ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ធ្លាយ​កាន់តែ​ធំឡើង! បន្ទាប់ពី​រដ្ឋបាល​ស្រុក​កំពង់លែង​បានចេញ​សេចក្តីបញ្ជាក់​ព័ត៌មាន​នេះ​ថា មាន​គណៈនី​យ​ហ្វេ​ស​ប៊ុ​កតា​មដង​ទន្លេសាប​និង​សារព័ត៌មាន​អរិយធម៌​ថា ចុះផ្សាយ​ព័ត៌មាន​មិន​ពិត​ក្នុងការ​ឈូសឆាយ​ទន្ទ្រាន​យក​ដីព្រៃ​លិច​ទឹក​  ||     ដីព្រៃ​លិច​ទឹក​ដែលជា​ជំ​រកត្រី​ពង​កូន​កំពង់​ទទួលរង​នូវ​ការបាត់បង់​យ៉ាងធ្ងន់ធ្ងរ​ពី​សំណាក់​មន្ត្រី​ខិលខូច​មួយចំនួន​ឆ្លៀតឱកាស​ទន្ទ្រាន​យក​មុនពេល​បោះឆ្នោត​  ||     ស្លាប់​ម្នាក់​នៅនឹងកន្លែង​កើតហេតុ​ចំណែក​ម្នាក់ទៀត​រងរបួស​ធ្ងន់ ករណី​គ្រោះថ្នាក់​ចរាចរណ៍​នៅ​ប៉ោយប៉ែត​  ||     មេ​ឈ្មួញ​ឈើធំៗ ជា​ឧកញ៉ា ៣នាក់ គឺ​ឧកញ៉ា សឹង សំអុល ឧកញ៉ា ប៉ោ សំអឿន និង ឧកញ៉ា តុ​ប វី​ដា នៅតែ​បន្តសកម្មភាព​កាប់បំផ្លាញ​ឈើ​ដឹកជញ្ជូន​ចេញពី​តំបន់​ដែនជម្រកសត្វព្រៃ​ភ្នំ​ព្រេច​  ||     សកម្មភាព​បទល្មើស​នេសាទ​នៅតែ​បន្ត​កើតមាន​យ៉ាង​ពេញបន្ទុក​នៅលើ​ទឹកដី​ស្រុក​ជល​គី​រី ពុំមាន​ការបង្ក្រាប?​  ||   

» សុខភាព និង​សម្រស់ » សិច​ផ្តល់​​សុខភាព​អត្ថប្រយោជន៍ 7​ចំណុច

សិច​ផ្តល់​​សុខភាព​អត្ថប្រយោជន៍ 7​ចំណុច

​ការរួម​ភេទ​គឺជា​ផ្នែក​មួយ​ដែល​ធម្មជាតិ​ផ្តល់​ដល់​មនុស្ស​គ្រប់គ្នា ។ វា​ជា​ប្រភព​នៃ​ភាព​ស្រណុក​ស្រួល​ដែល​បុថុជ្ជន​តែង​ស្វែងរក ។ ទោះជា​យ៉ាងនេះ​ក្តី ពួកគេ​ទាំងនោះ​ហាក់​មិន​បានដឹង​ច្បាស់​ពី​អត្ថប្រយោជន៍​របស់​វាង​ឡើយ ។ ដូច្នេះ ចូរ​ស្វែងយល់​ពី​អត្ថ ប្រយោជន៍​៧​ចំណុច​របស់​វា​ខាងក្រោម​នេះ ៖

១-​ជួយ​ឱ្យ​ក្មេង​ជាង​វ័យ​

​ការ​រួមភេទ​ទៀងទាត់ អាចជួយ​ឱ្យ​លោកអ្នក​មើលទៅ​ក្មេង​ជាង​អាយុ​ជាង​១០​ឆ្នាំ នេះ​បើ​យោងតាម​ការរកឃើញរ​បស់​ក្រុម​អ្នកស្រាវជ្រាវ​មកពី​មន្ទីរពេទ្យ Royal Edinburgh​របស់​ចក្រភព​អង់គ្លេស ។ បុគ្គល​អាយុ​ចន្លោះ​ពី​៤០​និង​៥០​ឆ្នាំ​ដែល​មើលទៅ​ក្មេង​ជាង​អាយុ​ពិត​៥០ ភាគរយ​បាន​និយាយថា ពួកគេ​ចូលចិត្ត​រួមភេទ​ជា​ញឹកញាប់ ៣​ដង​ក្នុង​មួយ​សប្តាហ៍ ហើយ​មានពេលខ្លះ​ដែលថា​អត់​សោះ​នោះ ក៏​២​ដង​ដែរ ។ អ្នកដឹកនាំ​ការស្រាវជ្រាវ វេជ្ជបណ្ឌិត David Weeks​បាន​និយាយថា ការរួម​ភេទ​គឺ​ជួយ​ជំរុញ​ដល់​ការ​ចរាចរ​ឈាម ការបញ្ចេញ​នូវ​អ័រម៉ូន​លូតលាស់​និង​អង់​ដូ​ហ្វ៊ី​ន​បំបាត់​ការឈឺ​ចុកចាប់ របស់​មនុស្ស និង​ព្រមទាំង​ជួយ​កាត់បន្ថយ Stress​ផងដែរ ។​

