ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » កសិករ​កម្ពុជា​ឈាន​ទៅប្រើប្រាស់​គ្រឿងយន្ត​ក្នុងការងារ​កសិកម្មកាន់តែច្រើនឡើងៗ

កសិករ​កម្ពុជា​ឈាន​ទៅប្រើប្រាស់​គ្រឿងយន្ត​ក្នុងការងារ​កសិកម្មកាន់តែច្រើនឡើងៗ

ភ្នំពេញ៖ កម្ពុជាជាប្រទេសកសិកម្មមួយក្នុងចំណោមប្រទេសនានា នៅលើសកលលោក ហើយផលិត ផលកសិកម្មដែលសំខាន់ជាងគេគឺដំណាំស្រូវ ។ ក្រ​សួង​កសិកម្ម​ រុក្ខា​ប្រមាញ់ និង​នេសាទ​ ​នៃ​ប្រទេស​កម្ពុជា​ឲ្យ​ដឹង​ថា ​តាម​ការ​កត់​សម្គាល់​​ប្រ​ជា​កសិករ​ខ្មែរ​ បាន​និង​កំពុង​តែ​ឈាន​ទៅ​ប្រើ​ប្រាស់​គ្រឿង​យន្ត​ ជា​មធ្យោ​បាយ​ធ្វើ​កសិកម្ម​ច្រើន​ឡើងៗ​ នៅ​ទូ​ទាំង​ប្រទេស​។

ម៉ាស៊ីនស្ទូងស្រូវត្រូវបានគេនាំចូលមកលក់នៅក្នុងទីផ្សារនៃប្រទេសកម្ពុជាហើយបន្ទាប់ពីតម្រូវ ការ​ចាំបាច់របស់ប្រជាកសិករកាន់តែកើនឡើងពីមួយឆ្នាំទៅមួយឆ្នាំ។ កត្តាដែលចាំបាច់ត្រូវប្រើ ប្រាស់​ម៉ាស៊ីនស្ទូងស្រូវជំនួសកម្លាំងមនុស្សនោះ គឺបណ្តាលមកពីការខ្វះកម្លាំងពលកម្មលើ​ផ្នែក​នេះកាន់​តែ​ច្រើនទៅៗ និង​មួយ​​ផ្នែកទៀត ​ការ​ប្រើ​កម្លាំង​មនុស្ស ​សម្រាប់​​វិស័យ​នេះ ​មាន​ការ​ធ្លាក់​ចុះ​ថយ ​ដោយ​សារ​ពលករ​ជា​ច្រើន​ងាក​ទៅ​ធ្វើ​ការ​នៅក្នុង​វិស័យ​សំណង់ ​និង​វិស័យ​កាត់ដេរ​ព្រម​​​ទាំង​​ការ​ធ្វើ​ចំណាក​ស្រុក​ទៅធ្វើការ​នៅ​ក្រៅប្រទេស។

ដើម្បី​បំពេញ​កង្វះ​ខាត​កម្លាំង​ពលករ​នេះ ​គ្រឿង​យន្ត​កសិកម្ម​រឹតតែ​ត្រូវ​ការ​ចាំ​បាច់​​សម្រាប់ការ​ធ្វើ​កសិកម្ម​នៅ​កម្ពុជា​ ដូចជា ម៉ាស៊ីនភ្ជូរដី ម៉ាស៊ីនច្រូតស្រូវ និង ម៉ាស៊ីនស្ទូងស្រូវដែល​កសិករ​ត្រូវការជាចាំបាច់។

លោក ចម ប្រសិទ្ធ រដ្ឋមន្រ្តីក្រសួងពាណិជ្ជកម្មបានមានប្រសាសន៍ថា ការ​កើន​ឡើង​នូវ​ការ​ប្រើ​ គ្រឿង​យន្ត​សម្រាប់​វិស័យ​កសិកម្ម​នេះ ​មួយ​ផ្នែក​ដោយ​សារ ​វិស័យ​កសិ​កម្ម​​មាន​ការ​រីក​ចម្រើន ​និង​មួយ​​ផ្នែកទៀត ​ការ​ប្រើ​កម្លាំង​មនុស្ស ​សម្រាប់​​វិស័យ​នេះ ​មាន​ការ​ធ្លាក់​ចុះ​ ​ដោយ​សារ​ពលករ​ជា​ច្រើន​ងាក​ទៅ​ធ្វើ​ការ​នៅក្នុង​វិស័យ​សំណង់ ​និង​វិស័យ​កាត់ដេរ​ព្រម​​​ទាំង​​ការ​ធ្វើ​ចំណាក​ស្រុក​ទៅធ្វើការ​នៅ​ក្រៅ​ប្រទេស​។​ ជាងនេះ​ទៅទៀតការប្រើប្រាស់គ្រឿងយន្តសំរាប់ វិស័យកសិកម្មគឺចំណាយពេលតិចទទួលបានផលច្រើន ដោយសារកត្តាផលិតកម្ម​គឺ​អនុវត្ត​តាម​កម្រិត​ស្តង់ដា ទាំងការធ្វើដី ការស្ទូងស្រូវ ឬ ព្រោះស្រូវ និងការប្រមូល​ផលស្រូវ​ជាដើម។

