ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » Range Rover បុក​អ្នកលក់​មីឆា​របួសធ្ងន់ ព្យា​បើក​គេច​ទៅបុក​បង្គោល​ភ្លើង​

Range Rover បុក​អ្នកលក់​មីឆា​របួសធ្ងន់ ព្យា​បើក​គេច​ទៅបុក​បង្គោល​ភ្លើង​

​ភ្នំពេញ​៖ អ្នកលក់​មីឆា​ពីរ​នាក់​ប្តី​ប្រពន្ធ​ត្រូវ​រងរបួស​ធ្ងន់ធ្ងរ​ប​ន្ទា​ប់​ពី​មាន យុវជន​ប្រុស​ស្រី​មួយក្រុម បើករថយន្ត​ស៊េរី​ទំនើប​មួយគ្រឿង​ម៉ាក  Range Rover  ក្នុង​ល្បឿន​លឿន ជ្រុល​បុក​រះ​ពេញទំហឹង នៅ​ចំណុច​ផ្លូវ​ព្រះមុន្នីវង្ស កែង​នឹង ផ្លូវ​លេខ ៨៤ ស្ថិតក្នុង​សង្កាត់​ស្រះចក ខណ្ឌដូនពេញ កាលពី​វេលា​ម៉ោង ១២ និង ០០​នាទី​យប់​រំលង​អា​ធ្រា​ត្រ ។​

​ប្រភពព័ត៌មាន​ពីសា​ក្សី ដែល​បានឃើញ​ហេតុការណ៍ នៅ​មុនពេល​កើតហេតុ​គេ​ស​ង្គេ​ត ឃើញ យុវជន​ប្រុស​ស្រី​មួយក្រុម​ដែលមាន​គ្នា​៥​នាក់ ក្នុងនោះ​ប្រុស​ម្នាក់ ស្រី​៤​នាក់ បើកបរ​រថយន្ត​ស៊េរី​ទំនើប​មួយគ្រឿង ម៉ាក Range Rover  ពណ៌​ស គ្មាន​ស្លាក​លេខ ជិះ​ធ្វើដំណើរ​តាម​បណ្តោយ​ផ្លូវ​ព្រះមុន្នីវង្ស ទិសដៅ​ពី​ត្បូង​ទៅ​ជើង ក្នុង​ល្បឿន​យ៉ាង លឿន លុះ​មកដល់​ចំណុចកើតហេតុ​ស្រាប់តែ​ជ្រុល​ល្បឿន​រេ​ចង្កូត​បុក​រះ​ចូល​កន្លែង លក់​មីឆា ដែលមាន​ទីតាំង​ទល់មុខ មន្ទីរពេទ្យ​កាល់ម៉ែ​ត្រ បណ្តាលអោយ​ប្តី​ប្រពន្ធ​ពីរ​នាក់​ដែលជា​អ្នកលក់​មីឆា រងរបួស​ធ្ងន់ធ្ងរ​ទាំ​ង​ពីរ​នាក់​។
​ចំណែក​រថយន្ត​បង្ក​បាន ព្យាយាម​បើក​រត់គេចខ្លួន តែ​សំណាងអាក្រក់​ខណៈ​បើក​ដល់​ចំណុច​ផ្លូវ​លេខ ៨៦ កែង​នឹង​ផ្លូវ​លេខ​៦៥ ក៏​ជ្រុល​ទៅបុក​នឹង បង្គោល​ភ្លើង​ពេញទំហឹង​បណ្តាលអោយ​រថយន្ត​រង​ការខូចខាត​ផ្នែក​ខាងមុខ​មិនអាច បន្តដំណើរ​ទៅបាន​។​

​ប្រភព​ដដែល​បាន​បន្តថា ក្រោយពេល​កើតហេតុ​ភ្លាមៗ គេ​ស​ង្គេ​ត​ឃើញ​យុវជន​ប្រុស​ស្រី​៥​នាក់ ក្នុងនោះ​ប្រុស​ម្នាក់ បាន​បើកទ្វារ​ចេញពី​រថយន្ត​ហើយ​រត់គេចខ្លួន​បាត់ស្រមោល​បីនាក់ សូន្យឈឹង​។ នៅសល់តែ​នារី​វ័យក្មេង​ពីរ​នាក់ ក្នុងចំណោម​៥​នាក់​ខាងលើ គឺ​មិនបាន​រត់គេចខ្លួន​នោះទេ​ហើយ​បញ្ជាក់​ប្រាប់ថា គេ​មិន​រត់គេច​ទៅណា​ទៀត​ទេ​គឺ រងចាំ​សាច់ញាតិ​របស់ខ្លួន​មក​ដោះស្រាយ​។​

​សមត្ថកិច្ច​មូលដ្ឋាន​បាន សហការ​ជាមួយ​ជំនាញ​ចុះ​អន្តរាគមន៍​វាស់វែង ស្ទូច​យក​រថយន្ត បង្ក​ខាងលើ​ទៅ​រក្សាទុក​នៅ​ការិយាល័យ​ចរាចរណ៍​ជើងគោក​រាជធានី​ភ្នំពេញ រងចាំ​ដោះស្រាយ​តាមផ្លូវ​ច្បាប់​៕
bb

Copyright © 2010-2021 · អរិយធម៌ · All Rights Reserved.
Develop by Sek Sathya