២-​បន្ថយ​ភាព​តានតឹង​ឬ Stress
​ការសិក្សា​ស្រាវជ្រាវ​មួយ​របស់​សាកលវិទ្យាល័យ​West of Scotland ប្រទេស​ស្កុ​តឡែ​ន​បាន​រកឃើញថា បុគ្គល​ដែល​បានរួម​ភេទ​ក្នុងអំឡុងពេល​ពីរ​សប្តាហ៍​មុន គឺអាច​គ្រប់គ្រង​កម្រិត​Stress​បាន​យ៉ាង​ល្អប្រសើរ ។ នេះ​ពីព្រោះ Endorphins និង oxytocin​ជា​អ័រម៉ូន​ដែល​ធ្វើឱ្យ​«​មាន​អារម្មណ៍ល្អ​»​បញ្ចេញ ក្នុងអំឡុងពេល​រួមភេទ បាន​ជួយ​បិទ​ចោល​ឬ​ទប់ស្កាត់​ការ​ថប់​បារម្ភ​និង​ការធ្លាក់​ទឹកចិត្ត​។​

៣-​កាត់បន្ថយ​ហានិភ័យ​បញ្ហា​បេះដូង​

​យោងតាម​ការសិក្សា​មួយ​របស់​អង់គ្លេស​ដែល​បាន​ប្រើពេល​ប្រមាណ​ជា​២០​ឆ្នាំ រកឃើញថា បណ្តា​បុរស​ដែល​រួមភេទ​យ៉ាងហោចណាស់​ពីរដង​ក្នុង​មួយ​សប្តាហ៍ អាច​កាត់បន្ថយ​ហានិភ័យ​ពី​ការស្លាប់​ដោយ​ការ​គាំងបេះដូង​បាន​ពាក់កណ្តាល ប្រៀបធៀប​ទៅនឹង​បុរស​ដែល​រួមភេទ​តិចជាង​ម្តង​ក្នុង​មួយខែ ។ ឯ​ការសិក្សា​មួយ​ផ្សេងទៀត បាន​រកឃើញថា ការ​រួមភេទ​ទៀងទាត់​ត្រូវបាន​ផ្សារភ្ជាប់​ជាមួយនឹង​ការធ្វើឱ្យ​ថយចុះ សម្ពាធ​ឈាម​ដ្យា​ស្តូ​លិ​ក​ដល់​បណ្តា​ដៃគូ​រួមភេទ​ដែល​កំពុង​រស់នៅ​ជាមួយ គ្នា ។​

៤-​ជួយ​ឱ្យ​អាយុ​វែង

​ផ្អែក​តាម​ការសិក្សា​មួយ​ដែល​ធ្វើឡើង​ដោយ​សាកលវិទ្យាល័យ​Belfast’s Queen’s University បង្ហាញថា បណ្តា​បុរស​ដែល​រួមភេទ​ពីរដង​ក្នុង​មួយ​សប្តាហ៍ អាច​កាត់បន្ថយ​ឱកាស​ស្លាប់​មុន​អាយុ​បាន​ពាក់កណ្តាល ធៀប​ទៅនឹង​អ្នក​ដែល​រួមភេទ​តិចជាង​ម្តង​ក្នុង​មួយខែ ។ អត្ថប្រយោជន៍​នេះ​អាច​ត្រូវបាន​ផ្សារភ្ជាប់​ទៅនឹង​ការធ្វើឱ្យ​កើនឡើង នូវ​អ័រម៉ូន​ជំរុញ​ភាព​វ័យក្មេង​DHEA​ដែលមាន​ការកើនឡើង​ក្នុងអំឡុងពេល​រួម ភេទ ។​

