ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ជិះ​​ម៉ូតូ​ត្រូ​វ​ឡាន​​កៀរ​ឲ្យ​​ដួល​ជន​ឆ្លៀត​ឱកាស​ម្នាក់​​យក​ម៉ូតូ​ទៅ​បាត់ ​

ជិះ​​ម៉ូតូ​ត្រូ​វ​ឡាន​​កៀរ​ឲ្យ​​ដួល​ជន​ឆ្លៀត​ឱកាស​ម្នាក់​​យក​ម៉ូតូ​ទៅ​បាត់ ​

ភ្នំពេញ​៖ ហេតុការណ៍​ភ្ញាក់ផ្អើល​មួយ​បាន​កើតឡើង  ខណៈ​បុរស​ម្នាក់​ជិះ​ម៉ូតូ​ស្ទេ​ប ១​គ្រឿង ធ្វើដំណើរ​តាមផ្លូវ​លេខ ២៧១ ហើយ​ត្រូវ​រថយន្ត​មិន​ស្គាល់​ម៉ាក ១​គ្រឿង​មក​កៀរ​បណ្តាល​ឲ្យ​ដួល និង​ត្រូវ​ជន ឆ្លៀតឱកាស ២​នាក់មក​បន្លំ​លួច​លើក​ម៉ូតូ​របស់​ជនរងគ្រោះ​ជិះ​រត់គេចខ្លួន​បាត់​ភ្លាមៗ​។ ចំណែក​អ្នករងរបួស​ត្រូវបាន រថយន្ត​សាមុយ​ដឹក​យកទៅ​សង្គ្រោះ​នៅ​មន្ទីរពេទ្យ​។ ហេតុការណ៍​នេះ​បាន​កើតឡើង​កាលពី​វេលា​ម៉ោង ១២ និង ១០ នាទី​រំលងអធ្រាត្រ​ឈានចូល​ថ្ងៃទី ០៦ ខែសីហា ឆ្នាំ ២០១៣ ស្ថិតនៅ​ចំណុច​មុខ​ភោជនីយដ្ឋាន ខារ៉ាអូខេ ជំនោរ​ក្បាល​ទំនប់​ទី​១ ក្នុង​សង្កាត់​ផ្សារ​ដើមថ្កូវ ខណ្ឌចំការមន ។​
​    ​ពាក់ព័ន្ធ​នឹង​ករណី​ខាងលើនេះ​សាក្សី​ដែល​បានឃើញ​ហេតុការណ៍​បាន​និយាយ​រៀបរាប់ ថា នេះ​ជា​ករណី​ប្លន់​យក​ម៉ូតូ ខណៈដែល​បុរសរងគ្រោះ​បាន​ជិះ​ម៉ូតូ ១​គ្រឿង ម៉ាក​ស្ទេ​ប ពណ៌​ខ្មៅ តែម្នាក់ឯង​ឆ្លងកាត់​ត្រង់ចំណុច​កើតហេតុ ស្រាប់​តែមាន​ជនសង្ស័យ ២ នាក់​ស្ទាក់​វាយ​ឲ្យ​រងរបួស​រួច​ប្លន់​យក​ម៉ូតូ​ទៅ​បាត់ស្រមោល​ភ្លាមៗ​តែម្តងទៅ​។ ប្រភពព័ត៌មាន​ពី​សមត្ថកិច្ច​ដែល​ចុះទៅ​ស្រាវជ្រាវ​និង​សួរនាំ​សាក្សី​នៅ​ជុំវិញ​កន្លែងកើតហេតុ​បាន​ឲ្យ​ដឹងថា ករណី​ខាងលើនេះ​មិនមែនជា​ករណី​ប្លន់​ដូច​ការរៀបរាប់​ខាងលើនេះ​ទេ វា​ជា​ករណី​គ្រោះថ្នាក់​ចរាចរណ៍​ដែល​បង្ក ឡើង​ដោយ​បុរស​ម្ចាស់​ម៉ូតូ​ស្ទេ​ប​ស្រវឹងស្រា​ជិះ​លឿន ហើយ​ត្រូវ​រថយន្ត​មិន​ស្គា​ល់បើក​កៀរ​បណ្តាល​ឲ្យ​រងរបួស ធ្ងន់ធ្ងរ រួច​មាន​បុរស ២ នាក់​ផ្សេងទៀត​ដែល​រួម​ដំណើរ​ជាមួយគ្នា មិនមាន​រងរបួស​បាន​លើ​ម៉ូតូ​ជិះ​រត់គេច​ចោល បុរសរងគ្រោះ​ទៅ​។
​    ​ករណី​ខាងលើ​សមត្ថកិច្ច​នៅ​មិនទាន់​អាច​និយាយ ឬ​បញ្ជាក់បាន​ថា ជា​ករណី​អ្វី​ឲ្យ​បាន​ច្បាស់​នោះទេ ដោយ​រង់ចាំ​បុរសរងគ្រោះ​ដឹងខ្លួន ហើយ​សមត្ថកិច្ច​បន្តធ្វើ​ការសាកសួរ​ពី​ករណីនេះ បន្ថែម​ឲ្យ​បានច្បាស់លាស់​។ ក្រោយ​កើតហេតុ​ម៉ូតូ​ជនរងគ្រោះ​ក៏​បាត់​ដោយ​គ្មាន​មូលហេតុ ចំណែក​ម្ចាស់​ម៉ូតូ​ក៏ត្រូវ​រងរបួស​ធ្ងន់​ទៀត​៕
​ដោយ​៖ ទុយ បញ្ញា


Copyright © 2010-2021 · អរិយធម៌ · All Rights Reserved.
Develop by Sek Sathya