ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! លោក ស៊ីន គង់ អភិបាលស្រុកស្រីសន្ធរ និងលោក សុខ យ៉េន អធិការនគរបាលស្រុក រងការចោទប្រកាន់ពីប្រជាពលរដ្ឋឃុំព្រែកដំបូកថា ជាអ្នកនៅពីក្រោយខ្នងនៃការឈូសឆាយដីព្រៃលិចទឹក របស់រដ្ឋរាប់សិបហិកតាធ្វើកម្មសិទ្ធិ?​  ||     ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||   

» ព័ត៌មានជាតិ » ជន​ទំនើង​២​ក្រុម​ផឹកស្រា​​ស្រវឹង​ឈ្លោះ​​គ្នា​រហូត​​វាយ​គ្នា​បណ្តាល​ឲ្យ​រងរបួស​ធ្ងន់ ២ នាក់ ​

ជន​ទំនើង​២​ក្រុម​ផឹកស្រា​​ស្រវឹង​ឈ្លោះ​​គ្នា​រហូត​​វាយ​គ្នា​បណ្តាល​ឲ្យ​រងរបួស​ធ្ងន់ ២ នាក់ ​

ភ្នំពេញ ៖ ហេតុការណ៍​ភ្ញាក់ផ្អើល​មួយ​បាន​កើតឡើង​ក្នុងខណៈដែល​បុរស​ម្នា​ក់វ័យ​ជាង ៣០​ឆ្នាំ ចូលទៅ​ផឹកស៊ី ក្នុង​ហាង​មួយកន្លែង​ស្ថិតនៅ​ជិត​ទីតាំង​វាយ​កូន​ហ្គោល ក្នុងភូមិ​ទួលគោក ក្រុមទី ១២ សង្កាត់​ទួល​សង្កែ ខណ្ឌ​ឬ​ស្សី​កែវ ហើយ​បាន​ទាល់​ពាក្យសម្តី​គ្នា​ជាមួយ​ក្មេងស្ទាវ​មួយក្រុម​ដែល​ផឹកស៊ី​តុ​ជិតគ្នា រហូត​ធ្វើ​ឲ្យ​ពួកគេ​ផ្ទុះ​ហិង្សា ទ្រាំ​មិនបាន​វាយ​គ្នា​ផ្អើល​ពេញ​ហាង បណ្តាល​ឲ្យ​មនុស្ស​ចំនួន ២ នាក់ រងរបួស​ធ្ងន់ធ្ងរ ។
​    ​ករណីនេះ​សមត្ថកិច្ច​មូលដ្ឋាន​ប៉ុស្តិ៍​ទួល​សង្កែ​ដែល​ចុះ​ទៅដល់​កន្លែងកើតហេតុ​បាន​ឲ្យ​ដឹងថា
ហេតុការណ៍​នេះ​បានកើត​ឡើង កាលពី​វេលា​ម៉ោង ២៣ និង ១០ នាទី​យប់​ថ្ងៃទី ០៧ ខែសីហា ឆ្នាំ ២០១៣ ។
ហើយ​នៅមុន​ពេល​កើតមាន​ករណីនេះ គឺមាន​បុរស​ម្នា​ក់បាន​ចូលទៅ​ផឹក​ក្នុង​ហាង​ត្រង់ចំណុច​កើតហេតុ​តែម្នាក់ឯង រហូត​ស្រវឹងស្រា​ជោគ​ខ្លួន បាន​និយាយ​ពាក្យ​ឌឺដង​ជាមួយនិង​ក្រុមក្មេងស្ទាវ​មួយក្រុម​មាន​គ្នា ៥ នាក់​ដែល​កំពុង​អង្គុយ​ផឹកស៊ី​ក្នុង​ហាង​ជាមួយគ្នា​នោះ  រហូត​ធ្វើ​ឲ្យ​បុរស​ខាងលើ ទ្រាំ​មិនបាន​ដើរចូល​សំដៅទៅ​វាយ​យុវជន​ម្នាក់​ក្នុងចំណោម​បក្ខពួក ៥ នាក់ ឲ្យ​សន្លប់​ស្តូកស្តឹង ប៉ុន្តែ​ខណៈនោះ​យុវជន​ចំនួន ៤ នាក់​ទៀត​ដែល​មិនទាន់​សន្លប់​បាន​ព្រួត​គ្នា​វាយ​បុរស​ខាងលើ​ឲ្យ បែក​មុខ បែក​មាត់ រងរបួស​ធ្ងន់ធ្ងរ បង្ក​ឲ្យ​មានការ​ភ្ញាក់ផ្អើល​យ៉ាងខ្លាំង​ពេញ​ក្នុង​ហាង​ផឹកស៊ី​នោះ​តែម្តង ។
​    ​សមត្ថកិច្ច​ដដែល​បាន​បន្តថា ក្រោយ​កើតហេតុ​មាន​ហេតុការណ៍​ភ្ញាក់ផ្អើល ខាងលើ​អ្នករងរបួស​ទាំង ២
នាក់ ត្រូវបាន​រថយន្ត​សង្គ្រោះបន្ទាន់​មក​ដឹក​យកទៅ​មន្ទីរពេទ្យ​ភ្លាមៗ ដើម្បី​ព្យាបាល​របួស ចំណែក​យុវជន ៤ នាក់ ទៀត​ដែល​មិនមាន​រងរបួស​បាននាំគ្នា រត់គេចខ្លួន​អស់​ក្រោយពេល​កើតហេតុ​។ ប៉ុន្តែ​ពាក់ព័ន្ធ​នឹង​ករណី​នេះដែរ អ្នករងរបួស​ទាំង ២ នាក់ ត្រូវបាន​សម្រាក​នៅក្នុង​មន្ទីរពេទ្យ​ដើម្បី​ព្យាបាល​របួស​សិន លុះ​ស្អែក​ឡើង​ទើប​សមត្ថ កិច្ច​ចុះ​ធ្វើការ​សាកសួរ ដើម្បី​ដោះស្រាយ​បញ្ហា​ខាងលើ​៕


Copyright © 2010-2021 · អរិយធម៌ · All Rights Reserved.
Develop by Sek Sathya