ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អីយ៉ាស្ងាត់ៗ ទើបឡើងមុខតំណែងថ្មី មិនបានមួយឆ្នាំផងលោកគឹម សុខពេជ្រ នាយកដែនជម្រកសត្វព្រៃភ្នំឱរ៉ាល់ខេត្តពោធិ៍សាត់ បានដើរប្រមូលលុយពុករលួយពីបទ ល្មើសព្រៃឈើ យកខ្លួនឯងផងនិងយកទៅ ជូនលោកប៉ាន់មរកត ដែលជាប្រធានមន្ទីរបរិស្ថានខេត្តពោធិ៍សាត់ ជាថ្នូរនឹងការមិនបញ្ជាឱ្យបង្ក្រាបនោះឡើយ បែរជាឲ្យក្រុមបទល្មើសដំណើរការពេញព្រៃទៅវិញ​  ||     មានអាថ៍កំបាំងអី! ភាស៊ីផ្សារស្រុកមេមត់ ខេត្តត្បូងឃ្មុំ មិនយក ដាក់ដេញថ្លៃជាសាធារណៈ​  ||     អាជីវកម្មរណ្តៅដី កំពុងធ្វើឲ្យប៉ះពាល់ដល់ការរស់នៅរបស់ប្រជាពលរដ្ឋ ឃុំពាមឯក ស្រុកឯកភ្នំ នៅបាត់ដំបង​  ||     សកម្មភាពនៃបទល្មើសនេសាទ កើតមានយ៉ាងពេញបន្ទុកនៅលើទឹកដីស្រុកជលគីរី នៅកំពង់ឆ្នំាង​  ||     គ្រោះថ្នាក់ចរាចរណ៍ ប្តីស្លាប់ ចោលប្រពន្ធពោះធំ ៧ខែ ប្កការភ្ញាក់ផ្អើល​  ||   

» ព័ត៌មានជាតិ » មន្ដ្រីជលផល​និង​យោធា​ស្រុក​កៀនស្វាយ ដើរ​ប្រមូល​លុយ​ពីបទ​ល្មើស​នេសាទ​

មន្ដ្រីជលផល​និង​យោធា​ស្រុក​កៀនស្វាយ ដើរ​ប្រមូល​លុយ​ពីបទ​ល្មើស​នេសាទ​

​កណ្ដាល ៖ ទោះបី​ជាមាន​បម្រាម មិនឱ្យ​នេសាទ​ក្នុង​រដូវ​ហាមឃាត់​យ៉ាងណាក៏ដោយ ក៏​បម្រាម​នេះ​ហាក់ដូច ជា​គ្មាន​ប្រសិទ្ធភាព​ឡើយ ។  មន្ដ្រីជលផល​ដែលជា​អ្នក​អនុវត្ដ​ច្បាប់ ធ្វើឡើង​ដោយ​ប្រយោល​បណ្ដោយឱ្យ​កើតមាន​បទល្មើស​នេសាទ​ពេញបន្ទុក ក្នុងភូមិ​សាស្ដ្រ​ស្រុក​កៀនស្វាយ​ខេត្ដ​កណ្ដាល ពិសេស​តំបន់​ព្រៃ​លិច​ទឹក​ដែលជា​ជម្រក​ត្រី​ពង​កូន​ក្នុង​បឹង​ធម្មជាតិ ។

 
​ចាប់តាំងពី​ទឹក ចូល​បឹង​ជន់​លិច​តំបន់ ព្រៃ​លិច​ទឹក​មាន​សេចក្ដីរាយការណ៍​ជា ច្រើន​ពាក់ព័ន្ធ​និង​បទល្មើស​នេសាទ កើត​ពេញ​បឹង និង​តំបន់​ព្រៃ​លិច​ទឹក ជា ជម្រក​ត្រី​ពង​កូន ដោយ​ជនខិលខូច​ដាក់ ឡុ​ក​ស្បៃ​មុង​រាប់ពាន់​ម៉ែត្រ នៅ​ឃុំ​៤ រួមមាន​ឃុំ​កំពង់ស្វាយ ឃុំ​បន្ទាយដែក ឃុំ​សំរោង​ធំ និង​ឃុំ​គគីរ​ធំ ។

 
​បទល្មើស​នេសាទ ប្រើប្រាស់​ឧបករណ៍​ខុសច្បាប់​ក្នុង​រដូវ​ហាមឃាត់​នេះ​បានកើត​ឡើង​ពេញ ផ្ទៃ​ទឹក​ក្នុងភូមិ​សាស្ដ្រ​ឃុំ​៤​ខាងលើ ។ ក្នុង​ឡុ​ក​ស្បៃ​មុង​នីមួយៗ​មាន ប្រវែង​ជិត​១០០០​ម៉ែត្រ ជា​ប្រភេទ​ស្បៃ មុង​ក្រឡា​ល្អិត​សូម្បីតែ​កូន​ត្រី​ទើប​ញាស់​ក៏​ចេញ​មិន​រួច​ដែរ ។

 