៥- ជួយ​រក្សា​នូវ​សមត្ថភាព​ផ្លូវភេទ

​ការសិក្សា​របស់​អ្នកវិទ្យាសាស្ត្រ​ប្រទេស​ហ្វាំ​ង​ឡង់​ទៅលើ​បុរស​វ័យ ចន្លោះ​ពី​៥៥​ឆ្នាំ​ដល់​៧៥​ឆ្នាំ​បាន​រកឃើញថា ការ​រួមភេទ​ទៀងទាត់​គឺ​ជួយ​ការពារ​មុខងារ​ផ្លូវភេទ​ចំពោះ​បុរស​វ័យ​ចំណាស់ ។ នេះ​មានន័យថា បុរស​វ័យ​ចំណាស់​ទាំងឡាយណា​ដែល​រួមភេទ​តិចជាង​ម្តង​ក្នុង​មួយ​សប្តាហ៍ ប្រឈម​នឹង​បញ្ហា​ងាប់​លិង្គ​ដល់​ទៅ​ទ្វេដង ។ ចំណែក​បុរស​ដែល​សកម្ម​នឹង​ការរួម​ភេទ (៣-៤​ដង​ក្នុង​មួយ​សប្តាហ៍​)​វិញ​គឺអាច​បន្ថយ​ហានិភ័យ​បាន​ដល់​៤០០​ភាគរយ ។​

​ចំណែក​ការសិក្សា​មួយទៀត​បាន​រកឃើញថា បណ្តា​ស្ត្រី​វ័យ​ចំណាស់​ដែល​រួមភេទ​រៀងរាល់​សប្តាហ៍​ក​ម្រិ​ត​អ័រម៉ូន estrogen​កើនឡើង​ដល់​ទៅ​ទ្វេដង នេះ​មានន័យថា ពួកគេ​ទំនងជា​មិន​ទទួលរង​គ្រោះ​ពី​ការ​ស្វិត​ទ្វារមាស​ដែល​បាន​បណ្តាលឱ្យ ការរួម​ភេទ​លែង​ស្រួល​នោះឡើយ ។​

៦-​ជួយ​បង្កើន​កម្លាំង​ប្រព័ន្ធ​ការពារ​រាងកាយ​

​ក្រុម​អ្នកស្រាវជ្រាវ​នៅ​សាកលវិទ្យាល័យ Wilkes University រដ្ឋ​ផឹ​ន​ស៊ី​ល​វេ​នៀ សហរដ្ឋអាមេរិក​បាន​អះអាងថា បណ្តា​បុគ្គល​ដែល​រួមភេទ​ទៀងទាត់​(​ម្តង​ឬ​ពីរដង​ក្នុង​មួយ​សប្តាហ៍​) immunoglobulin​ប្រឆាំង​រាងកាយ​(IgA) បាន​កើនឡើង​ក្នុង​កម្រិត​ខ្ពស់​ពោលគឺ​ប្រមាណ​ជា​៣០​ភាគរយ ។ IgA មាន​នាទី​ប្រយុទ្ធ​ប្រឆាំងនឹង​បាក់តេរី​ព្រមទាំង​វីរុស​នៅ​បណ្តា​ចំណុច ផ្លូវ​ចូលក្នុង​រាងកាយ ។ ដូច្នេះ​វា​ជួយ​បញ្ឈប់​ជំងឺ​ផ្តាសាយ​ក៏ដូចជា​ជំងឺ​គ្រុនក្តៅ ។​

៧-​ជួយ​បន្ថយ​ការឈឺចាប់​និង​ដុតបំផ្លាញ​កាឡូរី

​ការសិក្សា​ស្រាវជ្រាវ​ដែល​ធ្វើឡើង​ដោយ​សាកលវិទ្យាល័យ University of Munster ប្រទេស​អាល្លឺម៉ង់​បង្ហាញថា ជាង​ពាក់ កណ្តាល​នៃ​អ្នកជំងឺ​ប្រកាំង​បាន​ធូរស្រាល​ពី​ការឈឺចាប់​ក្រោយ​ការរួម​ភេទ រួច ។ នេះ​ពីព្រោះ ក្រោយ​ការរួម​ភេទ អ័រម៉ូន​ដែលមាន​នាទី​បន្ធូរ​ការឈឺចាប់ Endorphins និង oxytocin​ត្រូវបាន​បញ្ចេញ ។ ឯ​ការសិក្សា​ដែល​ចុះផ្សាយ​ក្នុង​ព្រឹត្តិបត្រ Journal of Cardiology របស់​អាមេរិក​បានបង្ហាញ​ថា ការហាត់​ប្រាណ​អាច​ចាត់​ចូល​ជាការ​ហាត់ប្រាណ មួយបែប​ផងដែរ​ដោយ​បញ្ជាក់ថា នៅក្នុង​ការរួម​ភេទ​មួយ​លើក គេ​អាច​ដុតបំផ្លាញ​កាឡូរី​បាន​២៥០ ៕sdf

Copyright © 2010-2018 · អរិយធម៌ · All Rights Reserved.
Develop by Sek Sathya