ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» ព័ត៌មានជាតិ » ម៉ូតូ២​គ្រឿងបើកបុកគ្នា​បណ្តាលឲ្យនារី ២នាក់របួសធ្ងន់ និង​យុវជនម្នាក់របួសស្រាល

ម៉ូតូ២​គ្រឿងបើកបុកគ្នា​បណ្តាលឲ្យនារី ២នាក់របួសធ្ងន់ និង​យុវជនម្នាក់របួសស្រាល

ភ្នំពេញ ៖ មនុស្សប្រុសស្រីចំនួន ៣ នាក់ត្រូវរងរបួស​បែកក្បាល បាក់ដៃ បាក់ជើង សន្លប់ស្តូក ស្តឹងនៅ លើកំណាត់ផ្លូវលេខ ៣៦០ ជិតទីស្នាក់ចំណតរថយន្តពន្លត់អគ្គីភ័យនៃស្នងការដ្ឋាន នគរបាល រាជធានីភ្នំពេញ ក្នុងសង្កាត់បឹងកេងកងទី៣ ខណ្ឌចំការមន ក្នុងខណៈដែលពួកគេ បានជិះម៉ូតូចំនួន ពីរគ្រឿងបញ្រ្ចាសទិសគ្នា ហើយជ្រុលបុកគ្នាយ៉ាងពេញទំហឹង កាលពីវេលា ម៉ោង ២១ និង ០០នាទី យប់ថ្ងៃទី ០៤ ខែសីហា ឆ្នាំ​២០១៣ ។

សាក្សីដែលបាននៅកន្លែងកើតហេតុ បានឃើញហេតុការណ៍គ្រោះថ្នាក់ចរាចរណ៍ខាងលើនេះនិយាយ រៀបរាប់ប្រាប់សមត្ថកិច្ចថា មុនពេលកើតហេតុគេបានឃើញនារី២នាក់ជិះម៉ូតូ ១​គ្រឿង ម៉ាកស៊ីរូស ពណ៌ ប្រផេះ ពាក់ស្លាកលេខ​នគរបាល ធ្វើដំណើរតាម បណ្តោយផ្លូវលេខ ៣៦០ ក្នុងទិសដៅពីលិចទៅកើត ដោយបានជិះក្នុងល្បឿនល្មម ខណៈជិះ មកដល់ចំណុចកើតហេតុស្រាប់តែមានយុវជនម្នាក់ទៀតជិះម៉ូតូ ១ គ្រឿងម៉ាកសេ ១២៥ ពណ៌ខ្មៅ ដែលកំពុងធ្វើដំណើរក្នុងទិសដៅពីកើតទៅលិច បញ្ច្រាសទិសគ្នាជាមួយ ម៉ូតូស៊ីរូស ដោយម៉ូតូសេ ១២៥ បើកលឿនគេចពីរថយន្តមួយគ្រឿង បណ្តាលឲ្យរេចង្កូតទៅបុកគ្នា ចំពីមុខម៉ូតូស៊ីរូសយ៉ាងពេញទំហឹង បណ្តាលឲ្យនារី ២ នាក់ម្ចាស់ម៉ូតូស៊ីរូសដួលបោកក្បាលនឹង ថ្នល់របួសធ្ងន់ធ្ងរទាំង ២នាក់ ចំណែកយុវជនម្នាក់ជាម្ចាស់ម៉ូតូសេ ១២៥ រងរបួស ស្រាល រីឯម៉ូតូទាំង ២គ្រឿងរួញគាបជាប់គ្នារងការខូចខាតយ៉ាងដំណំ ។

បន្ទាប់ពីកើតហេតុអ្នករងរបួសត្រូវបានរថយន្តសាមុយមកដឹកយកទៅសង្គ្រោះនៅមន្ទីរ ពេទ្យភ្លាមៗ ចំណែកម៉ូតូទាំង ២ គ្រឿងត្រូវបានសមត្ថកិច្ចធ្វើការវាស់វែងអូសយកទៅរក្សាទុក នៅការិយាល័យ ចរាចរជើងគោករាជធានីភ្នំពេញរង់ចាំដោះស្រាយតាមផ្លូវច្បាប់។ គ្រោះថ្នាក់ នេះបង្កឡើងដោយសារ យុវជនម្ចាស់ម៉ូតូសេ ១២៥ ជិះលឿនពេកគេចពីរថយន្តទើបបង្កឲ្យ កើតមានគ្រោះថ្នាក់ខាងលើនេះ តែម្តងទៅ៕

Copyright © 2010-2021 · អរិយធម៌ · All Rights Reserved.
Develop by Sek Sathya