ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » រថយន្តឡិចស៊ីស ៤៧០ បើកបុកម៉ូតូសង់កូរ៉េមនុស្សម្នាក់រងរបួសធ្ងន់ធ្ងរ

រថយន្តឡិចស៊ីស ៤៧០ បើកបុកម៉ូតូសង់កូរ៉េមនុស្សម្នាក់រងរបួសធ្ងន់ធ្ងរ

ភ្នំពេញ ៖ បុរសម្នាក់ត្រូវរងរបួសធ្ងន់ធ្ងរ ខណៈរូបគេជិះម៉ូតូសង់កូរ៉េ មួយគ្រឿង ហើយត្រូវរថយន្តឡិចស៊ីស ៤៧០ មួយដែលកំពុងបើកបរក្នុងល្បឿនលឿន ជ្រុលបុកចំពីមុខយ៉ាងពេញទំហឹង កាលពីវេលាម៉ោង ២២​និង ១០ នាទីយប់ថ្ងៃទី ១១ខែ សីហា ឆ្នាំ ២០១៣ នៅចំណុចមុខយានដ្ឋានវឌ្ឍនៈ ផ្លូវលេខ៥៩៨ ក្រុមទី ១៣ ភូមិទួលគោក សង្កាត់ទួលសង្កែ ខណ្ឌឬស្សីកែវ ។

ជុំវិញហេតុការណ៍នេះសមត្ថកិច្ចបានឲ្យដឹងថា មានរថយន្តឡិចស៊ីស​៤៧០ ពណ៌ស បើកបរ ដោយបុរស ម្នាក់ធ្វើដំណើរតាមបណ្តោយផ្លូវលេខ ៥៩៨ ក្នុងទិសដៅពីជើងទៅត្បូង ដោយបានបើកយ៉ាងលឿន រេចុះរេឡើង ពេញទំហឹង ខណៈបើកដល់ចំណុចកើតហេតុខាងលើបានរេចង្កូតរថយន្តបុករះម៉ូតូសង់កូរ៉េ ពណ៌ក្រហម ពាក់​ស្លាក​ឃ ០១១៨ ភព ១ បើកដោយបុរសម្នាក់ យ៉ាងពេញទំហឹង បណ្តាលឲ្យបុរសម្នាក់ជាអ្នកជិះម៉ូតូ សង់ កូរ៉េ ត្រូវបោកក្បាលនឹងថ្នល់ រងរបួសធ្ងន់ធ្ងរ បានរថយន្តសាមុយមកដឹកយកទៅសង្គ្រោះនៅមន្ទីរពេទ្យភ្លាម ៗ ។​

គួរបញ្ជាក់ថា ក្រោយកើតហេតុរថយន្តឡិចស៊ីស ៤៧០ បានបើក រថយន្តរត់គេចខ្លួនបាត់ស្រមោល ដោយមិននៅរង់ចាំ ដោះស្រាយសំណងជូនភាគីរង់គ្រោះឡើយ។ យ៉ាងណាមិញ នេះជាទង្វើរបស់ អ្នកមានទ្រព្យសម្បត្តិ មួយចំនួន ដែលបើកបររថយន្តបង្កគ្រោះថ្នាក់ហើយមិននៅទទួលខុសត្រូវ ។ ក្រោយកើតហេតុ ម៉ូតូសង់កូរ៉េ របស់បុរសដែលរងរបួសត្រូវបាន សមត្ថកិច្ចមូលដ្ឋានចុះមកអន្តរាគមន៍​ធ្វើការវាស់វែងអូសយកទៅរក្សាទុកនៅទីស្នាក់ការនគរបាលប៉ុស្តិ៍រង់ចាំ ទំនាក់ទំនង​ទៅក្រុមគ្រួសារ ឲ្យមកទទួលយកទៅវិញ ៕

Copyright © 2010-2021 · អរិយធម៌ · All Rights Reserved.
Develop by Sek Sathya