 
​សេចក្ដីរាយការណ៍​រប​ស់​ប្រជាពលរដ្ឋ​ពាក់ព័ន្ធ​បទល្មើស​នេសាទ កើតមាន​ក្នុង​រដូវ​ហាមឃាត់​កំពុង​បំផ្លាញ​ធនធាន​មច្ឆជាតិ​នេះ  អ្នកយកព័ត៌មាន បាន​ជួល​ទូក​ម៉ាស៊ីន​១​គ្រឿង​ចុះទៅ​ថត រូប​ភាព​ជាក់​នៅលើ​ផ្ទៃ​ទឹក​បឹង និង​តំបន់​ព្រៃ​លិច ទឹក​ហើយ​បាន​ពិនិត្យឃើញថា​ពោរពេញ ទៅ ដោយ​ឧបករណ៍​នេសាទ​ខុសច្បាប់ ប្រភេទ​ឡុ​ក​ស្បៃ​មុង​រាប់សិប​កន្លែង​ដែល​គេ​ដាក់​ជា​ចំហ និង​ខ្លះទៀត​ដាក់​ព័ទ្ធ ជុំវិញ​ព្រៃ​លិច​ទឹក ដោយ​មិន​ខ្លាច​សមត្ថ កិច្ច​ជលផល​នោះទេ ។ ចំណុច​ដែល​កើត បទល្មើស​នេសាទ​ពេញបន្ទុក​ទី​១ នៅលើ ផ្ទៃ​បឹង​ធំ​ល្វឹងល្វើយ និង​តំបន់​ព្រៃ​លិច ទឹក​លាតសន្ធឹង​ចាប់ពី​ឃុំ​បន្ទាយដែក ឃុំ សំរោង​ធំ និង​ឃុំ​គគីរ​ធំ ស្រុក​កៀនស្វាយ ។ ចំណុច​នេះ​ពោរពេញ​ទៅដោយ​ឡុ​ក​ស្បៃ​មុង​រាប់សិប​កន្លែង​ពេញ​ផ្ទៃ​ទឹក ជាពិសេស នៅ​តំបន់​ចុង​ព្រែក ​ប៉ុល ព្រែក​តាកែវ និង​ព្រែក​ថ្មី​ភូមិ​គគីរ​ធំ ។ ទី​២​នៅ​ចុង ព្រែក​ថ្មី​តំបន់​ប្រាសាទ​៥ ឃុំ​កំពង់ស្វាយ ស្រុក​កៀនស្វាយ ។ តំបន់​នេះ​ពោរពេញ ទៅដោយ​ឡុ​ក​ស្បៃ​មុង​ប្រវែង​រាប់រយ​ម៉ែត្រ ហើយ​មាន​ទូក​តាខេ​របស់​មន្ដ្រីជលផល​ដាក់ ប្រចាំការ​នៅ​តំបន់​នោះ​ផង ។

 
​បើតាម​ប្រជា​នេសាទ ប្រាប់ថា ទូក​តាខេ របស់​ជលផល​នេះ​មិនមែន​បង្ក្រាប​បទល្មើស​នេសាទ​នោះទេ គឺ​សម្រាប់​ដើរ​ប្រមូល លុយ​ពី​ជនខិលខូច​ដែល​ដា​ក់ឡុក​ស្បៃ​មុង​ទៅវិញ ។ បើ​អ្នក​ប្រ​ព្រឹ​ត្ដបទ​ល្មើស​នេ សាទ​ណា​មិន​ព្រម​បង់លុយ​ឱ្យ​ទេនោះ​នឹង ត្រូវ​កាប់បំផ្លាញ​ឧបករណ៍​នេសាទ​ទាំង នោះ​ចោល ។

 
​បើតាម​ប្រភព ព័ត៌មាន​ក្រៅផ្លូវការ បានឱ្យដឹងថា បន​ល្មើស​នេសាទ​ដែល កើតឡើង​ពេញ បន្ទុក​ក្នុងស្រុក​កៀនស្វាយ​នេះ គឺ​អ្នក​ប្រ​ព្រឹ​ត្ដ​ល្មើស​បង់លុយ​ឱ្យ មន្ដ្រីជលផល​ក្នុង​១​កន្លែង​បង់​១០​ម៉ឺន រៀល​យោធា​ស្រុក​៥​ម៉ឺន​រៀល​ដោយ​ឈ្មោះ អួន​ជា​អ្នកដើរ​ប្រមូល ។

 
​លោក​ហេង ធៀ​ម អភិបាល ស្រុក​កៀន​ស្វាយបាន​ប្រាប់​យ៉ាងខ្លី​ថា គណៈ បញ្ជាការ​ឯកភាព​ស្រុក​មាន​ផែនការ ចុះបង្ក្រាប​តែ​មិនទាន់​កំណត់​ពេលវេលា​ទេ ។ បន្ទាប់ពី​បទល្មើស​នេសាទ​កើត ពេញបន្ទុក​ក្នុង​រដូវ​ហាមឃាត់​និង​ប្រើ ប្រាស់​ឧបករណ៍​ល្មើសច្បាប់​ទៀត​នោះ ប្រជា ពល រដ្ឋ​បាន​សំណូមពរ​ដល់​លោក ណៅ ធួ​ក ប្រតិភូ​រាជរដ្ឋាភិបាល​ទទួល បន្ទុក​រដ្ឋបាល​ជល ផល និង​លោក​អភិបាលខេត្ដ​កណ្ដាល​មេ​ត្ដា​ជួយ​ចុះបង្ក្រាប ផង បើ​សង្ឃឹម​មន្ដ្រី​ថ្នាក់ ក្រោម​អត់​បាន ការ​ស្អី​ទេ មច្ឆជាតិ​ជិត​ផុត​ពូជ​រលាយ​អស់ហើយ ៕ ដោយ​៖ នាយ​រំពេរ​
20140928_121514

Copyright © 2010-2020 · អរិយធម៌ · All Rights Reserved.
Develop by Sek Sathya