ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ពិតជាកក្រើកពេកហើយ រាជរដ្ឋាភិបាល កម្ពុជា ខិតខំប្រឹងប្រែងទប់ស្កាត់ កូវីត ១៩ តែមន្ត្រីថ្នាក់ក្រោមជាតិ ក្នុងខេត្តកំពង់ឆ្នាំង ឆ្លៀតឱកាសឲ្យជនខិលខូចទន្រ្ទានយកដីរដ្ឋ​  ||     អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||   

» ព័ត៌មានជាតិ » បង្ក្រាប​ក្រុមចោរប្លន់ ៤​នាក់ នៅខេត្ដ​ត្បូងឃ្មុំ​

បង្ក្រាប​ក្រុមចោរប្លន់ ៤​នាក់ នៅខេត្ដ​ត្បូងឃ្មុំ​

​ត្បូងឃ្មុំ ៖ នគរបាល​ខេត្ដ​ត្បូងឃ្មុំ សហការ​ជាមួយ កម្លាំង​នគរបាល មូលដ្ឋាន របស់​ស្រុក​មេមត់ និង​ស្រុក​ពញាក្រែក បាន​តាម​ប្រមាញ់ រហូត​ឈានទៅដល់​ការចាប់ខ្លួន ជនសង្ស័យ​៤​នាក់​ជា​បន្ដបន្ទាប់ ពាក់ព័ន្ធ​ទៅនឹង​សកម្មភាព​ប្លន់ ។​
​ស្នងការ​នគរបាល​ខេត្ដ​ត្បូងឃ្មុំ លោក ឧត្ដមសេនីយ៍​ម៉ៅ ពៅ ដែល​ដឹកនាំ​កម្លាំង នគរបាល​ដោយផ្ទាល់ ក្នុង​ប្រតិ​ប​ត្ដិ​ការ តាំងពី​យប់ រហូតមកដល់ រសៀល​ថ្ងៃទី​១៣ ខែវិច្ឆិកា ឆ្នាំ ២០១៤ ចាប់ខ្លួន ក្រុមចោរប្លន់​៤​នាក់ ជា​មុខសញ្ញា​ថ្មី​មួយ ក្រុម​ទៀត មិន​ជាប់​ពាក់ព័ន្ធ ករណី​ប្លន់​អ្នក លក់​មាស និង​ដូរ​លុយ នៅ​ជិត​ផ្សារ​ស្ទឹង ស្រុក​ពញាក្រែក កាលពីពេល​កន្លងទៅ​នោះ​ឡើយ ។​
​ក្រោយ​ការចាប់ខ្លួន ក្នុង​ប្រតិ​ប​ត្ដិ​ការតាំង ពី​យប់​ថ្ងៃទី​១២ រហូតមក ដល់ រសៀល​ថ្ងៃទី ១៣ ខែវិច្ឆិកា និង​ឆ្លងតាម​ការសាកសួរ​ជា ជំហាន​ដំបូង​នោះ ជនសង្ស័យ​ទាំងនេះ ធ្លាប់ធ្វើ​សកម្មភាព​ប្លន់ ជិត​១០​ករណី​មកហើយ ។​
​តាម​ការបញ្ជាក់​របស់​លោក​ឧត្ដមសេនីយ៍ ស្នងការ ជនសង្ស័យ​ពីរ​នាក់ ត្រូវបាន​ចាប់ខ្លួន​មុនដំបូង នៅ​ស្រុក​មេមត់ ហើយ​បន្ទាប់មក​កម្លាំង​សមត្ថកិច្ច​របស់លោក បាន​ឈានទៅដល់​ការចាប់ខ្លួន បក្ខពួក​ពីរ​នាក់​ផ្សេងទៀត នៅ​ចំណុច​ចំការ កៅស៊ូ ស្រុក​ពញាក្រែក ។​
​លោក​ឧត្ដមសេនីយ៍​ម៉ៅ ពៅ បាន​ថ្លែងថា ក្រោយពី​មាន​ករណី​ប្លន់​ប្រដាប់អាវុធ ជាពិសេស លើ​អ្នកលក់​មាស ដូរ​លុយ នៅតាម​បណ្ដា​ខេត្ដ ក៏ដូចជា មួយ​ករណី​នៅ​ជិត​ផ្សារ​ស្ទឹង​ស្រុក​ពញាក្រែក​មក​នោះ  អគ្គស្នងការ​នគរបាល​ជាតិ នាយ ឧត្ដមសេនីយ៍​នេ​ត សាវឿន បាន​បញ្ជា​ឱ្យ​នគរបាល តាម​បណ្ដា​រាជធានី ខេត្ដ បើក​ការស្រាវជ្រាវ ក៏ដូចជា​ការទប់ស្កាត់ បទល្មើស​ប្លន់​ទាំងនេះ​។

 


​លោក​បន្ដថា ក្រោយ​ទទួលបាន​បទបញ្ជា ពី​ថ្នាក់ដឹកនាំ​និង​មានការ​ជំរុញ​បន្ថែម​ពី​អភិបាលខេត្ដ ដែលជា​ប្រធាន គណៈបញ្ជាការ ឯកភាព​នោះ កម្លាំង​សមត្ថកិច្ច​របស់លោក បាន​បើក​ការស្រាវជ្រាវ​ជា​បន្ដបន្ទាប់ ហើយ​ឈាន ទៅដល់​ការ ចាប់ខ្លួន​ជនសង្ស័យ​ទាំងនេះ ។​
​យ៉ាងណាក៏ដោយ​ជនសង្ស័យ​ទាំង​៤​នាក់ ស្ថិតក្រោម​ការសាកសួរ និង​ឃុំខ្លួន​ជា​បណ្ដោះអាសន្ន នៅ​ស្នងការដ្ឋាន​នគរបាល​ខេត្ដ​ត្បូង ដើម្បី​កសាង​សំណុំរឿង​បញ្ជូន​ទៅកាន់​តុលាការ ចាត់ការ​តាមផ្លូវ​ច្បាប់ ៕d dd

Copyright © 2010-2021 · អរិយធម៌ · All Rights Reserved.
Develop by Sek Sathya