​) ចំងាយ​ជាង ២០០ ម៉ែត្រ ទទឹង ២៥ ម៉ែត្រ ប៉ុន្តែ​ដល់ពេល​សាងសង់​លូ​បេតុង បែរជា​ធ្វើ​តែ​ទទឹង ៤ ម៉ែត្រ​ប៉ុណ្ណោះ ដូច្នេះ​ពី ២៥ ម៉ែ​ត្រមក ៤ ម៉ែត្រ គឺ​លូ​តូច​ពេក ធ្វើ​ឲ្យ​ទឹក​ហូរ​អត់​ទាន់​។​
​លោក ប៉ា សុជាតិ​វង្ស បាន​បញ្ជាក់ថា លូ​នេះ ពី A ដល់ Z គឺ​ត្រូវជា​កញ្ចប់​តែម្តង មិនត្រូវ​ជា​កង់ៗ ដូច្នេះ​ទេ ដើម្បី​ធ្វើ​ឲ្យ​ទឹក​ហូរ​ទៅ​តែម្តង មិនត្រូវ​ឲ្យ​ទឹក​ហូរ​វិល​ចុះ​វិល​ឡើង ជន់​លិចលង់​ដូចនេះ​ទេ គឺ​ត្រូវតែ​ទម្លាយ​មុខទឹក​ឲ្យ​ទៅ​ផុត​ទៅ កុំ​ឲ្យ​ទឹក​ហូរ​មកវិញ​។ រឿងនេះ អស្ចារ្យ​ម៉​ងៗ​” ៕sewage_cen3-600x375areyathor2-600x359

Copyright © 2010-2021 · អរិយធម៌ · All Rights Reserved.
Develop by Sek Sathya