ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក សឿង វ៉ាន់ នាយកវិទ្យាល័យ ហ៊ុនសែនកំពង់ចាម មានអំណាចយកលុយពីសិស្សម្នាក់៦៥ដុល្លា ថ្លៃចុះឈ្មោះចូលរៀន ប្រឆាំងគោលនយោបាយរាជរដ្ឋាភិបាល​  ||     មន្ត្រី​មន្ទីរ​វប្បធម៌​ខេត្តស្ទឹងត្រែង ប្រតិកម្ម​និង​គម្រោង តែងតាំង​ប្រធាន​មន្ទីរ​ថ្មី ប្រធាន​នាយកដ្ឋាន​អធិការកិច្ច​ក្រសួង​វប្បធម៌​រង់​ការ​ចោទថា សមគំនិត​  ||     ឡាន​សាំ​យ៉ុង​នឹង​បា​ឡែ​ន រាប់រយ​គ្រឿង​ដឹកជញ្ជូន​ឈើប្រណិត​ទៅ​វៀតណាម អត់​ឃើញ​សមត្ថកិច្ច​បង្ក្រាប​  ||     លោក ឌួង​ឆាយ សា​វុ​ទ្ធ ប្រធាន​មន្ទីរ​បរិស្ថាន​កំពុង​ត្រូវប៉ាន់ ដោយ​ឲ្យ​កូនចៅ​ចាំ នៅ​ស្នាក់ការ​កំពោ​ត​គយ ជា​អ្នក​ប្រមូលប្រាក់​ឲ្យ?​  ||     ប្រជាពលរដ្ឋ​ប្រមាណ​ជាង៥០នាក់ ផ្ទុះ​តវ៉ា​រារាំង មិន​ឲ្យ​ក្រុមហ៊ុនទូរស័ព្ទ​មិត្ត​ហ្វូ​ន តំឡើង​បង្គោល​អត់​តែ​ន​  ||   

» ទេសចរណ៍, ព័ត៌មានជាតិ » ថ្ម​រូង រមណីយដ្ឋាន​រំសាយ​អារម្មណ៍​

ថ្ម​រូង រមណីយដ្ឋាន​រំសាយ​អារម្មណ៍​

​ព្រះសីហនុ ៖ នៅពេលដែល​គេ​និយាយ​ពី​ការធ្វើដំណើរ​តាម​បណ្តោយ​ផ្លូវជាតិ​លេខ​៤ គឺ​គេ​ច្រើន​សម្ដៅ​ទៅកាន់​ដំណើរ​កម្សាន្ត​ទៅកាន់​ខេត្ត​មួយ ដែលមាន​ឆ្នេរសមុទ្រ​ដ៏​ស​ក្បស់ និង​ទឹកសមុទ្រ​ដ៏​ថ្លាឈ្វេង​នៃ​ព្រះរាជាណាចក្រ​កម្ពុជា​។ យ៉ាងណាមិញ​ប្រសិនបើ​អ្នក​ទេសចរណ៍​ចោល​ភ្នែក​បន្តិច​ងាកមើល​ទៅខាង​ស្តាំ​ដៃ ចម្ងាយ​ប្រហែលជា​១១៦ ទៅ​១១៩​គីឡូ​ម៉ែត​ពី​រាជធានី​ភ្នំពេញ​នៅ​អំឡុង​ពេលដែល​ពួកគាត់ កំពុងធ្វើដំណើរ​នោះ​។ ពួកគាត់​នឹង​បានឃើញ​ស្លា​កមួយ​ដែល​បញ្ជាក់ប្រាប់​ពី​ផ្លូវ​ចូលទៅ​កាន់ រមណីយដ្ឋាន​ដ៏​ស្រស់ត្រកាល​និង​គួរ​ជាទី​ទាក់ភ្នែក​ទាក់​អារម្មណ៍​មួយ នោះ​គឺ​រមណីយដ្ឋាន​“​ថ្ម​រូង​។ “ ថ្ម​រូង​” គឺជា​រមណីយដ្ឋាន​ទឹកធ្លាក់​មួយ​ដែល​ទើបតែ​ទទួលបាន​ប្រជាប្រិយភាព​យ៉ាងខ្លាំង ប្រហែលជា​ប៉ុន្មាន​ឆ្នាំ​ចុង​ក្រោយនេះ​។ រមណីយដ្ឋាន​“​ថ្ម​រូង​”​នេះ គឺ​ស្ថិតនៅ​ឃុំ​សំរោង ស្រុក​កំពង់សីលា ខេត្ត​ព្រះសីហនុ​។ កាលពីមុន​តំបន់​នេះ គឺជា​ព្រៃ​យ៉ាង​ក្រាស់​ដែលមាន​ត្រឹមតែ​ពួក​ព្រានព្រៃ និង​អ្នក​ដើររក​ឈើ​តែប៉ុណ្ណោះ​ដែល​អាច​ចូល​មកដល់​បាន​។ ប៉ុន្តែ​សព្វថ្ងៃ​តំបន់​នេះ​បាន​ក្លាយជា​រមណីយដ្ឋាន​ទឹកធ្លាក់​មួយ​ដ៏​ស្រស់បំព្រង និង​នៅ​រុំ​ព័ទ្ធជុំវិញ​ទៅដោយ​ព្រៃ​យ៉ាង​ក្រាស់​។ ទឹកធ្លាក់​ពីលើ​ភ្នំ​នេះ​បាន​ទាក់ទាញ​ភ្ញៀវ​ទេសចរណ៍ និង​បានផ្តល់​ជា​មុខរបរ​ដល់​ប្រជាជន​ដែល​រស់នៅ​ជុំវិញ​តំបន់​នេះ​។​

