ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» Breaking News, ព័ត៌មានជាតិ » ក្រពើ​ជាង៥០ក្បាល​ត្រូវបាន​សម្លាប់ ក្នុង១ថ្ងៃ​ដើម្បីពន្លាត់​យកស្បែកទៅលក់នៅប្រទេសថៃ

ក្រពើ​ជាង៥០ក្បាល​ត្រូវបាន​សម្លាប់ ក្នុង១ថ្ងៃ​ដើម្បីពន្លាត់​យកស្បែកទៅលក់នៅប្រទេសថៃ

ព្រះសីហនុ៖ ម្ចាស់កសិដ្ឋានចិញ្ចឹមសត្វក្រពើមួយកន្លែងនៅក្នុងភូមិអូរត្រេះឃុំអូរត្រេះ ស្រុកស្ទឹងហាវខេត្តព្រះសីហនុ គាត់អាចសម្លាប់សត្វក្រពើអស់ជាង៥០ក្បាលក្នុង មួយថ្ងៃៗដើម្បីពន្លាត់យកស្បែកដឹកទៅលក់នៅប្រទេសថៃ ដោយឡែកសាច់ក្រពើ ត្រូវបានម្ចាស់កសិដ្ឋានចែកគ្នាហូបពេញភូមិតែម្តង។កន្លងមកប្រជានេសាទនៅស្រុកស្ទឹងហាវធ្លាប់តែបរិភោគត្រីបង្គាមិកក្តាមសមុទ្រតែក្នុងដើម ខែសីហាឆ្នាំ២០១៣នេះគាត់មានភ័ព្វសំណាងបានហូបសាច់ក្រពើស្ទើរគ្រប់ផ្ទះ។

លោកហាវម្ចាស់កសិដ្ឋានចិញ្ចឹមសត្វក្រពើដ៏ធំមួយនៅស្រុកស្ទឹងហាវដែលក្នុង កសិដ្ឋាន របស់គាត់មានសត្វក្រពើរាប់ពាន់ក្បាលកំពុងគ្មានទីផ្សារកន្លងមកនោះគាត់បានរៀបរាប់ ថាការចិញ្ចឹមសត្វក្រពើត្រូវចំណាយចំណីវាច្រើនណាស់បើគិតជាលុយវិញមិនដឹងជាប៉ុន្មាន ទៅហើយទេដោយសារតែគ្មានទីផ្សារ ទើបធ្វើឲ្យគាត់កប់ដើមកប់ចុងរហូតមកដល់សព្វ ថ្ងៃនេះ។ប៉ុន្តែនៅពេលនេះមានឈ្មួញមកពីប្រទេសថៃគេបានមកទំនាក់ទំនងទិញ ស្បែកក្រពើទើបគាត់សម្រេចសម្លាប់ក្រពើរបស់គាត់ពន្លាត់យកស្បែកលក់តែម្តងទៅ ក្រែងបានស្រង់ដើមខ្លះ។

លោកហាវបានបន្តថា​ការលក់ស្បែកក្រពើពេលនេះបានតម្លៃត្រឹមពី៨០ដុល្លារអាមេរិក​ទៅ១០០ដុល្លារអាមេរិកតែប៉ុណ្ណោះ គឺគេកំណត់តាមទំហំនៃស្បែកត្រូវប៉ាន់មិនត្រូវប៉ាន់ ផងដែរ។ប៉ុន្តែនៅពេលនេះគឺសម្លាប់សត្វក្រពើយកតែក្រពើត្រូវ ប៉ាន់តែប៉ុណ្ណោះ រីឯអាមិនត្រូវប៉ាន់ទុកមួយកន្លែងសិនត្រូវចិញ្ចឹមវាបន្តទៀត។

មន្ត្រីជំនាញជលផលខេត្តព្រះសីហនុម្នាក់បាននិយាយថាការចិញ្ចឹមក្រពើសព្វថ្ងៃពិតជាគ្មាន

ទីផ្សារប្រាកដមែនហើយកំពុងធ្វើឲ្យម្ចាស់កសិដ្ឋានទាំងនោះ អាចបោះបង់ចោលមុខរបរ នេះផងដែរ ប្រសិនបើគ្មានទីផ្សារបែបនេះដូចនេះការអប់រំប្រជាកសិករចំពោះ ការចិញ្ចឹមសត្វក្រពើប្រហែលជាគ្មានបន្តទៀតផងដែរ៕

ដោយនាគសមុទ្រ

 

Copyright © 2010-2021 · អរិយធម៌ · All Rights Reserved.
Develop by Sek Sathya