ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||   

» ព័ត៌មានជាតិ » អភិបាលខណ្ឌ​មានជ័យ ចុះ​ពិនិត្យ​ស្ថានភាព​លើ​ការស្ថាបនា​ផ្លូវ​បេតុង​ក្នុង​សង្កាត់​ច្បារអំពៅ​ទី​២

អភិបាលខណ្ឌ​មានជ័យ ចុះ​ពិនិត្យ​ស្ថានភាព​លើ​ការស្ថាបនា​ផ្លូវ​បេតុង​ក្នុង​សង្កាត់​ច្បារអំពៅ​ទី​២

​ភ្នំពេញ​៖ លោក គួច ចំរើន និង​ជា​អភិបាល​នៃ​គណៈ​អភិបាលខណ្ឌ​មានជ័យ អញ្ជើញ​ចុះទៅពិនិត្យ​មើលផ្លូវ​បេតុង​មួយ​ខ្សែ​ប្រវែង​ជិត ៨០០​ម៉ែត្រ ដោយ​ត​ភ្ជាប់​ពី​គល់ស្ពាន​ព្រះមុនីវង្ស ឆ្លងកាត់​ភូមិ​ដើម​ស្លែង និង​ភូមិ​កណ្តាល ឆ្ពោះទៅ​តំបន់​មាត់ទន្លេ​ច្រាំង​បាក់​មាន​ទទឹង ប្រវែង​៨​ម៉ែត្រ និង កម្រាស់​១​តឹក​កន្លះ ឆ្អឹង​ដែក​ស្ថិតក្នុង​សង្កាត់​ច្បារអំពៅ​ទី​២ ខណ្ឌមានជ័យ នៅ​ព្រឹក​ថ្ងៃទី​៧ ខែសីហា ឆ្នាំ​២០១៣ នេះ​។​ប្រជាពលរដ្ឋ និង​អាជីវករ​ផ្សារ​ច្បារអំពៅ បានទទួល​ការ​រាក់ទាក់ និង​ស្វាគមន៍​យ៉ាង​កក់​ក្តៅ​បំផុត ចំពោះ​លោក​អភិបាលខណ្ឌ​មានជ័យ ដែល​បាន​យកចិត្តទុកដាក់ ក្នុងការ​ស្នើសុំ​ដល់​សាលា​រាជធានី ភ្នំពេញ ដើម្បី​ស្ថាបនា​ផ្លូវ​បេតុង​ឆ្អឹង​ដែក ព្រមទាំង​មាន​ដាក់​អំពូល ភ្លើង​បំភ្លឺ​ផ្លូវ​នៅពេល​យប់​បង្ក លក្ខណៈ​ងាយស្រួល ក្នុងការ​ធ្វើដំណើរ ក៏ដូចជា​ការប្រកប​អាជីវកម្ម​ផងដែរ​។​

​លោក គួច ចំរើន បាន​មានប្រសាសន៍ថា ផ្លូវ​នេះ​ពីមុន ចាក់​ក្រាល​កៅស៊ូ ហើយ​ត្រូវ​ទទួល​រង​ការខូចខាត ទៅវិញ ដោយសារ​រថយន្ត​ធុន​ធំ ផ្ទុកទំនិញ​លើស​ចំណុះ បណ្តា​ឲ្យ​ខូចខាត​ជា​បណ្តើរៗ ពិបាក​ក្នុងការ​ធ្វើដំណើរ របស់​បងប្អូន​ប្រជាពលរដ្ឋ អាជីវករ​ដឹកទំនិញ​ចេញ​ចូល​ផ្សារ​។​

​ខណៈនោះ​ លោក អភិបាលខណ្ឌ​មានជ័យ ក៏បាន​សំណូមពរ​ដល់​ក្រុមហ៊ុន​ដែល​ដំណើរការ ស្ថាបនា​ឱ្យ​យកចិត្តទុកដាក់​គិតគូរ​ពី​សាងសង់​តាម​បទដ្ឋាន​បច្ចេកទេស ដើម្បី​ធានា​ឱ្យ​គុណភាព​សម្រាប់​ផ្លូវ​មួយ​ខ្សែ​នេះ​ប្រើប្រាស់​បានយូរ​អង្វែង​។ ព្រមទាំង​បានស្នើ​ដល់​បងប្អូន​ប្រជាពលរដ្ឋ មេត្តា​យោគយល់​គ្នា ក្នុងការ​ធ្វើដំណើរ​ឆ្លង​កាត់ ដែល​អាច មាន​ការ​កកស្ទះ​ចរាចរ​ម្តងម្កាល ខណ​:​ក្រុមហ៊ុន​កំពុងដំណើរការ​ស្ថាបនា និង​ធ្វើយ៉ាងណា​ឲ្យ​ការស្ថាបនា​ផ្លូវ​នេះ ប្រើប្រាស់​បានយូរ​អង្វែង​។​

ឆ្លៀត​ក្នុងឱកាស​នោះដែរ លោក គួច ចំរើន ក៏បាន​ព្យាយាម​ពន្យល់​ប្រជាពលរដ្ឋ សាជាថ្មី​ម្តងទៀត ថា កុំ​ឲ្យ​មានការ​ភិតភ័យ​បារម្ភ​អ្វី ព្រោះថា គណបក្ស​ប្រជាជន​មិន​ធ្វើ​ឲ្យ​មាន​បញ្ហា​​អ្វី​កើតឡើង​នោះទេ សម្តេច​តេ​ជោ ហ៊ុន សែន មិន​រត់ចោលស្រុក​នោះទេ​។ ការពិត​ស្ថានការណ៍​ក្រោយពេល​បោះឆ្នោត​បាន​ប្រកបដោយ​សេរី​យុ​តិ្ត​ធម៌ សុ​ក្រិត មិនមាន​ការ​បិទផ្លូវ​នៅក្នុង​រាជធានី​ភ្នំពេញ​អ្វី​ឡើយ ប្រជាពលរដ្ឋ​អាចធ្វើ​ដំណើរ​ដោយ​សេរី ហើយ​ក៏​គ្មាន​ការដាក់​ពង្រាយ​កងកម្លាំង​អ្វី​ដែរ​។ គណបក្ស​ប្រជាជន​កម្ពុជា​ឈ្នះឆ្នោត​សម្តេច​តេ​ជោ ហ៊ុន សែន ជា​នាយករដ្ឋមន្ត្រី​ដដែល​។

លោក​អភិបាលខណ្ឌ​មានជ័យ ក៏បាន​ធ្វើការ​រំលឹក​ដល់​ប្រជាពលរដ្ឋ​ក្នុង​មូលដ្ឋាន ជា​អាជីវ​ករ​អ្នកលក់ដូរ​ក្តី រក្សា​ភាពស្ងាត់ស្ងៀម រកស៊ី​ប្រកប​មុខ​លក់ដូរ​តាម​ធម្មតា សូមកុំ​ចំណាយ​ពេល​ជឿ លើ​ពា​ក្ស​ញុះញង់​ព័ត៌មាន​បំផ្លើស​ពី​សំណាក់​ក្រុម​គណបក្សប្រឆាំង (​សង្គ្រោះ​ជាតិ​)៕  ដោយៈ មករាតូច

Copyright © 2010-2021 · អរិយធម៌ · All Rights Reserved.
Develop by Sek Sathya