លោក ចម ប្រសិទ្ធ អះអាងថា កម្ពុជាបានឈានចូលទៅក្នុងយុគ្គសម័យម៉ាស៊ីន ដូច្នេះរាល់ការ ផលិតនាពេលខាងមុខអាចនឹងឈានទៅប្រើប្រាស់គ្រឿងយន្ត ឬ គ្រឿងចក្រ​ចាំបាច់ជាងការ​ប្រើប្រាស់កម្លាំងមនុស្ស ហើយមនុស្សត្រូវវិវត្តទៅរកស្ថានភាពផ្សេងដែលអាចរកកម្រៃបាន​លើសពីការងារកសិកម្មបែបទម្លាប់តគ្នា ។​

ទាក់ទិនទៅនឹងម៉ាស៊ីនស្ទូងស្រូវ លោក សុធា គឺជាអ្នកបំរើការផ្នែកលក់របស់ក្រុមហ៊ុនគ្រឿងយន្ត​កសិកម្ម​គូបូតា បានលើកឡើងថា ម៉ាស៊ីនស្ទូងស្រូវត្រូវបានគេប្រើប្រាស់ជាយូរមកហើយនៅ​តាមបណ្តា​ប្រទេសជឿនលឿន ។ ដោយឡែកនៅកម្ពុជាទើបតែមានការនាំចូលមកប្រហែល ជា៣ឆ្នាំនេះទេ ហើយម៉ាស៊ីនដែលនាំចូលមកតាមរយៈក្រុមហ៊ុនខាងលើនេះមានពីរប្រភេទ គឺ​ប្រភេទដើរតាម និងប្រភេទអង្គុយពីលើ ។ ប្រភេទដើរតាមស្ទូងស្រូវបាន៤ទៅ៦ជួរ​អាចជំនួស​កម្លាំងមនុស្ស​បានពី៨០ទៅ៩០នាក់ ហើយ​សម្រាប់​ប្រភេទអង្គុយពីលើស្ទូងបាន៨ជួរនឹងអាច​ធ្វើការ​ជំនួស​មនុស្សបាន១២០នាក់ ។

លោក សុធា បន្តថា ប្រភេទម៉ាស៊ីនស្ទូងស្រូវនេះ មានភាពងាយស្រួលមែនទែន ព្រោះក្រោយ ពេលទិញ ក្រុមហ៊ុននឹងបញ្ជូនអ្នកបច្ចេកទេសជំនាញទៅជួយបង្ហាត់បង្រៀនតាំងពីរបៀបប្រើ ប្រាស់ របៀប​ធ្វើសំណាបលើថ្នាលសំណាបសិប្បនិម្មិត និងរបៀបប្រើប្រាស់ផ្សេងទៀតពាក់ព័ន្ធ​នឹង​ម៉ាស៊ីនស្ទូងនេះ​ដល់កសិករ។​ ចំពោះថាមពលផលិតរបស់វាគឺមួយថ្ងៃអាចស្ទូងបានពី៥ទៅ ៦ហិកតា និងស៊ីសាំងតិច​ជាងម៉ាស៊ីនត្រាក់ទ័រ។

លោកបានបញ្ជាក់ថា បច្ចុប្បន្នម៉ាស៊ីនស្ទូងស្រូវប្រភេទថ្មីសុទ្ធតែម្តងគឺក្រុមហ៊ុននាំចូលមកមាន ចំនួន៣​គ្រឿង ២គ្រឿងដាក់ស្ទូងសាកល្បងជូនប្រជាកសិករនៅខេត្តបាត់ដំបង និង១គ្រឿង​នៅខេត្តកំពង់ធំ ។ លោកអះអាងថា នៅពេលខាងមុខនេះក្រុមហ៊ុននឹងនាំយកមកលក់ជាច្រើន​គ្រឿង ដើម្បីបំពេញសេចក្តី​ត្រូវការរបស់ប្រជាកសិករ ចំពោះតម្លៃវិញលោកមានជំនឿថាប្រជា​កសិករយើងអាចមានលទ្ធភាព​ទិញមកប្រើប្រាស់ ព្រោះវាមានតម្លៃថោកជាងត្រាក់ទ័រ ដែលពួក​គាត់​​បាន​​ទិញជាច្រើនគ្រឿងក្នុង​មួយឆ្នាំៗ៕

ដោយ៖ វិជ្ជា

 

Copyright © 2010-2021 · អរិយធម៌ · All Rights Reserved.
Develop by Sek Sathya