ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» Breaking News, ព័ត៌មានជាតិ » នៅ​ស្រុក​កណ្ដាលស្ទឹង លោក ឃុ​ត ឌី​វ​ឌ្ឍ​នា ជីករណ្ដៅ​ដី​និង​បូម​ខ្សាច់ ​

នៅ​ស្រុក​កណ្ដាលស្ទឹង លោក ឃុ​ត ឌី​វ​ឌ្ឍ​នា ជីករណ្ដៅ​ដី​និង​បូម​ខ្សាច់ ​

ខេត្ដ​កណ្ដាល  ៖ ប្រជាពលរដ្ឋ​រួមទាំង អាជ្ញាធរ​មូលដ្ឋាន​ផងដែរ​បាន​រិះគន់​យ៉ាង ខ្លាំង​ទៅលើ​លោក​ផ្កាយ​១ ឃុ​ត ឌី​វ​ឌ្ឍ​នា ដែល​បាន​ប្រើប្រាស់​កម្លាំងយោធា​មក យាមកាម និង​កាង​ទីតាំង​បូម​ខ្សាច់ ជីក រណ្ដៅ​ដី​ខុសច្បាប់​ដ៏​អនាធិបតេយ្យ​នៅ ស្រុក​កណ្ដាលស្ទឹង ខេត្ដ​កណ្ដាល ក្នុងនោះ ថែមទាំង​មើលស្រាល​យ៉ាងធ្ងន់ធ្ងរ​មក លើ​អាជ្ញាធរ​រួមទាំង​មន្ដ្រី​ជំនាញ ខណៈ ខ្លួន​ប្រើប្រាស់​តួនាទី​ជា​មេ​យោធា​មួយរូប ទាំង​បំពាន និង​កំពុង​ធ្វើឱ្យប៉ះពាល់​កិ​ត្ដិ យស​យ៉ាងខ្លាំង​ដល់​ថ្នាក់លើ​ចំពោះ​ទង្វើ លោក​ផ្កាយ​១​រកស៊ី​តែ​របរ​មិន​ស្រប ច្បាប់​នេះ ។​
ទីតាំង​ជីករណ្ដៅ​ដី និង​បូម​ខ្សាច់​របស់ លោក​ផ្កាយ​១ ឃុ​ត ឌី​វ​ឌ្ឍ​នា ស្ថិតនៅ ចំណុច​ភូមិ​រាយ​ដប ឃុំ​សៀមរាប ស្រុក កណ្ដាលស្ទឹង ខេត្ដ​កណ្ដាល ដែល​ការធ្វើ អាជីវកម្ម​ទាំង​បំពាន​ច្បាប់​នេះ​មាន​រយៈ ពេល​យូរ​ខែ​មកហើយ ។ នេះ​បើតាម​ការ អះអាង​ពី​ប្រជាពលរដ្ឋ និង​អាជ្ញាធរ​រហូត ដល់​ចាត់ទុកថា បុគ្គល​ផ្កាយ​១​រូបនេះ មួយ​ម៉ាត់​ណា​ក៏​អាង​លោក​នេះ លោក នោះ​ឱ្យតែ​អ្នកធំ​ណា​មានអំណាច​គាត់​យក មក​ប្រើ​តាំងខ្លួន​ជា លា​ពាក់​ស្បែក​ខ្លា ដើម្បី​មុខរបរ​លោត​ឆត្រ​របស់ខ្លួន ។​
ប្រជាពលរដ្ឋ​បាន​លើកឡើងថា ទាំង ការដឹកជញ្ជូន​ខ្សាច់ ដី មិន​ត្រឹមតែ​ហុយ ទ្រលោម​ប៉ះពាល់​បរិស្ថាន សុខភាព​របស់ ប្រជាពលរដ្ឋ​អ្នកភូមិ​ប៉ុណ្ណោះ​ទេ លោក ផ្កាយ​១​រូបនេះ​កំពុងមាន​ចេតនា​បំផ្លាញ ផ្លូវ​របស់​អ្នកភូមិ ស្រប​ពេលដែល​អាជ្ញា ធរ ថ្នាក់ដឹកនាំ​កំពុង​ត្រូវបាន​គិតគូរ ស្ថាបនា​អភិវឌ្ឍ​ផ្លូវ​នៅក្នុង​មូលដ្ឋាន​នោះ​។​
