ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||     ល្បី! អ្នកមានលុយ អ្នកមានអំណាច ទន្រ្ទានកាន់កាប់ដីចំណីព្រែក ក្នុងស្រុកកំពង់សិលា យ៉ាងរលូន?​  ||   

» ព័ត៌មានជាតិ » លោក​ប៉ាសុជាតិវង្ស ​ណែនាំ​​ដល់​មន្ត្រីរាជការ​​និង​កង​កម្លាំងប្រដាប់​អាវុធ​ត្រូវធ្វើ​អំពើ​ល្អ​និងបំរើ​ប្រជាពលរដ្ឋ​ឲ្យ​កាន់តែប្រសើរ

លោក​ប៉ាសុជាតិវង្ស ​ណែនាំ​​ដល់​មន្ត្រីរាជការ​​និង​កង​កម្លាំងប្រដាប់​អាវុធ​ត្រូវធ្វើ​អំពើ​ល្អ​និងបំរើ​ប្រជាពលរដ្ឋ​ឲ្យ​កាន់តែប្រសើរ

ភ្នំពេញ៖ លោកប៉ា សុជាតិ​វង្ស អភិបាល​រាជធានី​ភ្នំពេញ​ក្នុង​ជំនួប​សំណេះសំណាល ជាមួយ​មន្ត្រី​រាជការ​ប្រមាណ​២០០​នាក់​នៅ​ខណ្ឌ​សែន​សុខ កាលពី​ព្រឹក​ថ្ងៃទី​១៣ខែសីហា ឆ្នាំ​២០១៣បាន​ធ្វើ​ការណែនាំ​ឱ្យ​មន្ត្រី​ថ្នាក់ខណ្ឌ​,​សង្កាត់​និង​កងកម្លាំងប្រដាប់អាវុធ​ទាំងអស់ ត្រូវតែធ្វើ​អ្វី​ជាអំពើ​ល្អ​និង​បំរើ​ការងារ​ជូន​ប្រជាពលរដ្ឋ​ឲ្យបាន​ប្រសើរ​ជាង​ពេលមុនៗ។

មានន័យថា​ក្នុង​អាណត្តិ​ទី​៥​នេះ​មន្ត្រី​របស់​យើង​ទាំងអស់​ត្រូវ​ប្ដូរ​ឥរិយាបថធ្វើអំពើ​ល្អ​បន្ត​និរន្ត​រ៍ភាព​ការងារ ជូន​ប្រជាពលរដ្ឋ។ គ្រប់​កម្លាំងសមត្ថកិច្ច ត្រូវ​បន្ត​ការ​ថែរក្សា សន្តិសុខ សណ្ដាប់ធ្នាប់ សង្គមហើយ​អាជ្ញាធរ ត្រូវ​បន្ត​និរន្តរ៍ភាព​ការងារ​ឱ្យ​បាន​ល្អនិង​ធ្វើអំពើ​ល្អ​ឱ្យ​បាន​ច្រើន​ជាមួយ​ប្រជាពលរដ្ឋ។

លោកអភិបាល បាន​បន្ត​ថា កិច្ច​ការងារ​ដែល​នឹង​ត្រូវធ្វើ​បន្ត​ក្រោយពី​ការ​បោះ ឆ្នោត​នេះ កម្លាំង​សមត្ថកិច្ច ចម្រុះត្រូវតែ​បន្តការងារ​របស់​ខ្លួន ជាពិសេស ថែរក្សា​សន្តិសុខ សណ្ដាប់ធ្នាប់​សង្គមដើម្បី​ឲ្យ​មាន​ស្ថិរភាព​នយោបាយ​នៅ​មូលដ្ឋានឲ្យ​បាន​ល្អ​ប្រសើរ។

អភិបាល​រាជធានី​ភ្នំពេញ បាន​បន្ត​ទៀត​ថាលទ្ធផល​នៃ​ការបោះឆ្នោត​អាណត្តិ​ទី​៥​នេះ​បាន​បង្ហាញ​អោយ​ឃើញ​ច្បាស់​ហើយ​ថាកន្លងមក​មន្ត្រី​របស់​យើង​មួយចំនួន​ គឺ​ពិតជា​បាន​ធ្វើ​អ្វី​ដែល​មិនល្អ​និង​មិន​មាន​ការ​ពេញចិត្ត​ពី​ប្រជាពលរដ្ឋ​ទើប​ធ្វើអោយ​ប្រជាពលរដ្ឋ​មួយចំនួន​នោះ​ មិន​បោះឆ្នោត​គាំទ្រ​គណបក្សប្រជាជន​កម្ពុជា។ ដូច្នេះ​ចាប់​ពី​ពេល​នេះ​តទៅ​មន្ត្រី រាជការ​គ្រប់​ជាន់ថ្នាក់ត្រូវតែ​បន្ត​និរន្តរភាព ការងារ​រដ្ឋបាល ជាពិសេស​នោះ​គឺ​ពាក់ព័ន្ធនឹង​លិខិតស្នាម ធ្វើ​យ៉ាងណា​ផ្តល់​លទ្ធភាព ងាយស្រួល​ដល់ ប្រជាពលរដ្ឋហើយ​ម្យ៉ាង វិញទៀត​រឿង កិច្ច​ការងារ​អត្រានុកូលដ្ឋានត្រូវ​បន្ត​ធ្វើ​ជា​ធម្មតា​និង​ល្អ​ប្រសើរ​ជាង​មុន។

អភិបាល​រាជធានី​ភ្នំពេញ លោក ប៉ា សុ ជាតិ​វង្ស ក៏បាន​ធ្វើការ​អំពាវនាវ​ដល់​មន្ត្រីរាជការ​ទាំង​ក្នុង សាលា​ខណ្ឌ និង​មន្ត្រី សង្កាត់​ក្រោម​ឱវាទ​ទាំងអស់ពិសេស​មន្ត្រី​នៅ​ថ្នាក់​រាជធានី​ភ្នំពេញ ចាប់​ពី​ពេល​នេះ តទៅត្រូវធ្វើ​ការ​ផ្លាស់ប្ដូរ​ឥរិយាបថ​របស់​ខ្លួនធ្វើ​យ៉ាង​ណា​ឲ្យ​ប្រជាពលរដ្ឋ ទទួល​យក​បានហើយក៏​ត្រូវតែ​នាំគ្នា​ខិតខំ​ធ្វើអំពើ​ល្អ​អោយ​បាន​ច្រើន​បំផុត​ដើម្បី​លាង​ជម្រះ​ចេញ​នូវ​ការ​ខ្វះខាត​របស់​ខ្លួន​ដែល​មាន​កន្លងមក។

ក្នុង​ពិធី​នោះ​លោក​អភិបាល​រាជធានី​ភ្នំពេញ​បាន​ផ្តល់​ជូន​មន្ត្រី​របស់​សាលា​ខណ្ឌ​សែនសុខ​ចំនួន​២០០​នាក់​ដែល​ក្នុង​ម្នាក់ៗ​ទទួល​បាន​ទឹកប្រាក់​ចំនួន​៤​ម៉ឺន​រៀល​ផង​ដែរ៕

ដោយ៖ នាយដន

 

Copyright © 2010-2021 · អរិយធម៌ · All Rights Reserved.
Develop by Sek Sathya