ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» សិល្បៈ-កម្សាន្ត » រិ​ន សុធា​រ៉ា ត្រៀម​ចេញទៅ​កើប​លុយ​នៅ​អូស្ត្រាលី

រិ​ន សុធា​រ៉ា ត្រៀម​ចេញទៅ​កើប​លុយ​នៅ​អូស្ត្រាលី

​ភ្នំពេញ​៖ ទោះបី​ខិតខំ​ហែល​ឆ្លង​ព្យុះភ្លៀង​នៅលើ​វិថី​សិល្បៈ​អស់​រយៈពេល​៥​ឆ្នាំ​មកនេះ តារាចម្រៀង​គ្មាន​ទ្រនំ កញ្ញា រិ​ន សុធា​រ៉ា ដែល​ប្រជាប្រិយភាព​និង​កេរ្តិ៍ឈ្មោះ​របស់​នាង​ហាក់​មិនសូវមាន​ភាពលេច​ធ្លោ និង​ល្បីល្បាញ​ដូច​តារាចម្រៀង មួយចំនួន​ប៉ុន្មាន​ឡើយ ព្រោះ​នាង​ជា​តារាចម្រៀង​មួយ​ដួង​មិនមាន​ទ្រនំ​ផ្ទាល់ខ្លួន​សម្រាប់​ជ្រក​ឡើយ។​តែ​ទោះជា​យ៉ាងណា​រយៈពេល​២​ឆ្នាំ​មកនេះ ស្រី​ស្រស់ រិ​ន សុធា​រ៉ា​បាន​ច្រៀង​ឲ្យ​ផលិតកម្ម ក្រៅ​ស្រុក​មួយ ដែលមាន​ឈ្មោះថា ផលិតកម្ម​បុប្ផា ហើយ​កាលពីពេល​ថ្មីៗ​កន្លងទៅនេះ នាង​​ក៏បាន​ច្រៀង ឲ្យ​ផលិតកម្ម បុប្ផា​នៅក្នុង​សាល​មហោស្រព​ចេនឡា ដើម្បី​យកទៅលក់​នៅក្រៅ​ប្រទេស​ផងដែរ ។​កន្លងមក​កញ្ញា រិ​ន សុធា​រ៉ា ធ្លាប់បាន​ឡើង​បង្ហាញ​សម្រស់​និង​បង្ហើរ​សំនៀង​នៅលើ​ឆាក​តន្ត្រី​ស្ទើរ​គ្រប់ៗ​ស្ថានីយទូរទស្សន៍ ក្នុងនោះ​មានដូចជា ទូរ​ទស្សន៍ បាយ័ន ស៊ីធីអ៊ិន ប៉ុស្តិ៍​លេខ​៣ ប៉ុស្តិ៍​លេខ ៥​និង​ប៉ុស្តិ៍ អប្ប​រា ..​ជាដើម ។

បើទោះបីជា​កេរ្តិ៍ឈ្មោះ និង​ប្រជាប្រិយភាព របស់​បុប្ផា​ក្រពុំ​ដែលមាន​ដើមកំណើត​មកពី ខេត្តពោធិ៍សាត់ រិ​ន សុធា​រ៉ា មិនសូវ​លេចធ្លោ​នៅក្នុង​ប្រទេស​ក៏ពិតមែន តែ​ចំពោះ​សំនៀង របស់​នាង គឺមាន​ការគាំទ្រ​យ៉ាងខ្លាំង​ពី​សំណាក់​បងប្អូន​ទស្សនិកជន​ខ្មែរ​រស់នៅ​ឯនាយ​សមុទ្រ ព្រោះ​បទ​ចម្រៀង ដែល​នាង​បាន​ច្រៀង​គឺ​ខាង​ផលិតកម្ម បាន​យក​ចេញទៅ​លក់ នៅ​ខាងក្រៅ​ប្រទេស​ដូច្នេះ​ធ្វើ​ឲ្យ​អ្នក​នៅ​ឯនាយសមុទ្រ មានការ​គាំទ្រ​ច្រើន។

