ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » ជនសង្ស័យ​ម្នាក់ ចាប់​រំលោភ​ក្មេងស្រីអាយុ​១៥​ឆ្នាំ​ ត្រូវ​សមត្ថកិច្ច​ឃាត់ខ្លួន​

ជនសង្ស័យ​ម្នាក់ ចាប់​រំលោភ​ក្មេងស្រីអាយុ​១៥​ឆ្នាំ​ ត្រូវ​សមត្ថកិច្ច​ឃាត់ខ្លួន​

​កណ្តាល ៖ យុវជន​ម្នាក់​ត្រូវបាន​សមត្ថកិច្ច​ឃាត់ខ្លួន​តាម​ពាក្យបណ្តឹង​របស់​ឪពុកម្តាយ​ក្មេងស្រី​រងគ្រោះ កាលពី​ម៉ោងជាង​៣​រសៀល​ថ្ងៃទី​១៤ ខែវិច្ឆិកា ឆ្នាំ​២០១៤ នៅ​ភូមិ​វិហារ​សួគ៌​ត្បូង ឃុំ​វិហារ​សួគ៌ ស្រុក​ខ្សាច់កណ្តាល ខេត្តកណ្តាល ពីបទ​រំលោភ​សេពសន្ថវៈ លើ​ក្មេងស្រី​អាយុ​១៥​ឆ្នាំ បានសម្រេច​ជាច្រើន​ដង​។​
​សមត្ថកិច្ច​ស្រុក ខ្សាច់កណ្តាល បាន​ឲ្យ​ដឹងថា ជនសង្ស័យ មានឈ្មោះ ឡ​ន ចិន អាយុ​២០​ឆ្នាំ មុខរ​បរជាកសិករ មាន​ទីលំនៅ ក្នុងភូមិ​ឃុំ​កើតហេតុ ។ ចំណែក​ក្មេងស្រី​រងគ្រោះ មានឈ្មោះ ប​.​ភ អាយុ​១៥​ឆ្នាំ ជា​កសិករ នៅ​ភូមិ​ឃុំ​កើតហេតុ ត្រូវជា​ប្អូនថ្លៃ​ជនសង្ស័យ ។​

​ប៉ូលិស​បាន ដកស្រង់ ពាក្យបណ្តឹង​របស់ ជនរងគ្រោះ ឲ្យ​ដឹងថា ក្នុង​កំឡុង​ខែកញ្ញា ឆ្នាំ​២០១៤ វេលា​ម៉ោង​ប្រមាណ​ជា ៨​យប់ ប្រពន្ធ​ជនសង្ស័យ ឈ្មោះ ប​.​ន ត្រូវជា​បង​បង្កើត របស់​ជនរងគ្រោះ បាន​ឲ្យ​ជនរងគ្រោះ ទៅ​មើល​កូន​របស់ខ្លួន នៅផ្ទះ​ខ្លួន អាយុ​២​ឆ្នាំ ហើយ​ខ្លួន​ទៅ​លក់​នំ នៅ​កន្លែង​រាំ​ធុងបាស់​។ ជនសង្ស័យ ដោយមាន​ឱកាស​ស្ងាត់ ក៍​ចាប់​ជនរងគ្រោះ ដែល​កំពុង​ដេក​ជាមួយ​ក្មួយ រំលោភ​រហូតដល់​បានសំរេច​។ បន្ទាប់មក ជនសង្ស័យ គម្រាម​ជនរងគ្រោះ មិន​ឲ្យ​ប្រាប់​អ្នកណា​ទាំងអស់​។ ក្រោយមកទៀត ជនសង្ស័យ តែងតែ​ស្កាត់​ជួប​ជនរងគ្រោះ រួមភេទ​បាន ៣ ដង​ទៀត ។​

​ប៉ូលិស​បាន បន្តថា លុះដល់​ថ្ងៃទី​១៣ ខែវិច្ឆិកា ឆ្នាំ​២០១៤ វេលា​ម៉ោងជាង ១១ យប់ ជនរងគ្រោះ បាន​ដេក​នៅលើផ្ទះ​របស់ខ្លួន ជាមួយ​ម្តាយ ប៉ុន្តែ​ដេក​នៅ​បន្ទប់​ខាងក្រោយ ជនសង្ស័យ ក៍​ឡើងទៅ​ចាប់រំលោភ ជនរងគ្រោះ​បាន​ម្តងទៀត ពេល​រំលោភ ហើយ​ជនសង្ស័យ បាន​អង្គុយ​នៅ​កាំជណ្តើរ​ផ្ទះ​ជនរងគ្រោះ​។ ពេលនោះ ប្រពន្ធ​ជនសង្ស័យ ឃើញ ក៍មាន​ការសង្ស័យ លុះ​ព្រឹក​ឡើង នៅ​ថ្ងៃទី​១៤ ខែវិច្ឆិកា ឆ្នាំ​២០១៤ បាន​សួរ ជនរងគ្រោះ​។ ជនរងគ្រោះ ក៍​ប្រាប់​ឪពុកម្តាយ ព្រមទាំង​ប្រពន្ធ​ជនសង្ស័យ ពី​ដំណើររឿង​ទាំងអស់ បន្ទាប់មក ពួកគេ​ក៏​បានមក​ដាក់ពាក្យ​បណ្តឹង នៅ​នគរបាល​ប៉ុស្តិ៍​វិហារ​សូ​គ៌ ឲ្យ​ឃាត់ខ្លួន​ជនសង្ស័យ​ខាងលើ​តែម្តង ។

​បច្ចុប្បន្ន ជនសង្ស័យ​ខាងលើ សមត្ថកិច្ច​បាន​កសាង​សំណុំរឿង បញ្ជូន​តុលាការ​ខេត្តកណ្តាល ដើម្បី​ចាត់ការ​តាម​នីតិវិធី​ច្បាប់ ៕ថថ

Copyright © 2010-2021 · អរិយធម៌ · All Rights Reserved.
Develop by Sek Sathya