ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||     ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||   

» ព័ត៌មានជាតិ » ឡាន​បើកបុកម៉ូតូ​២គ្រឿង​បណ្តាល​ឲ្យឡាន​ក្រឡាប់ផ្ងារជើង​ច្រងាង

ឡាន​បើកបុកម៉ូតូ​២គ្រឿង​បណ្តាល​ឲ្យឡាន​ក្រឡាប់ផ្ងារជើង​ច្រងាង

ភ្នំពេញ៖ ហេតុការណ៍គ្រោះថ្នាក់ចរាចរណ៍មួយដែលបង្កឡើងដោយសារ រថយន្តមួយគ្រឿងម៉ាក ហ៊ីយ៉ានដាយ ដឹកដែលលក់អេតចាយ លើសចំណុះ បានជ្រុលទៅបុកម៉ូតូពីរគ្រឿងបន្តកន្ទុយគ្នា បណ្តាលឲ្យរថយន្តក្រឡាប់ផ្ងារជើងច្រងាង ចំណែកម្ចាស់ម៉ូតូទាំងពីគ្រឿង​ត្រូវរងរបួសធ្ងន់។ ហេតុការណ៍នេះបានកើតឡើងកាលពីវេលាម៉ោង ២០និង៣០នាទីយប់ ថ្ងៃទី៩ ខែសីហា ឆ្នាំ២០១៣ នៅចំណុចផ្លូវលេខ៣៧១ កែងផ្លូវមុនីរ៉េត ក្នុងសង្កាត់ស្ទឹងមានជ័យ ខណ្ឌមានជ័យ។

តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ​ រថយន្តហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3B-1303 បានធ្វើដំណើរតាមបណ្តោយផ្លូវលេខ៣៧១ ក្នុងទិសដៅពីជើងទៅត្បូង ខណៈមកដល់ចំណុចកើតហេតុខាងលើ ស្រាប់តែរថយន្តបានរេចង្កូតជ្រុលទៅបុកម៉ូតូមួយគ្រឿងម៉ាក គុបជ្រុង ហើយបន្តជ្រុលទៅបុកម៉ូតូមួយគ្រឿងទៀត ម៉ាក សង់កូរ៉េ ពណ៌ក្រហម ដែលម៉ូតូទាំងពីរ គ្រឿងនេះបានជិះក្នុងទិសដៅត្បូងទៅលិច បណ្តាលឲ្យដួលប្រាវបោកខ្លួនទៅនឹងថ្នល់ រងរបួសធ្ងន់អ្នក ជិះម៉ូតូទាំងពីរនាក់ ចំណែករថយន្តក្រឡាបផ្ងារជើងច្រងាង។

ក្រោយពេលកើតហេតុ សមត្ថកិច្ចមូលដ្ឋាន និងនគរបាលចរាចរបានចុះអន្តរាគមន៍ ហៅរថយន្តសាមុយឲ្យ មកដឹកបុរសគ្រោះទាំងពីរនាក់ខាងលើ ទៅសង្គ្រោះបន្ទាន់នៅមន្ទីរពេទ្យ និងធ្វើការវាស់វែងដកហូត ម៉ូតូទាំងពីរគ្រឿង ព្រមទាំងរថយន្តនិងអ្នកបើកបរ យកទៅកាន់អធិការដ្ឋាននគរបាលខណ្ឌមានជ័យ រង់ចាំដោះស្រាយតាមនីតិវិធីច្បាប់ ។

ដោយឡែកក្នុងហេតុការណ៍ខាងលើនេះ សមត្ថកិច្ចនៅមិនទាន់អាចបញ្ជាក់អត្តសញ្ញាណរបស់ជនរងគ្រោះ និងអ្នកបើកបររថយន្តបង្កបាននៅឡើយទេ ដោយសារអ្នកបើកបររថយន្តសមត្ថកិច្ចកំពុងធ្វើការសួរនាំ រី​ឯជនរងគ្រោះរបួសធ្ងន់ សន្លប់ឈឹង ត្រូវបញ្ជូនទៅសង្គ្រោះនៅមន្ទីរពេទ្យ។
គួរបញ្ជាក់ថា ហេតុការណ៍គ្រោះថ្នាក់ចរាចរណ៍នេះគឺបង្កឡើងដោយសារ រថយន្តហ៊ីយ៉ានដាយ ដឹកដែក លើសចំណុះ ជាហេតុធ្វើឲ្យរេចង្កូត និងជ្រុលល្បឿនបុកអ្នកដំណើរបណ្តាលឲ្យរងរបួសធ្ងន់បែបនេះ៕

Copyright © 2010-2021 · អរិយធម៌ · All Rights Reserved.
Develop by Sek Sathya