ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||   

» ព័ត៌មានជាតិ » អភិបាល​រាជធានីភ្នំពេញ ត្រួតពិនិត្យ​ស្ថានីយបូម​ទឹកត្រៀម​លក្ខណៈ​ការពារជំនន់ទឹកភ្លៀង

អភិបាល​រាជធានីភ្នំពេញ ត្រួតពិនិត្យ​ស្ថានីយបូម​ទឹកត្រៀម​លក្ខណៈ​ការពារជំនន់ទឹកភ្លៀង

ភ្នំពេញៈ អភិបាលរាជធានី ភ្នំពេញ លោក ប៉ា សុជាតិវង្ស នារសៀលថ្ងៃទី៧ ខែសីហា ឆ្នាំ២០១៣ នេះ បានចុះ ត្រួតពិនិត្យ ស្ថានីយបូមទឹក បឹងត្របែក ត្រៀមលក្ខណៈ ទុកជាមុន ដើម្បីបង្ការជំនន់ទឹកភ្លៀង ក៏ដូចជា គ្រោះទឹក ជំនន់ ដែលអាចកើតមាន នារដូវរស្សាខាងមុខនេះ ។

លោក ប៉ា សុជាតិវង្ស បានថ្លែងថា កន្លងមករាជធានីភ្នំពេញ បានទទួលការគំរាមកំហែង ពីជំនន់ទឹកភ្លៀង ក៏ដូច ជាគ្រោះធម្មជាតិ ដូច្នេះការចុះត្រួតពិនិត្យ ស្ថានីយបូមទឹក នាពេលនេះ គឺដើម្បីត្រៀមបម្រុង លក្ខណៈសម្បត្តិទុក ជាមុន ដើម្បីជួយដល់ប្រជាពលរដ្ឋ ដែលរងនូវការលិចលង់ ដោយជំនន់ទឹកភ្លៀង ក៏ដូនជាជន់លិច ពីតំបន់ផ្សេងៗ ។

លោក បានបន្តទៀតថា បច្ចុប្បន្ននេះ ស្ថានីយបូមទឹកនៅក្នុងរាជធានីភ្នំពេញ មានទាំងអស់ចំនួន១០ នៅជុំវិញខ្សែ ក្រវាត់ក្រុង ប៉ុន្តែសមត្ថភាព ក្នុងការបូមទឹកនោះ គឺពុំគ្រប់គ្រាន់ទេ ស្ថានីយទាំងនោះ មានលទ្ធភាព បូមទឹកបាន ត្រឹមតែ៨ ម៉ែត្រគីប ក្នុងមួយវិនាទី គឺមិនអាចបូមបានតាមស្តង់ដារ រហូតដល់ ១៥ម៉ែត្រគីប ក្នុងមួយវិនាទីនោះទេ ដូច្នេះនៅពេលមានភ្លៀងធំម្តងៗ តំបន់ខ្លះអាច លិចលង់ពី៣ ម៉ោង ទៅ៥ ម៉ោង ។

ជាមួយគ្នានោះដែរ លោកអភិបាលរាជធានីភ្នំពេញ ក៏បានធ្វើការអំពាវនាវ ដល់ប្រជាពលរដ្ឋចាប់ពី ពេលនេះ តទៅសូម ឈប់រំលោភបំពាន ដីមាត់បឹងធ្វើជាកន្លែងស្នាក់នៅ ហើយអ្នកដែលបាន យកដី មាត់បឹង មាត់អាងស្តុកទឹក អាជ្ញាធរនឹងខិតខំ រកដំណោះស្រាយឲ្យបានល្អប្រសើរ ដើម្បីរួមគ្នាថែរក្សាហេដ្ឋា រចនាសម្ព័ន្ធរាជធានីភ្នំពេញ ។ ឯអាជ្ញាធរ មូលដ្ឋានវិញត្រូវ សហការគ្នាជាមួយប្រជាពលរដ្ឋ ធ្វើការត្រួត ពិនិត្យអណ្តូង លូមុខផ្ទះ ហើយនៅពេលមានភ្លៀង ធ្លាក់ ត្រូវពិនិត្យមើលទឹក ដែលហូរចូលប្រអប់លូ ដើម្បីរួមគ្នាបញ្ឈប់ ការលិចលង់ទីក្រុង ៕

ដោយ៖ សហការី

 

Copyright © 2010-2021 · អរិយធម៌ · All Rights Reserved.
Develop by Sek Sathya