ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » ប៉ូលិស​​ការពារ​​ព្រំ​ដែន​​៨៩១រងនូវការ​ចោទប្រកាន់ថា ឃុប​ឃិត​​ជា​មួយ​​ឈ្មួញ​នាំ​ទំនិញ​គេច​ពន្ធ​

ប៉ូលិស​​ការពារ​​ព្រំ​ដែន​​៨៩១រងនូវការ​ចោទប្រកាន់ថា ឃុប​ឃិត​​ជា​មួយ​​ឈ្មួញ​នាំ​ទំនិញ​គេច​ពន្ធ​

បន្ទាយមានជ័យ​៖ ​សមត្ថកិច្ច​ប៉ូលិស​ការ​ពារ​ព្រំដែន​៨៩១​ត្រូវបានប្រជាពលរដ្ឋចោទប្រកាន់ថា កំពុង​តែ​ឃុប​ឃិត​ជា​មួយ​ឈ្មួញ​នាំ​ទំ​និញ​គេច​ពន្ធ​ពី​ថៃ​គ្រប់​ប្រភេទ​ចូល​មក​កម្ពុជា​ តាម​រយៈ​ប្រើ​ក្បូន​ដឹក​ជញ្ជូន​ចម្លង​អូរ​នៅ​ប៉ែក​ខាង​ត្បូង​ច្រក​អន្តរ​ជាតិ​ប៉ោយ​ប៉ែត​ខេត្ត​បន្ទាយ​មានជ័យ​ជា​រៀង​រាល់​ថ្ងៃ​។

ប្រភព​ព័ត៌​មាន​ពី​ក្រុង​ប៉ោយ​ប៉ែត​ បាន​អោយ​ដឹង​ថា​ជា​រៀង​រាល់​ថ្ងៃ​មាន​ទំនិញ​គេច​ពន្ធ​គ្រប់​ប្រភេទ​ដូច​ជា​ ទំនិញ​ចាប់​ហួយ​សំបក​ដប ​ឧស្ម័ន​ហ្គាស​និង​ទំនិញផ្សេងៗ​ជា​ច្រើន​ត្រូវ​បាន​ឈ្មួញ​ឃុប​ឃិត​ជា​មួយ​សមត្ថកិច្ច​ប៉ូលិស​​ការ​ពារ​ព្រំដែន​នាំ​ចូល​មក​កម្ពុជា​។ច្រក​របៀង​ដែល​នាំ​ចូល​ភាគ​ច្រើន​រួម​មាន​ច្រក​ម៉ុង​ចិន​ ច្រក​គីឡូ​ម៉ែត្រ ​លេខ៤ ច្រក​ឡុង​សំណាង​ដែល​ស្ថិត​នៅ​​ខាងក្រោយ​សាលា​ក្រុង​ប៉ោយ​ប៉ែត​​ប្រមាណជា​​១០០០ម៉ែត្រ​ដែល​ច្រក​ទាំង​នេះ​គ្រប់គ្រង​ដោយ​នគរ​បាល​វរៈការពារ​ព្រំដែន​​៨៩១​។

ក្នុងនោះ​ច្រក​ដែលនាំចូល​ទំនិញ​ជា​ប្រចាំ​ដោយ​ពុំ​ខ្លាច​សមត្ថកិច្ច​គយ​ឬ​សមត្ថកិច្ច​ដទៃ​គឺ​ច្រក​ដែល​គ្រប់គ្រង​ដោយ​ឈ្មោះ ​ឡុង​សំណាង​ជា​មេបញ្ជា​ការរង​នគរ​បាល​ការពារ​ព្រំដែន​៨៩១​ដែល​មាន​ច្រក​របស់​ខ្លួន​នាំចូលនូវ​ទំនិញ​គ្រប់​ប្រភេទ​ដូច​ជា​ សត្វ​មាន់ ​,លោក​ ឆែម​ ចំប៉ា​ មេប៉ុស្តិ៍​គីឡូ​ម៉ែត្រ​លេខ​៤​នាំចូល​ទំនិញ​ចាប់​ហួយ​និង​សំបកដប​, លោក ​ភោគ​ វិបុល​មេប៉ុស្តិ៍​បុរីថ្មី​នាំ​ចូល​ឧស្ម័ន​ហ្គាស​និង​សត្វ​ជ្រូក​។​ច្រក​សំខាន់ៗ​ទាំង​៣នេះ​ក្រៅ​ពី​ទំនិញ​នាំ​ចូល​គឺ​នៅ​មានទំនិញ​ដែល​នាំ​ចេញ​ទៅ​ប្រទេស​ថៃ​ដូច​ជា​ស្រូវ​អង្ករ​ ខោអាវគីប​។

ការ​នាំទំនិញ​ចេញ​និង​ចូលឆ្លង​អូរព្រំដែន​បាន​គឺ​ដោយ​សារ​តែ​មាន​ការ​ត្រូវរ៉ូវ​រវាង​ឈ្មួញ​និង​សមត្ថកិច្ច​ក្នុងនោះ​សមត្ថកិច្ច​បាន​ធ្វើក្បូន​​ទុកជា​ប្រចាំសម្រាប់​ដឹក​ទំនិញ​ឆ្លងអូរ​ដែល​ខុស​ពី​មុន​ពួក​គេ​ពុំ​ប្រើ​ក្បូន​ដោយ​ប្រើ​ខ្សែកាប​​សម្រាប់​អូរ​ជញ្ជូន​ទំនិញ​ទាំង​ទៅ​ទាំង​មក​។

មន្រ្តីនគរ​បាលការពារ​ព្រំដែន​ដែលប្រចាំការ​តាម​ច្រក​ខាង​លើ​ធ្លាប់ ​បាន​អោយ​ដឹង​ថា​ការ​នាំ​ទំនិញ​ចូល​និង​ចេញ​គឺគ្រាន់​បាន​ថវិកា​សម្រាប់​ឧបត្ថម្ភ​ដល់​កង​កម្លាំង​ដែល​ឈរ​ជើង​តាម​ព្រំដែន​ហើយ​ការ​នាំ​ចូល​ទាំងនេះ​វាសុទ្ធ​តែ​មាន​ការ​ត្រូវ​រ៉ូវ​គ្រប់​សមត្ថកិច្ច​បើ​មិន​ដូ​ច្នោះ​ទំនិញ​ទាំង​នេះ​ក៏​មិន​អាច​នាំចូល​ដល់​ក្នុង​ទីផ្សារ​បាន​ដែរ​។ក្នុង១​ថ្ងៃៗ​មាន​ទំនិញ​គេច​ពន្ធ​ជា​ច្រើន​ដែល​ពុំ​បាន​បង់​ពន្ធ​ចូល​រដ្ឋ​គឺ​បាន​លុយ​ចូល​ត្រឹម​តែ​ហោ​ប៉ៅ​របស់​សមត្ថកិច្ច​ដូច​ជា​ គយ ​និងប៉ូលិស​ជា​ដើម​។ ពាក់ព័ន្ធករណីនេះ សារព័ត៌មានអរិយធម៌ នារសៀលថ្ងៃ ទី៩សីហា បានព្យាយាមទំនាក់ទំនងទៅលោកមេបញ្ជាការនគរបាលការពារព្រំដែនខាងលើនេះដែរ តែមិនអាចទំនាក់ទំនងបាន ៕

ដោយសហការី

 

Copyright © 2010-2021 · អរិយធម៌ · All Rights Reserved.
Develop by Sek Sathya