ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ផ្ទុះ​គ្រាប់​ច្នៃ​មួយ​គ្រាប់ នៅ​ជិត​សាលាដំបូង​រាជធានី ផ្អើល​ទាំងយប់ មេប៉ូលីស​ត្រូវ​ថា​ជា​អំពើ​បង្ក ចលាចល​សង្គម​

ផ្ទុះ​គ្រាប់​ច្នៃ​មួយ​គ្រាប់ នៅ​ជិត​សាលាដំបូង​រាជធានី ផ្អើល​ទាំងយប់ មេប៉ូលីស​ត្រូវ​ថា​ជា​អំពើ​បង្ក ចលាចល​សង្គម​

​ភ្នំពេញ​៖  នៅ​ព្រឹក​ថ្ងៃ​ពុធ ទី​៧ ខែសីហា ឆ្នាំ​២០១៣ លោក​ឧ​ត្ត​ម​សេនីយ៍​ឯក ជួន សុវណ្ណ ស្នងការ​នគរបាល​រាជធានី​ភ្នំពេញ បាន​ឲ្យ​ដឹងថា សមត្ថកិច្ច​កំពុងធ្វើការ​ស៊ើបអង្កេត​ស្រាវ ជ្រាវ​លើ​ករណី​បំផ្ទុះ​គ្រាប់បែក នេះ​។ ការ​បំផ្ទុះ​នេះ ជាការ​បង្ក​ឲ្យ​មាន​សំឡេង ដើម្បី​បង្ក​ឲ្យ​មាន​ភាពចលាចល ក្នុងសង្គម​។ គ្រាប់បែក​នោះ ត្រូវគេ​ដាក់​នៅ​កន្លែង​គំនរ​សំរាម ហើយ​គោលបំណង បង្ក​ឲ្យ​មាន​សំឡេង​ផ្ទុះ ព្រោះ​កន្លែង​នោះ មិនមែនជា​កន្លែង​ទីប្រជុំជន​ទេ ហើយ​ពេល​ផ្ទុះ ក៏​មិនមែនជា​ពេល​មាន​មនុស្ស​ឆ្លងកាត់​ទេ​។​

​លោក​ឧ​ត្ត​ម​សេនីយ៍​ឯក ជួន សុវណ្ណ បាន​បន្ថែមថា ឧបទ្ទវហេតុ នៃ​ការ​បំផ្ទុះ​គ្រាប់បែក​នោះ មិនមាន​បណ្តាល​ឲ្យ​មនុស្ស​រងរបួស​ទេ​។ ហេតុការណ៍​នោះ បាន​កើតឡើង​កាលពី​យប់​ម៉ោង​ប្រមាណ ១ កណ្តាលអធ្រាត្រ ឈានចូល​ថ្ងៃទី​៧ ខែសីហា ឆ្នាំ​២០១៣​។​

កាលពី​វេលា​ម៉ោង​១​និង​២០​នាទី រំលងអធ្រាត្រ​ឈានចូល ថ្ងៃទី​៧ ខែសីហា នៅ​បណ្តោយ​ផ្លូវ​លេខ​២១៣ ក្រុម​៦២ ភូមិ​៧ ខាងត្បូង​សាលាដំបូង​រាជធានី ក្នុង​សង្កាត់​វាលវង់ ខណ្ឌ​៧​មករា មាន​ករណី​ផ្ទុះ​គ្រាប់​កែច្នៃ​មួយ​គ្រាប់ ផ្អើល​ក្រុងភ្នំពេញ។

​ស្នូរ​ផ្ទុះ​គ្រាប់​មួយ​គ្រាប់​លាន់​សន្ធឹក​ក្នុង​ក្រុង ធ្វើ​ឲ្យ​ផ្អើល​ដល់​លោកស្នងការ ជួន សុវណ្ណ លោក​មេបញ្ជាការ កង​រាជ​អាវុធ​រាជធានី​ភ្នំពេញ លោក យ៉ា គឹមអ៊ី លោក ជៀវ កេង ប្រធាន​សាលាដំបូង​រាជធានី​ភ្នំពេញ លោក អធិការ ខណ្ឌ​៧​មករា និង​សមត្ថកិច្ច​ចម្រុះ​ជាច្រើនរូប​ទៀត ផ្អើល​ច្រូងច្រាង ចុះ​ទៅដល់​កន្លែងកើតហេតុ​ភ្លាមៗ បន្ទាប់ពី​សន្ធឹក​គ្រាប់​កែច្នៃ​មួយគ្រា​ប់ ដែល​គេ​ដាក់​បង្កៃ​នៅក្នុង​ធុង​ប្រេង​មួយ ហើយ​យកទៅដាក់​ចោល​នៅ​ជិត​គំនរ​សំរាម នៅវេលា​ម៉ោង​ខាងលើ បាន​ផ្ទុះ​លាន់​កក្រើក​ក្រុងភ្នំពេញ​ទាំងយប់ បណ្តាល​ឲ្យ​សមត្ថកិច្ច​រត់​ជាន់ជើងគ្នា។

ការផ្ទុះ​គ្រាប់​នេះ ជា​លើកទីមួយ​ហើយ សម្រាប់​ឆ្នាំ​២០១៣ នៅក្នុង​រាជធានី​ភ្នំពេញ ក៏ដូច​ជា​លើក ទីមួយ​ផងដែរ សម្រាប់​ការបោះឆ្នោត​ជ្រើសតាំង តំណាងរាស្ត្រ​អណ​ត្តិ​ទី​៥​នេះ។

​ចំពោះ​ការផ្ទុះ​គ្រាប់​កែច្នៃ​មួយ​គ្រាប់​នេះ មិន​បង្ក​ឲ្យ​មាន​អ្នករងរបួស​ទេ គ្រាន់តែ​ខ្ទាត​អំបែង​បណ្តាល​ឲ្យ​បែក​កញ្ចក់​ធនាគារ​អេស៊ីលីដា​នៅ​ជិត​នោះ និង​ខ្ទាត​ទៅ​បែក​កញ្ចក់​ផ្ទះ​ប្រជា​ពលរដ្ឋ​នៅ​ជិត​នោះ និង​ប៉ះពាល់​ដល់​របង​តុលាការក្រុង​ផងដែរ​៕

Copyright © 2010-2021 · អរិយធម៌ · All Rights Reserved.
Develop by Sek Sathya