ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» Breaking News, ព័ត៌មានជាតិ » ប្រធាន​រតនាគារ ឧ​ត្ត​រ​មានជ័យ​នៅតែ​ត្រូវប៉ាន់​ ​

ប្រធាន​រតនាគារ ឧ​ត្ត​រ​មានជ័យ​នៅតែ​ត្រូវប៉ាន់​ ​

​    ​
​ខេត្ត​ឧ​ត្ត​មានជ័យ ៖ មន្ត្រី​មួយចំនួន​នៅ​អង្គភាព​រតនាគារ​ខេត្ត​ឧ​ត្ត​រ​មានជ័យ ដែលមាន លោក តូច គ​ន្ធា ជា​ប្រធាន​បាន​ទំលាយ​ឲ្យ​ដឹងថា នៅ​អង្គភាព​របស់​គាត​សព្វថ្ងៃ បើ​គេ​មើល​ពី សំបក​ក្រៅ ហាក់បីដូច​អង្គភាព​មួយ​នេះ​បានរួម​ចំណែក​ក្នុងការ​លុបបំបាត់​អំពើពុករលួយ​តាម គោលនយោបាយ​របស់​រា​ជ​រដ្ឋាភិបាល​ខ្លាំងណាស់​។ ព្រោះថា​លោក​ប្រធាន​រតនាគារ តូច គ​ន្ធា តែងតែ​និយាយ អួត​ពី​ការប្រយុទ្ធប្រឆាំង​អំពើពុករលួយ និង​ថា គាត​មិន​ហាន​ប៉ះពាល់​លុយ នរណា​១​សេន​ទេ​ខ្លាច​គេ​ចោទថា ពុករលួយ ថែមទាំង​ប្រាប់​បុគ្គលិក​ក្នុង​អង្គប្រជុំ ថា​កុំ​ឲ្យ​មន្ត្រីក្រោមឱវាទ​ទាំងអស់​កុំ​ធ្វើ​អី​ផ្តេសផ្តាស បើ​នរណា​ធ្វើ​ខុស​ជា​អ្នកទទួលខុសត្រូវ ដោយ​ខ្លួនឯង ហើយ​រូបគាត់​មិន​លើកលែង​ឲ្យ​ទេ​។​
​តាម​ប្រភព​បាន​ឲ្យ​ដឹងថា ដោយសារតែ​លោក​ប្រធាន​ប្រជុំ​ដាក់​វិធានការ​ម៉ឹងម៉ាត់​នោះ ម្នាក់​រួញ​ខ្លួន​មិន​ហ៊ាន​ធ្វើ​អ្វី​ផ្តេសផ្តាស​ដូច​មុន​ទេ ប៉ុន្តែ​ផ្ទុយទៅវិញ​សម្រាប់​លោក​ប្រធាន​និង​ដៃជើង​របស់​គាត​មិនបាន​អនុវត្តន៍​ដូច​ការនិយាយ​ឡើយ គឺ​ពួក​គាត​នៅតែ​បន្ត​ប្រាក់​ទឹកតែ​ពី​តាម​បណ្តា​មន្ទីរ រដ្ឋបាល​ក្រុង​ស្រុក​និង​ឃុំ​សង្កាត់ រួម​និង​ក្រុមហ៊ុន​ដូច​មុន​ដដែល​។ ហើយ​ប្រភេទ​ប្រាក់​ដែល​មន្ទីរ​អង្គភាព រដ្ឋបាល​ក្រុង ស្រុក ឃុំ សង្កាត់ និង​ក្រុមហ៊ុន​ដែល​ត្រូវគេ​ទារប្រាក់​ទឹកតែ​នោះ​មានដូចជា​ប្រាក់​រេ​ជ្ជ​ទ័យ ប្រាក់​លទ្ធកម្ម និង​ប្រាក់​ទូទាត់​ត្រង់​ផ្នែក​ខ្លះ​។ ចំពោះ​ភាគរយ​នៃ​ប្រាក់​ទឹកតែ​គឺ​គេ​ទាមទារ ទៅតាម​ប្រភេទ សាច់ប្រាក់​ខុសៗ​គ្នា ប៉ុន្តែ​ប្រាក់​ដែល​ត្រូវ​លោក​តូច គ​ន្ធា ទាមទារ​ប្រាក់​ទឹកតែ​ខ្ពស់​គឺ​ប្រាក់ លទ្ធកម្ម​នៅ​ជំពូក​៦១ និង​ជំពូក​៦៥​។ ចំណែក​ប្រាក់​ទូទាត់​ត្រង់​នៅ​ជំពូក​៦២ និង​នៅ​ជំពូក​៦៥ ក៍​ទាមទារ​ប្រាក់​ទឹកតែ​ខ្ពស់​ដែរ ប៉ុន្តែ​មិន​ខ្ពស់កប់ពពក​ដូច​ប្រាក់​លទ្ធកម្ម​នៅ​ជំពូក​៦១ និង​៦៥​ទេ​។​
​តាម​ប្រភព​ដដែល​បាន​បន្តថា ក្នុង​រយៈពេល​ជាច្រើន​ឆ្នាំ​ដែល​លោក​តូច គ​ន្ធា ធ្វើជា ប្រធាន​រតនាគារ​មក​នោះ ជីវភាព​របស់គាត់​ហាក់បីដូចជា​អភិវឌ្ឍន៍​លឿន​បំផុត និង​មានទ្រព្យ សម្បត្តិ​ដ៏​ស្តុក​ស្ត​ម​មិន​ចាញ់​ឈ្មួញ​ធំៗ​នៅក្នុង​ខេត្ត​ឧ​ត្ត​រ​មានជ័យ​ប៉ុន្មាន​ទេ​។ សម្រាប់​មន្ត្រីក្រោមឱវាទ​របស់​គាត​ដែល​មិនមែនជា​ដៃជើង​របស់គាត់​គឺ​គ្មាន​នរណាម្នាក់​មាន​ជីវភាព​ធូរធា​ខ្លាំង​ទេ​។
​ករណីនេះ​គប្បី​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ និង​អង្គភាព​ប្រឆាំង​អំពើ​ពុក រលួយ​គួរ​បើក​ការស៊ើបអង្កេត​រឿងនេះ ដើម្បី​រកឃើញ​ការពិត​៕ ហេង មានជ័យ

Copyright © 2010-2021 · អរិយធម៌ · All Rights Reserved.
Develop by Sek Sathya