ជាពិសេស​ទៅទៀត​នោះ​បទ​ចម្រៀង​របស់​នាង គឺ​សុទ្ធសឹងតែ​ជា បទ​ចម្រៀង​ពីរោះៗ ដែលមាន​លក្ខណៈ ជាប​ទក​ន្ទ្រឹ​ម​បទ​បុរាណ និង​បទ​មនោសញ្ចេតនា​ជាដើម។ បន្ទាប់ពី​បាន​ប្រឡូក ក្នុង​ពិភព​សិល្បៈ អស់​ជាច្រើន​ឆ្នាំ ហើយ​ទេពកោសល្យ​សិល្បៈ​និង​មាន​សំនៀង​​ពី រោះ​ផង​នោះ ស្រី​ស្រស់ រិ​ន សុធា​រ៉ា ត្រូវបាន​ស្ព​ន់​ស័​រ​ទាក់ទង​នាង​ឲ្យ ទៅ​ច្រៀង​នៅ ប្រទេស​អូស្ត្រាលី ជាមួយ​ក្រុម​នាយ​ពែ​កមី​នៅ​ជាង​មួយ​សប្តាហ៍​ខាងមុខនេះ។

​កញ្ញា រិ​ន សុធា​រ៉ា បាន​និយាយ​រៀបរាប់ ឲ្យ​ដឹងថា​នៅសល់តែ​ប៉ុន្មាន​ថ្ងៃ​ទៀត​ប៉ុណ្ណោះ​នាង នឹង​ចេញទៅ​ច្រៀង​នៅ​ប្រទេស​អូស្ត្រាលី​ជាមួយ​តារាចម្រៀង និង​តារា​កំប្លែង​មួយចំនួន​នៅក្នុង​ក្រុម​នាយ​ពែ​កមី ។​ ​តារាចម្រៀង​វ័យ ២៥​ឆ្នាំ​រូបនេះ បាន​បន្តទៀតថា កញ្ញា​ត្រូវបាន​ស្ព​ន់​ស័​រ​ទាក់ទង​ឲ្យ​ចេញ ទៅ​ច្រៀង​នៅ ប្រទេស​អូស្ត្រាលី​នៅ​ថ្ងៃទី​១២ ខែសីហា​ខាងមុខ​នេះ​។ កញ្ញា​ត្រូវ​ចេញទៅ​ច្រៀង នៅ​ប្រទេស​អូស្ត្រាលី​រយៈពេល​១​ខែ​កន្លះ​រួមជាមួយ​ក្រុម​កំប្លែង​នាយ​ពែ​កមី ក្នុងនោះ​មានដូចជា នាយ​ពែ​កមី នាង​ខ្ញុង លី​ឡា​និង​អ្នកផ្សេង មួយ​ចំនួន​ទៀត។

​គួរ​បញ្ជាក់ថា កាលពីពេល​កន្លង ទៅ​កញ្ញា រិ​ន សុធា​រ៉ា ធ្លាប់បាន​ចេញទៅ​ច្រៀង​នៅ​ប្រទេស​ជប៉ុន​ម្តង រួចមកហើយ និង​ទទួល​ជ័យ​ខ្លាំង​ផងដែរ ។​ដូច្នេះ​ការចេញ ទៅ​ច្រៀង​នៅ ប្រទេស​អូស្ត្រាលី នាពេល​ខាងមុខនេះ នាង​សង្ឃឹមថានឹង​ទទួលបាន​ជោគជ័យ បន្តទៀត ព្រោះ​បានរួម​ដំណើរ ជាមួយ ក្រុម​នាយ​ពែ​កមី​ដែលជា​ក្រុម​មួយ​កំពុង​ទទួល​ការគាំទ្រ និង​ល្បី​ស្រាប់​ក្នុងប្រទេស៕ ដោយៈ សហការី04

Copyright © 2010-2021 · អរិយធម៌ · All Rights Reserved.
Develop by Sek Sathya