 
អាជីវករ​មួយរូប ជា​ម្ចាស់​តូប​នៅ​រមណីយដ្ឋាន​ទឹកធ្លាក់ “​ថ្ម​រូង​”​នេះ​បាន​និយាយថា “​វា​បានធ្វើ​ឲ្យ​ជីវភាព​គ្រួ​សារបាន​ប្រសើរ ហើយ​ដោយសារតែ​ប្រជាពលរដ្ឋ​នៅ​តំបន់​នេះ ចេះ​ជួយ​សាមគ្គី​គ្នា និង​មានការ​ជ្រុំ​ជ្រែង​ពី​រាជរដ្ឋាភិបាល​យ៉ាងខ្លាំង​នោះ រមណីយដ្ឋាន​ទឹកធ្លាក់​នេះ  មានការ​សម្អាត​អភិរក្ស​បានល្អ ដែល​ធ្វើ​ឲ្យ​ទីនេះ​កាន់​តែមាន​ភាពស្រស់ស្អាត និង​រុំ​ព័ទ្ធ​ទៅដោយ​ធម្មជាតិ​ព្រៃ​យ៉ាង​ក្រាស់​។​

 
​រមណីយដ្ឋាន​ទឹកធ្លាក់​នេះ​បាន​ចែកជា​៣​ជាន់ ដែល​អ្នក​ទេសចរណ៍​ភាគច្រើន​តែង​នាំគ្នា​លេង​ត្រឹមតែ​ទឹកធ្លាក់​ទី​១ ប៉ុណ្ណោះ ព្រោះថា​ទឹកធ្លាក់​ជាន់​ទី​២ និង​ជាន់​ទី​៣ មាន​សភាព​ស្ងាត់ និង​សម្បូរ​ទៅដោយ​ព្រៃ​ក្រាស់​។ ប៉ុន្តែ​ទឹកធ្លាក់​ជាន់​ទី​២ និង​ទី​៣ មាន​សម្លេង​ទឹក​ហូរ​មិន​ដាច់ និង​មាន​ធម្មជាតិ​ស្រស់បំព្រង​។ ក្រៅពីនេះ​នៅ​ផ្នែក​ទាំងពីរ​នេះ មាន​រូង​ជាច្រើន​កន្លែង ដែល​អាច​ចុះទៅ​ទៅកាន់​រូង​ផ្សេងៗ​ទៀត ហើយ​មាន​ផ្ទាំង​ថ្ម​ធំៗ​ជាច្រើន​។ ដូច្នេះ គេ​ហៅថា​តំបន់​នេះ​ថា “​ថ្ម​រូង​។​

 
​អ្នក​ទេសចរណ៍​មួយ​ដែល​បានមក​កម្សាន្ត​នៅ​រមណីយដ្ឋាន​មួយ​បាន​សម្តែង​ពី​អារម្មណ៍​ថា “​ខ្ញុំ ធ្លាប់បាន​ឮជា​យូរហើយ​ថា​មាន​ទឹកធ្លាក់​ថ្ម​រូង​នៅតាម​ផ្លូវ​ទៅកាន់​ខេត្ត ព្រះសីហនុ​។ ប៉ុន្តែ​ទើបតែ​ពេលនេះ ទើប​ខ្ញុំ​មាន​ពេល​មកលេង​កម្សាន្ត​ជាមួយនឹង​មិត្តភក្តិ​របស់ខ្ញុំ​។ ហើយ​ប្រសិនបើ​មានឱកាស ខ្ញុំ​នឹង​នាំ​ក្រុមគ្រួសារ​របស់ខ្ញុំ​មក​កម្សាន្ត នៅ​កន្លែង​ដ៏​រ៉ូ​មេ​ទិ​កមួយ​នេះ​ជាមួយគ្នា​តែម្តង​។​

 
បរិយាកាស​ដ៏​ស្រស់ថ្លា សម្រស់​ទេសភាព​ដ៏​ស្រស់បំព្រង​នៃ​រមណីយដ្ឋាន​ថ្ម​រូង​ធម្មជាតិ​នេះ  ស្ទើរតែ ធ្វើ​ឲ្យ​ខ្ញុំ​លែង​ចង់​ត្រលប់​ទៅវិញ​ហើយ ព្រោះ​នៅទីនេះ​មិន​ត្រឹមតែ​ធ្វើ​ឲ្យ​ពួកយើង​មាន​អារម្មណ៍​ថា សប្បាយរីករាយ​នោះទេ តែ​វា​បាន​ជួយ​ឲ្យ​យើង​ភ្លេច​អស់​នូវ​ទុក្ខ​កង្វល់​ផ្សេងៗ​បាន​យ៉ាងច្រើន ថែម​ទៀតផង​”៕ ដោយ​៖ ឆដា​27-9-2014-2327-9-2014-3127-9-2014-13

Copyright © 2010-2017 · អរិយធម៌ · All Rights Reserved.
Develop by Sek Sathya