ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ២​ នាក់ ឪពុក និង​​កូន របួស ដោយសាររថយន្តបុក

២​ នាក់ ឪពុក និង​​កូន របួស ដោយសាររថយន្តបុក

ភ្នំពេញ: ២ នាក់​ឪពុក និង​កូន បាន​រងរបួស​ធ្ងន់ ដោយសារ​បុរស​ស្រវឹងស្រា​ម្នាក់ បើករថយន្ត​ម៉ែរ​សឺ​ដេ​ស ទៅបុក​រ៉ឺម៉ក​ម៉ូតូ​។ អ្នកឃើញ​ហេតុការណ៍ បាន​ឌុប​អ្នកបើក​រ៉ឺម៉ក​ម៉ូតូ​ដេញ តាម​ទាន់​ទៅ​កាក់​ពីមុខ​រថយន្ត ត្រូវ​រថយន្ត​នោះ បុក​ផ្តួល​រងរបួស​ម្នាក់ទៀត ទើបត្រូវ​សមត្ថកិច្ច​ចាប់​ជាប់​។​

​ គ្រោះថ្នាក់​នេះ កើតឡើង​នៅតាម​ផ្លូវ​តា​ផុន សង្កាត់​បឹងទំពុន ខណ្ឌមានជ័យ កាលពី​វេលា​ម៉ោង ៧ និង ១៥ នាទី យប់​ថ្ងៃទី​៧ ខែសីហា ឆ្នាំ​២០១៣​។

​ ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា រថយន្ត​ម៉ែរ​សឺ​ដេ​ស ថ្មីស្រឡាង ទើបនឹង​ទិញ មិនទាន់មាន​ស្លាក​លេខ​ផង បើកបរ​ដោយ​បុរស​ម្នាក់ មាន​សភាព​ស្រវឹង ធ្វើដំណើរ​ពី​ត្បូង​ទៅ​ជើង ទៅបុក​រ៉ឺម៉ក​ម៉ូតូ ដឹក​កូនប្រុស​អាយុ ១០​ឆ្នាំ បើក​ពី​ជើង​ទៅ​ត្បូង បណ្តាល​ឲ្យ​កូនប្រុស​របួស​ជើង​ទាំងសងខាង​។ ចំណែក​ឪពុក ជា​អ្នកបើក​រ៉ឺម៉ក​ម៉ូតូ​បែកក្បាល​។​

​ ក្រោយពេល​កើតហេតុ រថយន្ត​បង្ក​បាន​បន្ថែម​ល្បឿន​រត់គេច ធ្វើ​អ្នកឃើញ​ហេតុការណ៍​ម្នាក់ ជិះ​ម៉ូតូ​ស្កុប​ពី បាន​ដឹក​បុរស​ជា​អ្នក​រ៉ឺម៉ក​ម៉ូតូ​ដេញ តាម​រថយន្ត​បង្ក​រហូត​ទៅដល់​ចំណុច​ផ្លូវ​លេខ​១៦៣ កែង​៤៧៨ ក្នុង​សង្កាត់​ទួល​ទំពូង​ទី​១ ខណ្ឌចំការមន ទើប​តាម​កាក់​រថយន្ត​ជាប់ ដោយ​ជិះ​ម៉ូតូ​ទៅ​ស្ទាក់​ពីមុខ ស្រាប់តែ​រថយន្ត​បើក​កៀរ​ម៉ូតូ​នោះ បណ្តាល​ឲ្យ​ដួល​រងរបួស​អ្នកបើក​ម៉ូតូ​ម្នាក់ទៀត ទើប​នគរបាល​ខណ្ឌចំការមន ប្រចាំការ​នៅ​ជិត​នោះ ប្រទះឃើញ​ធ្វើការ​ឃាត់​រថយន្ត​នោះ​តែម្ដង​។ បន្ទាប់ពី​ឃាត់​រថយន្ត​នោះ បាន​ហើយ អ្នករងរបួស​ទាំងបី​នាក់ បាន​យកទៅ​ព្យាបាល​នៅ​គ្លីនិក​ឯកជន នៅ​ជិត​កន្លែងកើតហេតុ​។​

​ ក្រោយ​កើតហេតុ អ្នកបើក​ម៉ូតូ​ស្កុប​ពី ត្រូវបាន​ខាង​រថយន្ត ចេញថ្លៃ​ព្យាបាល​របួស ហើយ​សង​ការខូចខាត​ម៉ូតូ ចំនួន ២០ ដុល្លារ ដើម្បី​បញ្ចប់រឿង​មួយ​វគ្គ​សិន​។
​ចំណែក​អ្នកបើក​រ៉ឺម៉ក​ម៉ូតូ រងរបួស​ក្បាល សាច់ញាតិ​រង់ចាំ​ថត​ស្គែ​ន​សិន មិនអាច​ធ្វើការ​ចរចា​គ្នា​បាន ត្រូវ​សមត្ថកិច្ច យក​រថយន្ត​បង្ក និង​រ៉ឺម៉ក​ម៉ូតូ​ដែល​រង​ការខូចខាត​យ៉ាងដំណំ​នោះ យកទៅ​រក្សាទុក​នៅ​អធិការដ្ឋាន​ខណ្ឌមានជ័យ រង់ចាំ​ធ្វើការ​ដោះស្រាយ​បន្តទៀត​៕​

 

Copyright © 2010-2021 · អរិយធម៌ · All Rights Reserved.
Develop by Sek Sathya