ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » ម៉ូតូ​បុក​ម៉ូតូ​រ៉ឺម៉ក បណ្តាល​ឲ្យ​របួសធ្ងន់​ម្នាក់​ ​

ម៉ូតូ​បុក​ម៉ូតូ​រ៉ឺម៉ក បណ្តាល​ឲ្យ​របួសធ្ងន់​ម្នាក់​ ​

ភ្នំពេញ : នៅវេលា​ម៉ោង​៩​និង​១០​នាទី​ព្រឹក​ថ្ងៃទី​០៨ ខែវិច្ឆិកា ឆ្នាំ​២០១៤ តាមផ្លូវ​ជាតិ​លេខ​៤ មុខ​ធនាគារ​ស្ថាបនា លីមីត​ធី​ត ភូមិ​ថ្នល់បំបែក សង្កាត់​ចោមចៅ ខណ្ឌ​ពោធិ៍​សែន​ជ័យ​។​
​ម៉ូតូ​មួយគ្រឿង បើក​ដោយ​យុវជន​ម្នាក់ បោះពួយ​លឿន​ជ្រុល​ទៅបុក​ជាមួយ​ម៉ូតូ​អូស​រ៉ឺម៉ក​ដឹក​ហ្គាស​បើក​ឆ្លងផ្លូវ បណ្តាល​ឲ្យ​រងរបួស​បាក់​កជើង​ខាងឆ្វេង បាក់​ម្រាមដៃ​ឆ្វេង​និង​បែក​មុខ​ហូរឈាម​តាម​ច្រមុះ សន្លប់​ឈឹង​នៅ​កន្លែង ម៉ូតូ​រង​ការខូចខាត​ខ្ទេច​មួយ​កំណាត់​មុខ​។

​ជន រងគ្រោះ ត្រូវបាន​ស្គាល់ឈ្មោះ អ៊ី សេង​ហៃ ភេទ​ប្រុស អាយុ​២១​ឆ្នាំ ស្នាក់នៅ​ភូមិ​ជ្រេស សង្កាត់​ភ្នំពេញ​ថ្មី ខណ្ឌ​សែន​សុខ មាន​ស្រុកកំណើត​នៅ​ភូមិ​បាគង ឃុំ​ស្លែង ស្រុក​កំពង់ស្វាយ ខេត្តកំពង់ធំ​។ ជនរងគ្រោះ​ជិះ​ម៉ូតូ​មួយគ្រឿង​ម៉ាក សេ​១២៥ ស៊េរី​២០០៨ ពណ៌​ខ្មៅ ពាក់​ស្លាក​លេខ ភ្នំពេញ 1AF-2883​។ ចំណែក​ម៉ូតូ​បង្ក ម៉ាក​ស៊ី​ធី​ផ្លើស ពណ៌​ក្រហម​កញ្ចាស់ អូស​រ៉ឺម៉ក ដឹក​ហ្គាស​ជិះ​គ្នា​ចំនួន​៣​នាក់ បើក​ដោយ​ឈ្មោះ សេង ឆក ភេទ​ប្រុស អាយុ​១៨​ឆ្នាំ មុខរបរ ជា​កម្មករ​ផ្ទះ​លក់​ហ្គាស​មួយកន្លែង​ក្នុង​បុរី​ក្បែរ​កន្លែងកើតហេតុ ស្នាក់​នៅផ្ទះ​ថៅកែ​លក់​ហ្គាស មាន​ស្រុកកំណើត​នៅ​ភូមិ​ត្រ​យឹ​ង ឃុំ​រាម​អណ្តើក ស្រុក​គី​រី​វង្ស ខេត្តតាកែវ​។​
​មុនពេល​កើតហេតុ គេ​ឃើញ​ជនរងគ្រោះ​ជិះ​ម៉ូតូ ពី​លិចទៅ​កើត លុះដល់​ចំណុចកើតហេតុ ស្រាប់​តែមាន​ម៉ូតូ​អូស​រ៉ឺម៉ក​ដឹក​ហ្គាស បើក​ឆ្លងផ្លូវ​ពី​ត្បូង​ទៅ​ជើង ធ្វើ​ឲ្យ​ជនរងគ្រោះ​ហ្វ្រាំង​មិនទាន់ ជ្រុល​ទៅបុក​ម៉ូតូ​អូស​រ៉ឺម៉ក​យ៉ាង​ពេញទំហឹង រងរបួស​ធ្ងន់ធ្ងរ ម៉ូតូ​ខ្ទេច​មួយ​កំណាត់​ខាងមុខ​៕ 57

Copyright © 2010-2021 · អរិយធម៌ · All Rights Reserved.
Develop by Sek Sathya