ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » សហព័ន្ធនិស្សិតបញ្ញវ័ន្តប្រជាធិបតេយ្យ​កម្ពុជា​គាំទ្រលទ្ធផល​បោះឆ្នោត​​បណ្តោះ​អាសន្ន

សហព័ន្ធនិស្សិតបញ្ញវ័ន្តប្រជាធិបតេយ្យ​កម្ពុជា​គាំទ្រលទ្ធផល​បោះឆ្នោត​​បណ្តោះ​អាសន្ន

ភ្នំពេញ៖សហព័ន្ធនិស្សិតបញ្ញវ័ន្តប្រជា​ធិបតេយ្យកម្ពុជាដែលជាអង្គការក្រៅរដ្ឋាភិបាល​មិនប្រកាន់នូវនិន្នាការនយោបាយបាន​ប្រកាសគាំទ្រទាំងស្រុងចំពោះលទ្ធផល​បោះ​ឆ្នោត​បណ្តោះអាសន្ននៃការបោះឆ្នោតជ្រើសតាំងតំណាងរាស្រ្តនីតិកាលទី៥ឆ្នាំ២០១៣ដែល​ប្រកាស​​ដោយគណៈកម្មាធិការជាតិរៀបចំការ​បោះឆ្នោត​​(គ.ជ.ប)​កាលពីពេលថ្មីៗនេះ។​

ក្នុងសន្និសីទកាសែតដែលរៀបចំដោយ​សហព័ន្ធនិស្សិតបញ្ញវ័ន្តប្រជាធិបតេយ្យកម្ពុជា នាព្រឹកថ្ងៃទី១៣សីហានេះ នៅវិទ្យាស្ថានបច្ចេកទេសកម្ពុជាលោកស្រីមាសចន្ទធីតា សមាជិក​គណៈកម្មាធិការ​នាយកបានបង្ហាញថាស្ថាប័នលោកស្រី​បានបញ្ជូនអ្នក សង្កេតការណ៍ជាតិជាង៤ ពាន់ នាក់ឲ្យទៅចូលរួមសង្កេតការបោះឆ្នោត ជាតិឆ្នាំ ២០១៣។ ឆ្លងតាមការសង្កេតឃ្លាំមើល​ជាក់ ស្តែងនៃដំណើរ​ការបោះឆ្នោតជ្រើសតាំង តំណាងរាស្រ្តនីតិកាលទី៥នៅ​ទូទាំង២៤ រាជធានី-ខេត្តក្រោមប្រធាន បទ«កែវ ភ្នែកយុត្តិធម៌» អង្គការលោកស្រីសូម​គាំទ្រយ៉ាង​ពេញទំហឹង​ចំពោះ​លទ្ធផល​បណ្តោះ​អាសន្នដែលបានប្រកាសដោយគ.ជ.បកាលពី​ថ្ងៃទី១២ខែសីហាឆ្នាំ២០១៣កន្លង​ទៅនេះ។

លោកស្រីមាសចន្ទធីតាបន្តថាឈរលើមូលដ្ឋានឯករាជ្យនិងអព្យាក្រឹតសហព័ន្ធនិស្សិត​បញ្ញវ័ន្ត​ប្រជាធិបតេយ្យកម្ពុជាសូមអំពាវនាវ​ដល់គណបក្សនយោបាយទាំងពីរដែលបាន​ទទួល​អាសនៈក្នុងរដ្ឋសភានីតិកាលទី៥ខាងមុខ​ត្រូវគោរពនូវឆន្ទៈរបស់ប្រជាពលរដ្ឋ​​ដែលជាម្ចាស់ឆ្នោតចូលរួមថែរក្សាស្ថិរភាពនយោបាយនិងការអភិវឌ្ឍសង្គមកម្ពុជាផ្អែក​តាមលិខិតបទដ្ឋានផ្សេងៗក្នុងក្របខ័ណ្ឌច្បាប់ជាធរមាន។

និស្សិតវ័យ២១ឆ្នាំរៀនឆ្នាំទី១នៅសាកលវិទ្យាល័យជាតិ​គ្រប់គ្រងកញ្ញាឆឹងធីតាដែល​បាន​​​ចុះទៅសង្កេតការណ៍បោះឆ្នោតនៅក្នុងខេត្តក្រចេះ ជាស្រុកកំណើតរបស់​នាង​នោះ បានប្រាប់ឲ្យដឹងថាដំណើរការបោះឆ្នោតដែលគ.ជ.បបានរៀបចំនៅ​ខេត្ត​ក្រចេះមាន លក្ខណៈរលូនត្រឹមត្រូវតម្លាភាពនិងយុត្តិធម៌ដែលបានឆ្លុះបញ្ចាំង​ពីលទ្ធិប្រជាធិប តេយ្យពិតប្រាកដនៅកម្ពុជា។

កញ្ញាបន្តថា ចំពោះលទ្ធផលបណ្តោះអាសន្ននៃការបោះឆ្នោតនេះគឺមានភាពត្រឹមត្រូវ យុត្តិធម៌និងមានតម្លាភាពអាចទទួលយកបាន ស្របតាមបទដ្ឋានច្បាប់បោះឆ្នោត នៅកម្ពុជា។

សូមបញ្ជាក់ថា លទ្ធផលបណ្តោះអាសន្ននៃការបោះឆ្នោតជ្រើសតាំងតំណាងរាស្រ្ត នីតិកាលទី៥ឆ្នាំ២០១៣ដែលប្រកាសដោយគ.ជ.បកាលពីថ្ងៃទី១២សីហាកន្លងទៅនេះ គណបក្សប្រជាជនកម្ពុជាដែលជាគណបក្សកំពុងកាន់អំណាច​នៅតែបន្ត​ឈ្នះឆ្នោត ដើម្បីគ្រប់គ្រងប្រទេសជាបន្ត៕

ដោយ៖វិជ្ជា

 

Copyright © 2010-2021 · អរិយធម៌ · All Rights Reserved.
Develop by Sek Sathya