ពាក់ព័ន្ធ​ករណី​លោក​ផ្កាយ​១ ឃុ​ត ឌី​វ​ឌ្ឍ​នា ពូកែ​ខាង​អាងខ្នង​សែ​ទុយោ និង ប្រើ​ឈ្មោះ​អ្នកធំ​ការពារ​មុខរបរ​លោត ឆត្រ​នេះ នគរ​វត្ដ​មិនអាច​ទាក់ទង​បានទេ ពី​លោក ឃុ​ត ឌី​វ​ឌ្ឍ​នា នៅ​ព្រឹក​ថ្ងៃទី​១១ ខែវិច្ឆិកា ឆ្នាំ​២០១៤ ថា​តើ​គាត់​មាន ច្បាប់​អនុញ្ញាត ឬ​បំពាន​ច្បាប់​ដូច​អ្វីដែល ប្រជាពលរដ្ឋ និង​អាជ្ញាធរ​លើកឡើង ដោយ​ទូរស័ព្ទ​ចូល​មាន​អ្នកផ្សេង​លើក ជំនួស ហើយ​បញ្ជាក់ថា “​មេ​របស់ខ្ញុំ គាត់​មិន​នៅ ហើយ​ទុក​ទូរស័ព្ទ​ឱ្យ​ខ្ញុំ​លើក បើ​ចង់ដឹង​រឿង​អី ចាំ​ពេល​ក្រោយ​អាច ទូរស័ព្ទ​មក​សួរ​បាន​” រួច​ក៏​បិទ​ទូរស័ព្ទ ។​
អាជ្ញាធរ​ខណ្ឌដង្កោ​ធ្លាប់បាន​ធ្លោយ ផងដែរ​ថា លោក ឃុ​ត ឌី​វ​ឌ្ឍ​នា ធ្លាប់ ជីករណ្ដៅ​ដី​នៅ​សង្កាត់​ព្រៃ​ស បំផ្លាញ​ផ្លូវ អ្នកភូមិ ហើយ​ប្រជាពលរដ្ឋ​ហាក់បីដូច ជា​រិះគន់​មកលើ​អាជ្ញាធរ​យ៉ាងខ្លាំង​ថា បាន​ឃុបឃិត​ជាមួយ​ឈ្មួញ​រូបនេះ​។ ប៉ុន្ដែ ធាតុពិត​លោក​ផ្កាយ​១​រូបនេះ​មិនដឹង​ជា នៅ​អង្គភាព​ណា​ពិតប្រាកដ​ទេ ឮ​តែ​យក ឈ្មោះ​គេ​មក​ប្រើ​អាង​អំណាច និង​មិន ខ្លាចញញើត​ជាមួយ​សមត្ថកិច្ច អាជ្ញាធរ ទៀតផង ។​
ប្រជាពលរដ្ឋ​រិះគន់ថា ថ្នាក់ដឹកនាំ ក៏ដូចជា​អាជ្ញាធរ​មូលដ្ឋាន​តែងតែបាន ខិតខំ​អភិវឌ្ឍន៍​ផ្លូវ​ក៏ដូចជា​លើក​ទឹក​ចិ​ត្ដ ប្រជាពលរដ្ឋ​ក្នុង​មូលដ្ឋាន ប៉ុន្ដែ​ក្រុម​អស់ លោក​មួយចំនួន​បែរ​ជាមាន​តួនាទី​ខ្លះ ឆក់​ឱកាស​រកស៊ី​មុខរបរ​មិន​ស្របច្បាប់ បញ្ហា​ទាំងអស់​នេះហើយ ដែលជា​ដង្កូវ ក្នុងសង្គម​ធ្វើឱ្យ​រាស្ដ្រ​ស្អប់ខ្ពើម ដូច្នេះ ពួកគាត់​សំណូមពរ​ឱ្យ​អាជ្ញាធរ​ស្រុក កណ្ដាលស្ទឹង ក៏ដូចជា​លោក​អភិបាល ខេត្ដ​មេ​ត្ដា​ចាត់វិធានការ​ករណី​ជីករណ្ដៅ ដី បូម​ខ្សាច់​របស់លោក​ផ្កាយ​១ ឃុ​ត ឌី​វ​ឌ្ឍ​នា ផង ព្រោះ​ទង្វើ​របស់គាត់​បាន ជះឥទ្ធិពល​ដ៏​អាក្រក់​ប៉ះពាល់​មកលើ ប្រជាពលរដ្ឋ​ពោរពេញ​ដោយ​សតិ អារម្មណ៍​៕
914

Copyright © 2010-2021 · អរិយធម៌ · All Rights Reserved.
Develop by Sek Sathya