ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» ព័ត៌មានជាតិ » សមត្ថកិច្ច​ចម្រុះ​ឃាត់​កាណូត​បូម​ខ្សាច់​របស់​ប្រជាពលរដ្ឋ​ស្រុក​កំពង់លែង​ ​ព្រោះ​បានធ្វើអោយ​បាក់​សសរស្ពាន​ចំនួន​២ និង​គ្មាន​លិខិតអនុញ្ញាត​ពីសា​ម៉ី​មន្ទីរ​ ​

សមត្ថកិច្ច​ចម្រុះ​ឃាត់​កាណូត​បូម​ខ្សាច់​របស់​ប្រជាពលរដ្ឋ​ស្រុក​កំពង់លែង​ ​ព្រោះ​បានធ្វើអោយ​បាក់​សសរស្ពាន​ចំនួន​២ និង​គ្មាន​លិខិតអនុញ្ញាត​ពីសា​ម៉ី​មន្ទីរ​ ​

ខេត្តកំពង់ឆ្នាំង​៖ សមត្ថកិច្ច​ចម្រុះ​មាន​មន្ត្រី​ជំនាញ កងកម្លាំងប្រដាប់អាវុធ និង​អជ្ញាធរ​មូលដ្ឋាន​ឃុំ និង​​ស្រុក កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃទី ០៥​ខែ​វិឆ្ឆិកា ឆ្នាំ​២០១៤ បាន​ចុះ​ទៅធ្វើ​ការឃាត់ ការ ណូ​ត​បូម​ខ្សាច់​ចំនួន​៣​គ្រឿង​ដែល​បាន​កំពុង​ធ្វើ​សកម្មភាព​បូម​ខ្សាច់​ដាក់​កាណូត​នៅ​ចុង​ស្ទឹង​បរិបូ​ណ៏ ចំណុច​ក្បាលកោះ ស្ថិតក្នុង​ភូមិ​ផ្សារ ឃុំ​ផ្សារ​ស្រុក បរិបូ​ណ៏​។ ការចុះ​ឃាត់​កាណូត​បូម​ខ្សាច់​នេះ​គឺ​បន្ទាប់ ពី​បាន​អាជ្ញាធរ​ស្រុក​ទទួលបាន​ពាក្យបណ្តឹង​ចំនួន​២ គឺ​ទី​១ របស់​ប្រជាពលរដ្ឋ​ថា​កាណូត​បូម​ខ្សាច់​នេះ​បាន​ធ្វើះ​អោយ​បាក់​សសរស្ពាន​របស់​ពួកគាត់​អស់​ចំនួន​២​សសរ  និង​ទី​២​គឺ​បណ្តឹង​របស់​មន្ត្រី​ជំនាញ គឺ​មន្ទីរ​រ៉ែ​និង​ឋា​ម​ពល ថា​បូម​ខ្សាច់​ដោយ​គ្មាន​ការអនុញ្ញាត ។​
​    ​លោក ថា​ន់ សា​រុំ អភិបាលរង​ស្រុក​បាន​មានប្រសាសន៍ថា កាណូត​បូម​ខ្សាច់​ទាំង​៣​គ្រឿង​នេះ​​ជា​របស់​ប្រជាពលរដ្ឋ​រស់នៅ​ភូមិ​ត្អួ​រលំ ស្រុក​កំពង់លែង ដោយ​ពួកគាត់​បាន​ប្រាប់ថា បូម​ខ្សាច់​យកទៅលក់​អោយ​ព្រះសង្ឃ​កសាង​ព្រះវិហារ​ក្នុង​វត្ត ។ ពួកគាត់​ប្រាប់ថា​ការ​បូម​ខ្សាច់​នេះ​មិនបាន​ដឹងថា​ខុស​ឬ​ត្រូវ ច្បាប់​អី​នោះទេ ។ កាណូត​បូម​ខ្សាច់​របស់​ពួកគាត់​គឺ​ចំណុះ​៧​ម៉ែត្រគូប​ក្នុង​មួយ​កាណូត ដែល​សកម្មភាព​
​របស់​ពួកគាត់​បានធ្វើ​ជាច្រើន​ថ្ងៃ​មកហើយ និង​បានធ្វើអោយ​បាក់​សសរស្ពាន​ចំនួន​២​របស់​ប្រជាពលរដ្ឋ​​ដែល​សសរស្ពាន​នោះ​ខែ​នេះ​បាន​លិច​បាត់​ក្នុង​ទឹក តែ​ខែប្រាំង​វិញ​គឺ​សម្រាប់​បងប្អូន​ប្រជាពលរដ្ឋ ដើរ​ឆ្លងកាត់​។  ចំណែក​មួយវិញទៀត​ការ​បូម​យក​ខ្សាច់​នេះ​ក៏បាន​ធ្វើអោយប៉ះពាល់​ដល់​ធម្មជាតិ​ក្នុង ទឹក​និង​ក្រោម​ដី និង​គ្មាន​ច្បាប់​អនុញ្ញាត​ពី​មន្ទីរ​រ៉ែ​និង​ឋា​ម​ពល​នោះដែរ ដោយហេតុ​នេះហើយ​ទើប​អាជ្ញាធរ​ដឹកនាំ​សមត្ថកិច្ច​ចម្រុះ​ម​កប​ង្រា្ក​ប​និង​ទប់ស្កាត់ ជាបន្ទាន់​។
​    ​លោក​អភិបាលរង​ស្រុក​បាន​បន្តថា ក្រោយពី​ស្តាប់​ហេតុផល​របស់​ប្រជាពលរដ្ឋ​ដែលជា​អ្នក​បូម ខ្សាច់​នោះ​រួចមក លោក​បាន​ឆ្លង​យោបល់​ដល់​លោក​អភិបាលខេត្ត ហើយ​បានអោយ​អប់រំ​ពួកគាត់​បញ្ឈប់ ជាបន្ទាន់​នូវ​សកម្មភាព​បូម​ខ្សាច់​នេះ​តទៅទៀត និង​បានដាក់​កំ​ហឹ​ត​អោយ​ពួកគាត់​ជួសជុល​សសរស្ពាន ដែល​ខូចខាត​នោះ​ជូន​ប្រជាពលរដ្ឋ​វិញ​នៅពេល​រដូវ​ទឹក​ស្រក ។
​    ​ក្រោយពី​មានការ​ព្រមព្រាងគ្នា​ជួស​ជុស​ជុល​សសរស្ពាន​ហើយ​អាជ្ញាធរ​ស្រុក​បាន​នាំ​ប្រជាពលរដ្ឋ​​ទាំងនោះ មក​ធ្វើ​កិច្ចសន្យា​បញ្ឈប់​ការ​បូម​ខ្សាច់​នៅ​តំបន់​នោះ និង​កិច្ចសន្យា​ជួសជុល​សសរស្ពាន​ឡើងវិញ​​ជា​លាយលក្ខណ៍អក្សរ​ដើម្បី​ទុកជា​ប្រ​យោ​ជ​ន៏​ដល់​ផ្លូវច្បាប់​ទៅ​ថ្ងៃក្រោយ​ផងដែរ​៕​ពៅ សុខ​ហ៊ាន​q1a5q3

Copyright © 2010-2021 · អរិយធម៌ · All Rights Reserved.
Develop by Sek Sathya