ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » ផឹក​ស៊ីស្រវឹង​ស្ទាប​គូទ​គូដណ្ដឹង​​គេបង្ក​ជា​ទំនាស់ផ្អើលពេញហាង

ផឹក​ស៊ីស្រវឹង​ស្ទាប​គូទ​គូដណ្ដឹង​​គេបង្ក​ជា​ទំនាស់ផ្អើលពេញហាង

ភ្នំពេញ ​៖ សមត្ថកិច្ចកងរាជអាវុធហត្ថខណ្ឌចំការមន បានចុះអន្តរាគមន៍ឃាត់ខ្លួនបុរសពីរនាក់ និងដកហូតបានកាំភ្លើងខ្លីម៉ាក K ៥៩  2 ដើម ខណៈដែលពួកគេចូលមកផឹកស៊ីក្នុងហាងយីហោ កុលាបបូកគោ ហើយស្រវឹងបានបន្លំស្ទាបគូទនារីម្នាក់ ដែលត្រូវជា​គូដ​ណ្ដឹង​របស់​គេ បណ្តាលឲ្យកើតមានទំនាស់ភ្ញាក់ផ្អើល​ទៅដល់ ភ្ញៀវជាច្រើននាក់ទៀតដែលកំពុងហូបអាហារក្នុងហាង ។

សភាពការណ៍នេះកើតឡើងកាលពីវេលាម៉ោង ២៣ និង ១០ នាទីយប់ថ្ងៃទី ០៨ ខែសីហា ឆ្នាំ ២០១៣ នៅចំណុចផ្លូវលេខ ៩៥ ក្នុងសង្កាត់បឹងកេងកង ៣ ខណ្ឌចំការមន ។

យោងតាមសេចក្តីរាយការណ៍ពីកន្លែងកើតហេតុបានឲ្យដឹងថា មុនកើតហេតុមានបុរស  ២ នាក់ត្រូវ​បាន​គេស្គាល់ថា ទាហានក្រុមឆត្រយោង លេខ ៩១១ស្លៀក​ពាក់ស៊ីវិល​និង​មានកាំភ្លើងខ្លី​ម្នាក់​មួយដើម​ជាប់​ខ្លូន​ទៀត​ រួច បាន​ចូលទៅផឹកស៊ីក្នុងហាងយីហោ កុលាប​បូកគោ ជាមួយគ្នា រហូតពេលផឹកស៊ីស្រវឹងជោកខ្លួន បានឡូឡា ពេញហាង ខណៈនោះកើតអារម្មណ៍បានយកដៃទៅលូកលាន់ស្ទាបគូទនារី ម្នាក់ជាភ្ញៀវ ដែលចូលមកបរិភោគ អាហារក្នុងហាងខាងលើនេះ ដោយស្មានថាជានារីបម្រើការក្នុងហាង ភ្លាមៗក៏ ត្រូវនារីខាងលើនេះស្រែកឆោម ឡោ ធ្វើឲ្យផ្អើលដល់ភ្ញៀវដទៃទៀត ហើយនារីម្នាក់នោះបានដើរ ទៅប្រាប់គូដណ្ដឹងរបស់ខ្លួន បណ្តាល​ឲ្យបុរសដែលត្រូវជាគូ ដណ្តឹងរបស់នារីខាងលើនេះទ្រាំមិនបាន ក៏សម្រេចដើរទៅសួរ ភាគី​ជា​ទាហានឆត្រយោង ។ ពេលនេះ​បណ្តាល​ឲ្យ​មានការទាស់ពាក្យ សម្តីគ្នា ក្នុងហាង ផ្អើលដល់ថៅកែហាងមកជួយអន្តរាគមន៍សម្របសម្រួលរវាងភាគីទាំង ២ ប៉ុន្តែ ដោយសារ ក្រុមទាហានខាងលើនេះនិយាយពាក្យមិនសមរម្យជាមួយភាគីនារីរងគ្រោះ ថៅកែហាងក៏បាន ហៅសមត្ថកិច្ចកងរាជអាវុធហត្ថខណ្ឌចំការមនចុះមកអន្តរាគមន៍ឃាត់ខ្លួនក្រុមទាហាន ២ នាក់ និងដក ហូតយក កាំភ្លើងខ្លី របស់ពួកគេ ចំនួន ២ ដើម យកទៅកាន់ទីបញ្ជាការកងរាជ អាវុធហត្ថខណ្ឌ ចំការមន ដើម្បីបន្តធ្វើការ សាកសួរ ។

សមត្ថកិច្ចបានឲ្យដឹងថា ទាហាន  ២ នាក់ខាងលើនេះ ទី១ ឈ្មោះចាង ភីអ៊ីវ​ និង ទី ២ ឈ្មោះ ស៊ិន វុទ្ធី ជាទាហានឆត្រយោងលេខ៩១១ដូចគ្នា   ចំណែកនារីរងគ្រោះមិនត្រូវបាន ស្គាល់ អត្តសញ្ញាណនោះទេ ។ បច្ចុប្បន្ននារីរងគ្រោះបានទៅដាក់ពាក្យបណ្តឹងនៅទីបញ្ជាការកងរាជអាវុធហត្ថ ខណ្ឌចំការមន ពីបទបៀតបៀនកេរខ្មាសរបស់នាងទាំងកណ្តាលចំណោមមនុស្សក្នុងហាងកុលាបបូកគោ។ ដូច្នេះ ទាហានទាំង ២ នាក់នេះត្រូវបានសមត្ថកិច្ចសម្រេចឃាត់ខ្លួនបណ្តោះអាសន្ន រង់ចាំដោះស្រាយ ទៅតាមផ្លូវច្បាប់៕

ដោយ៖ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya